မြို့နယ်အသီးသီးမှ ရယကများသည် ရပ်ကွက်တွင်းတွင် ပြည်ပမှပြန်လာသူများနှင့် ဖျားနာ၊ နေမကောင်းဖြစ်သူ များစာရင်းကို ကောက်ယူထားရခြင်း၊ ဆေးခန်းများမှ လူနာများစာရင်းကို ကောက်ယူထားခြင်းတို့ ပြုလုပ်ပြီး မယကများထံသို့ သတင်းပို့ခြင်းတို့ကို ဆောင်ရွက်လျက်ရှိကြောင်း တာမွေမြို့နယ် ရယက တဦးထံမှ သိရှိရ သည်။
“ကျနော်တို့က အဓိက နိုင်ငံခြားက ပြန်လာတဲ့လူနာတွေကို ပိုသတိထားရတယ်၊ သူတို့ရဲ့ လိပ်စာ ယူထားပြီး ဖျားတာနာတာရှိမရှိ စောင့်ကြည့်ရတယ်၊ ဖျားတယ် ကြားရင် မြို့နယ်ရုံးကိုသတင်းပို့ရတယ်”ဟု ထို ရယက က ပြောသည်။
ပြည်ပမှပြန်ရောက်လာသူများအား လေဆိပ်တွင် စစ်ဆေးပြီးဖြစ်သော်လည်း၊ ရောဂါပိုး တွေ့ရှိခဲ့သူ ၄ ဦး စလုံးမှာ လေဆိပ်စစ်ဆေးမှုတွင် ရောဂါလက္ခဏာ မပေါ်ခဲ့ဘဲ၊ နေအိမ်ရောက်ပြီး နောက်ပိုင်းမှ ပေါ်လာခဲ့ခြင်းကြောင့် ဖြစ် ကြောင်း သိရှိရသည်။
ရယက များအနေနှင့် ပြည်ပမှ ပြန်လည်ရောက်ရှိလာသူများ၏ လိပ်စာများကို မှတ်သားထားကာ၊ ရက် သတ္တပတ် ၂ ပတ်ကြာသည်အထိ စောင့်ကြည့်ကြရကြောင်း၊ နေ့စဉ်ပုံမှန်စောင့်ကြည့်ရန် မလွယ်ကူသည့်အတွက် အနီး တ၀ိုက် တွင် နေထိုင်သူများအား ထိုအိမ်မှ နေမကောင်းဖြစ်သူရှိပါက လာပြီးအကြောင်းကြားပေးရန် မှာထား ရ ကြောင်း၊ အကြောင်း ကြားပါက သွားရောက် စစ်ဆေးမေးမြန်းရမည် ဖြစ်ကြောင်း မရမ်းကုန်းမြို့နယ်မှ ရယက တဦးက ပြောပြသည်။
“နေ့တိုင်းဘယ်သွားကြည့်နိုင်မှာလည်း အဲဒီအိမ်က တယောက်ယောက်ဖျားတာ ရှိမရှိ ၊ ရှိရင် လာအကြောင်းကြား ဖို့ ဘေးပတ်ဝန်းကျင် အိမ်တွေကိုပဲ မှာထားလိုက်တယ်၊ ခုချိန်ထိတော့ ဘယ်သူမှ လာအကြောင်းမကြားကြသေး ပါ ဘူး”ဟု အဆိုပါ ရယက ကပြောသည်။
ရယကများအနေနှင့် ကျန်းမာရေးအသိပညာနည်းပါးသူဖြစ်ပါက သာမန်တုပ်ကွေးဖျာနာသူများ၊ A(H1N1) ရောဂါပိုး ရှိသူများနှင့်တွေ့ဆုံမေးမြန်းခြင်းပြုပါက ရောဂါပိုးကူးစက်နိုင်သော အခြေအနေနှင့်တွေ့ကြုံနိုင်ကြောင်း မြန်မာနိုင်ငံအထွေထွေရောဂါကုဆရာဝန်အသင်းမှ တာဝန်ရှိသူတဦးက သုံးသပ်ပြောဆိုသည်။
“ရယကတွေက ကျန်းမာရေးဝန်ထမ်းတွေလည်း မဟုတ်ဘူး၊ ကျန်းမာရေးမှူးတွေလည်း မဟုတ်ဘူး သူတို့ကို ဒီလို တာဝန်မျိုးပေးပြီး စောင့်ကြည့်ခိုင်းတာ မသင့်တော်ဘူး၊ တကယ်ပိုးရှိတဲ့သူကို သူတို့သွားကြည့်မေးမြန်းတယ် ဆိုရင်ပဲ သူတို့မှာ ကူးစက်နိုင်တဲ့အနေအထားရှိတယ်” ဟု အထက်ပါ တာဝန်ရှိသူ က ပြောသည်။
မြန်မာနိုင်ငံတွင် ကြက်ခြေနီအဖွဲ့များ၊ ကျန်းမာရေးဝန်ထမ်းများ အရေအတွက်မှာ အလွန်နည်းပါးနေသည်ကို တွေ့ရပြီး၊ လူထု ကျန်းမာရေးဆိုင်ရာကိစ္စရပ်များဆောင်ရွက်ရန်အတွက် အင်အားနည်းပါးခြင်း၊ အခွင့်အာဏာ နည်းပါးခြင်း၊ ကျန်းမာရေးဆိုင်ရာ ပညာပေးဟောပြောပွဲပြုလုပ်မည်ဆိုပါက ရယက၊ မယက များမှ တဆင့် တိုင်း အဆင့်ထိ စာတင်ရခြင်း စသည်တို့ကြောင့် အာဏာပိုင်များအနေနှင့် ယခုကဲ့သို့ မယကများ၊ ရယကများကို စောင့်ကြည့်စေခိုင်းရခြင်းဖြစ်ကြောင်း ပြည်တွင်း သတင်းအယ်ဒီတာ တဦးက ဆိုသည်။
“ကျန်းမာရေးဝန်ထမ်းတို့၊ ကြက်ခြေနီတို့ဆိုတာက တမြို့နယ်လုံးမှာမှ တယောက်လောက်ရှိတာ မရှိတဲ့ မြို့နယ် တွေတောင်ရှိတာပဲ၊ပြီးတော့ သူတို့မှာ ဘာမှ လုပ်ပိုင်ခွင့်ဆိုတာ ရှိတာမဟုတ်ဘူး၊ ရယကကို သွားပြီး သတင်းပို့ ရတဲ့ အဆင့်လောက်ပဲ ထားတာ”ဟု ၄င်းက ပြောပြသည်။
ထို့အပြင် သူက ယခင်ရောဂါပိုး တွေ့ရှိသူများအနေနှင့် လေဆိပ်ရှိ စစ်ဆေးရေးကိရိယာတွင် မပေါ်ခဲ့ခြင်းမှာ အသေ အချာမစစ်ဆေးခြင်းကြောင့် လည်းကောင်း၊ စစ်ဆေးရေးကိရိယာ၏ အားနည်းချက်ကြောင့် သော်လည်း ကောင်း ဖြစ်နိုင်ကြောင်း ၊ ထို့အပြင် ယခုကဲ့သို့ ရယကများအား စောင့်ကြည့်ခိုင်းရုံဖြင့် ကူးစက်ရောဂါပြန့်ပွားမှုကို ကာကွယ်ထိမ်းချုပ်နိုင်လိမ့်မည် မဟုတ်ဟုလည်း သူက ဆိုသည်။
မြန်မာနိုင်ငံတွင် ၀က်တုပ်ကွေးA(H1N1)ရောဂါပိုး ရှိသူ ၄ ဦးရှိသွားပြီဖြစ်ကြောင်း ၊ ထိုသူများမှာ နိုင်ငံခြားမှ ပြန်ရောက်လာသူများသာ ဖြစ်ကြောင်း အစိုးရပိုင်သတင်းစာများမှ ထုတ်ပြန်ကြေငြာခဲ့သည်။
| < Prev | Next > |
|---|
