ရန်ကုန်မှလာသော သတင်းများအရ (ITCS) သည် မြန်မာ့ဆက်သွယ်ရေး လုပ်ငန်းနှင့် ပူးပေါင်းကာ မိုဘိုင်းဖုန်းများတွင် အီးမေးလ်များ လက်ခံခြင်းနှင့် ပေးပို့ခြင်းများကို အကောင်ထည်ဖော် ဆောင်ရွက်ခြင်း ဖြစ်သည်ဟု သိရှိရသည်။
သို့သော် စာရွက်စာတမ်းများ၊ ဗွီဒီယိုဖိုင်များ၊ ဓာတ်ပုံများကိုမှု ပေးပို့လက်ခံရယူနိုင်ခြင်း မရှိသကဲ့သို့ အဆိုပါ အီးမေးလ် ကိုလည်း (GSM) (CDMA 450 MHZ) အမျိုးအစား မိုဘိုင်းဖုန်းများတွင်သာ အသုံးပြုနိုင်မည် ဖြစ်သည်ဟု ရန်ကုန်မြို့ရှိ ကွန်ပျူတာ နည်းပညာရှင်များက ပြောသည်။
မိုဘိုင်းဖုန်းတွင် အသုံးပြုနိုင်သော အီးမေးလ်များမှာ ဂျီမေးလ်၊ ရာဟူးမေးလ်နှင့် ဟော့ပ်မေးလ်များ ဖြစ်ကြောင်းသိရသည်။
ITCS မိုဘိုင်းဖုန်း အီးမေးလ် ကိုအသုံးပြုလိုသူများအနေဖြင့် ရောင်းချရန်ခွင့်ပြုထားသော ဖုန်းဆိုင်များတွင် ဦးစွာပထမ မှတ်ပုံတင်ရမည်ဖြစ်သည်။
မြန်မာပြည်တွင်အင်တာနက်နှင့်ပတ်သက်၍ အစိုးရပိုင် မြန်မာ့ဆက်သွယ်ရေးလုပ်ငန်းနှင့် မြန်မာတယ်လီပို့ (ပုဂံနက် (သို့) ပုဂံဆိုင်ဘာတက်)တို့က အဓိက ထိန်းချုပ်ထားသည်။
အင်တာနက်တွင်ဝက်ဆိုဒ်များဝင်ရောက်ကြည်ရှုခွင့်နှင့်ပတ်သက်၍ မြန်မာပြည်သည် အတင်းကျပ်ဆုံး နိုင်ငံတနိုင်ငံဖြစ်ပြီး နိုင်ငံရေးနှင့်သက်ဆိုင်သော ဘလော့စာမျက်နှာများ၊ ပြည်ပအခြေစိုက် မြန်မာ့သတင်း မီဒီယာ ၀က်ဆိုက်ဒ်များကို နည်း ပညာအကူအညီများ အသုံးပြု၍သာ ၀င်ရောက်ကြည့်ရှုနိုင်သည်။
ITCS သည် အစိုးရကဖွဲ့စည်းထားသည့် ပြည်ထောင်စုကြံ့ခိုင်ရေးနှင့်ဖွံဖြိုးရေးအသင်းက ၂၀၀ရ ခုနှစ်တွင် တည်ထောင်ခဲ့ ခြင်းဖြစ်သည်။
ITCS ကိုနည်းပညာပိုင်းဆိုင်ရာနှင့်ပတ်သက်၍ု တရုတ် Alcatel Shanghai Bell ကုမ္ပဏီက အကူညီပေးခဲ့ပြီး စစ်ဘက် ဆိုင်ရာအရာရှိများသာ တာဝန်ထမ်းဆောင်ခွင့်ပြုထားသည်။ ၎င်းကုမ္ပဏီ၏ မြန်မာပြည်ကိုယ်စားလှယ်မှာ ဗိုလ်ချုပ်မှူးကြီး သန်းရွှေနှင့် နီးစပ်သူဟု လူအများပြောဆိုနေကြသော ဦးတေဇ ဖြစ်သည်။
| < Prev | Next > |
|---|
