ယမန်နေ့က ထုတ်ဝေသည့် အစိုးရပိုင် ကြေးမုံ သတင်းစာတွင် ဗုံးဖောက်ခွဲ သူများကို ကြိုးကိုင် ထောက်ပံ့ စေခိုင်းနေသူ ပြည်သစ် ညွန့်ဝေခေါ် မောင်မောင် (NLD – ဗဟို အလုပ် အမှုဆောင် ဦးညွန့် ဝေ၏သား)၊ ၀ါရှင်တန်မှ ဒေါ်လာ ပေးပို့၊ ဗုံးပေးပို့ စီစဉ်သူ ဒါရိုက်တာမှာ NCGUB ခေါ် စင်ပြိုင်အစိုးရ ၀န်ကြီးချုပ်ဆိုသူ ပြည်ပြေး စိန်ဝင်း (ပြည်တွင်း၌ ရှိစဉ်က အမျိုးသား ဒီမိုကရေစီ ပါတီ ဥက္ကဋ္ဌနှင့် ဒေါ်အောင်ဆန်း စုကြည်၏ မောင်တ၀မ်းကွဲ) ဟု ဖော်ပြထားသည်။ နယ်စပ် ဒေသရှိ သောင်းကျန်း သူများ၊ ပြည်ပြေး (ဒုက္ခသည် အမည်ခံ) စခန်းများတွင် အနောက် နိုင်ငံသားများ လာရောက်ပြီး ဗုံးခွဲ၊ မိုင်းထောင်နည်း သင်ပေးကြောင်း၊ ဂျင်းရှပ်ဆိုသူ အမေရိကန် အဖျက်သမား၏ ထိပ်တိုက် ရင်ဆိုင် ဆန့်ကျင်ရေး သင်တန်းသို့ NLD-LA)၊ ABSDF ဘုရားသခင်၏ စစ်သည်တော်အဖွဲ့ စသည့် ပြည်ပြေး သောင်းကျန်းသူများ တက်ရောက်ခဲ့သည်ဟုလည်း သတင်းစာတွင် ရေးသားထားသည်။
NLD (LA) နိုင်ငံခြားရေးရာ တာဝန်ခံ ကိုမိုးဇော်ဦးက “ အမျိုးသား ဒီမိုကရေစီ အဖွဲ့ချုပ်ကို တစုံတရာ ပြဿနာ ရှာချင်တာ၊ တခုခု စွပ်စွဲ ချင်တာရှိတဲ့ အတွက်ကြောင့် အမျိုးသား ဒီမိုကရေစီအဖွဲ့ချုပ် လွတ်မြောက်နယ်မြေရဲ့ နာမည်ကိုပါ ဆွဲထည့်တယ်လို့ ကျနော်ထင်တယ်” ဟု ဧရာဝတီသို့ ပြောသည်။
ပြည်သူလူထုကို ထိခိုက်နစ်နာမည့် အကြမ်းဖက်မှုများကို လုံးဝအားမပေးကြောင်းနှင့် ထိုသို့ ပြုလုပ်သူများကိုလည်း အမြဲတမ်း ရှုတ်ချကြောင်း ၎င်းက ဆိုသည်။
ABSDF တွဲဖက် အထွေထွေ အတွင်းရေးမှူး (၁) ကိုဆလိုင်းယောအောင်က ယင်းပေါက်ကွဲမှုနှင့် ပတ်သက်မှုမရှိကြောင်းနှင့် ပြည်သူကို ထိခိုက် နစ်နာအောင် မပြုလုပ်ကြောင်း ငြင်းဆိုလိုက်သည်။
ကိုဆလိုင်းယောအောင်က “နအဖ ဗိုလ်ချုပ်ကြီးတွေကြားထဲမှာ အချင်းချင်း ပြဿနာတွေရှိတယ်။ အဲဒီ အပေါ်မှာ အဓိက ကတော့ ဗိုလ်ချုပ်မှူးကြီးသန်းရွှေကို လုပ်ကြံချင်တာလည်း ဖြစ်နိုင်တယ်။ နောက် တခုကတော့ ဖိုးလပြည့်ပေါ့။ ဖိုးလပြည့် ဆိုတာကလည်း ဗိုလ်ချုပ်မှူးကြီးသန်းရွှေကို တိုက်ရိုက်နည်းနဲ့ သော်လည်းကောင်း၊ သွယ်ဝိုက်နည်းနဲ့ သော်လည်းကောင်း သက်ဆိုင်နေတော့ အဲဒါကို ခုတုံးလုပ်ပြီး သူတို့အချင်းချင်း ဖြစ်တဲ့ ပြဿနာလို့ ကျနော်တို့မြင်တယ်” ဟု ဆက်ပြောသည်။
သင်္ကြန်အကြတ်နေ့၊ ကြာသပတေးနေ့က မင်္ဂလာတောင်ညွန့်မြို့နယ် ကန်တော်ကြီး အနီးရှိ X2O ရေကစားမဏ္ဍပ် အနီး၌ ဗုံး ၃ လုံး ပေါက်ကွဲခဲ့ရာ ပြည်ပအခြေစိုက် အဖွဲ့ဝင်များကို စစ်အစိုးရက ယခုကဲ့သို့ စွပ်စွဲခြင်းဖြစ်သည်။
ပေါက်ကွဲမှုနှင့် ပတ်သက်ပြီး ရန်ကုန်တိုင်း မှုခင်းဌာနသို့ ဧရာဝတီက စုံစမ်းမေးမြန်းခဲ့ရာ တာဝန်ကျ ရဲတဦးက မသိရှိရကြောင်းသာ ဖြေကြားခဲ့သည်။
ရန်ကုန်မြို့ရှိ သတင်းသမားများ အဆိုအရ ဗုံးပေါက်ကွဲခဲ့သည့် နေ့မှစ၍ ရန်ကုန်တိုင်း ရဲတပ်ဖွဲ့နှင့် မင်္ဂလာတောင်ညွန့် ရဲစခန်းသို့ ပြည်တွင်း မီဒီယာများက ဆက်သွယ်မေးမြန်းခဲ့ကြသော်လည်း ၎င်းတို့က ဖြေပိုင်ခွင့်မရှိကြောင်းသာ ပြန်လည် ပြောဆိုခဲ့ကြကြောင်း သိရသည်။
အဆိုပါ ပေါက်ကွဲမှုတွင် စစ်အစိုးရ၏ တရားဝင် ထုတ်ပြန်ချက်အရ အမျိုးသားနှင့် အမျိုးသမီး ၈ ဦးသေဆုံး၍ ထိခိုက်ဒဏ်ရာရရှိသူ စုစု ပေါင်း လူဦးရေ ၁၇၀ ရှိကြောင်း သိရသည်။
ရန်ကုန်တွင်ဗုံးပေါက်ကွဲမှု ဖြစ်ပွားပြီးနောက် စနေနေ့တွင် ကချင်ပြည်နယ်ရှိ မြစ်ဆုံ ရေကာတာ စီမံကိန်း ဆောင်ရွက် နေသည့် အနီးဝန်းကျင်၌ ဗုံးများ ဆက်တိုက်ပေါက်ကွဲခဲ့ကြောင်း သိရသည်။
မြစ်ဆုံရေကာတာ စီမံကိန်းကို တည်ဆောက်နေသည့် အေရှားဝေါလ် ကုမ္ပဏီ ဆက်သွယ်ရေးရုံး အဆောက်အဦးနှင့် တရုတ် ပညာရှင်များ နေထိုင်သည့် နေရာများတွင် ဗုံးများ ပေါက်ကွဲခဲ့ခြင်းဖြစ်ကြောင်း သိရသည်။
ယင်း မြစ်ဆုံရေကာတာ တည်ဆောက်ရေးစီမံကိန်းကို စစ်အစိုးရ၏ အမှတ် (၁) လျှပ်စစ်စွမ်းအား ဝန်ကြီးဌာန လက်အောက်ရှိ ရေအား လျှပ်စစ် အကောင်အထည်ဖော်ရေး ဌာနနှင့် တရုတ် အစိုးရပိုင် CPI ကော်ပိုရေးရှင်းတို့က ပူးပေါင်းဆောင်ရွက်၍ စီမံကိန်းကို စစ်အစိုးရနှင့် နီးစပ်သည့် စီးပွားရေးလုပ်ငန်းရှင် ဦးထွန်းမြင့်နိုင် ခေါ် စတီဗင်လော ပိုင်ဆိုင်သည့် အေရှားဝေါလ် ကုမ္ပဏီက အကောင်အထည်ဖော် ဆောင်ရွက်နေသည်။
| < Prev | Next > |
|---|
