“မနေ့ညက စပြိုတာ လိုဏ်ခေါင်းကြီးပေါ်မှာ ထပ်ဖောက်ထားတဲ့ လမ်းသစ်က မြေသားမသေတော့ အဲဒီက မြေတွေက လိုဏ်ခေါင်း ပေါက်ကို ပိတ်ကုန်တယ် ၊ မနက်ခင်းက ကားတွေ တစီးမှ မထွက်နိုင်ဘူး"ဟု ဘူးသီးတောင် မြို့ခံတဦးက ပြောသည်။
ဘူးသီးတောင်မြို့နှင့် ဘင်္ဂလားဒေ့ရ်ှနယ်စပ် မောင်းတောမြို့သည် ၁၆ မိုင် ကွာဝေးပြီး မြို့ ၂ မြို့အကြား လမ်းအလယ်တွင် တောင် ကို ဖောက်ထားသော အရှည် ၁ ဖာလုံခန့်ရှိ ဥမင်လိုဏ်ခေါင်းကြီးရှိရာ ယာဉ်များသည် အဆိုပါ ဥမင်လိုဏ်ကို ဖြတ်သန်းသွားကြရ ကြောင်း သိရသည်။
“အဲဒီ လိုဏ်ခေါင်းကြီးက နှစ်ပေါင်း ၁၀၀ လောက်ရှိနေပြီဆိုတော့ စိတ်မချရဘူးဆိုပြီး ဒီနှစ် မတ်လ လောက်က စပြီး အပေါ်ကနေ လမ်းသစ် တလမ်း ထပ်ဖောက်တယ်၊ မြေသားမသေတော့ မိုးများချိန်မှာ အဲဒီအပေါ်လမ်းက မြေတွေက လိုဏ်ဝကို ပိတ်နေတာ"ဟု ဘူးသီးတောင်မြို့ခံက ဆက်လက်ပြောဆိုသည်။
ဘူးသီးတောင်နှင့် မောင်းတောမြို့သို့ တရက်လျှင်လိုင်းကားအစီး ၃၀ ခန့် ကူးသန်း သွားလာလေ့ရှိပြီး တောင်ပြိုမှုကြောင့် ယနေ့ နံနက်ပိုင်းတွင် လိုင်းကား ၈ စီးခန့် လမ်းပိတ်မိနေခဲ့ကြောင်း သိရသည်။
“ကျနော့်ကားတော့ ၀င်လာပါပြီ ၊ နေ့လယ် ၁ နာရီလောက်မှ လမ်းပြန်ဖွင့်နိုင်ပါတယ် ၊ မိုးများရင်တော့ နောက်ရက်တွေလည်း ထပ် ပြိုဦးမယ့် သဘောရှိတယ် ၊ သူတို့ အသစ်ဖောက်တဲ့လမ်းက မြေသားမသေဘူးလေ ၊ အန္တရာယ်များလည်း လိုဏ်ခေါင်းကြီးထဲကပဲ ကူးသန်း သွားလာနေကြရတာပါပဲ"ဟု မောင်းတောမြို့သို့ ရောက်ရှိလာသော လိုင်းကားဒရိုင်ဘာ တဦးက ပြောသည်။
အဆိုပါကားလမ်းသည် မြန်မာ- ဘင်္ဂလားဒေ့ရှ် နယ်စပ်ကုန်သွယ်ရေးအတွက် အဓိကကျသော လမ်းကြောင်းဖြစ်သဖြင့် တောင်ပြိုမှု ထပ်မံဖြစ်ပွားမည်ကို ဒေသခံများ စိုးရိမ်နေကြသည်။
| < Prev | Next > |
|---|
