ဘင်္ဂလား ပင်လယ်အော်မှတဆင့် ၀င်ရောက်လာဖွယ်ရှိသည့် အဆိုပါမုန်တိုင်းသည် လေတိုက်နှုန်း ၁နာရီ် ( ၆၉ ) မိုင်နှုန်း အထိ ရှိနိုင်သည်ဟု ဗြိတိန်နိုင်ငံအစိုးရက ကူညီထောက်ပံ့ထားသည့် TSR အင်တာနက် စာမျက်နှာတွင် သတိပေးထားသည်။
အဆိုပါ မုန်တိုင်း၏ အမည်မှာ ဘီဂျလီ ( Bijli ) ဖြစ်သည်။
ယင်းမုန်တိုင်းနှင့် ပတ်သက်ပြီး မြန်မာနိုင်ငံ မိုးလေ၀သ နှင့် ဇလဗေဒ ညွန်ကြားမှူး ဦးစီးဌာန သတင်း ထုတ်ပြန်ချက်များကို ယနေ့ထုတ် သတင်းစာများတွင်လည်း ဖော်ပြထားသည်။
“မုန်တိုင်း၏အင်အားအဆင့်မှာ အဝါရောင်အခြေအနေသာဖြစ်ပြီး မြန်မာနိုင်ငံကမ်းရိုးတန်းဒေသသို့ ဦးတည်ရွေ့လျားမည့်အခြေအနေ မရှိသေး” ဟု မိုး/ဇလ၏ ထုတ်ပြန်ချက်က ဆိုသည်။
ယမန်နေ့က မြန်မာ့ အသံ နှင့် ရုပ်မြင်သံကြားတို့တွင် မုန်တိုင်းသတင်းကို ထုတ်လွှင့်ခဲ့ပြီးနောက် ဒေသခံများက စိုးရိမ်မှုများ ရှိနေကြောင်း သိရှိရသည်။
ဘင်္ဂလားဒေ့ရ်ှ အစိုးရက တံငါတည်များကို ပင်လယ်သို့ ငါးဖမ်းထွက်ခြင်း မပြုရန် သတိပေးထားသည်။
ပြီးခဲ့သည့် နှစ် မေလက မြန်မာနိုင်ငံသို့ ၀င်ရောက်ခဲ့သော နာဂစ်မုန်တိုင်းကြောင့် လူဦးရေ ၁ သိန်းကျော် ပျောက်ဆုံး၊ သေဆုံးခဲ့သည်။
| < Prev | Next > |
|---|
