“၀ါယာရှော့ဖြစ်ပြီးလောင်တာ၊ လူတွေကတော့ မရောက်ကြသေးဘူး၊ ဘာမှတော့ သိပ်မဖြစ်ပါဘူး၊ မီးသတ်ကားတွေရောက်လာပြီး ငြိမ်းလိုက်ကြတယ်”ဟု မြန်မာ တယ်လီပို့ ၀န်ထမ်း အမျိုးသမီးတဦးက ပြောသည်။
အဆိုပါ အဆောင် ၁ အပေါ်ထပ်မှ ပစ္စည်းများထားသော စတိုခန်း၌ ၀ါရာရှော့ဖြစ်ကာ မီးစလောင်ခြင်း ဖြစ်ကြောင်း ၎င်းက ပြောဆို သည်။
ကွန်ပျူတာနှင့် ပတ်သက်သော ပစ္စည်းများ၊ သင်ထောက်ကူ ပစ္စည်းများနှင့် အစည်းအဝေးပြုလုပ်ပါက အသုံးပြုလေ့ရှိသော ပစ္စည်း များထားသည့် စတိုခန်းကို လောင်ကျွမ်းသောကြောင့် ထိုအခန်းတွင်းမှ ပစ္စည်းများ အားလုံးနီးပါး လောင်ကျွမ်းခဲ့ကြောင်း သိရ သည်။
မီးလောင်မှုမှာ နာရီဝက်ခန့်သာ ကြာမြင့်ခဲ့ပြီး ပျက်စီးဆုံးရှုံးမှု ပမာဏကိုမူ အတည်ပြုလို့ မရသေးကြောင်း၊ မီးလောင်ချိန်မှ ယခု အထိ လုံခြုံရေးချထားပြီး သင်တန်းသားများကိုလည်း ၀င်ခွင့်မပြုသေးကြောင်း သိရသည်။
“သင်တန်းတက်ဖို့ လာတာ၊ မီးလောင်လို့ဆိုပြီး မီးသတ်ကားတွေနဲ့ လုံထိန်းတွေက အခန်းထဲကို ပေးမ၀င်သေးဘူး၊ အပြင်မှာ ဒီ အတိုင်း စောင့်နေရတယ်”ဟု သင်တန်း လာတက်သူ ကျောင်းသူ တဦးက ပြောသည်။
မြန်မာတယ်လီပို့ မီးလောင်သည့် သတင်းကြောင့် အင်တာနက်ဆိုင်များမှာ ကွန်နက်ရှင်ပျက်မည်ကို စိုးရိမ်မိကြောင်း အင်တာနက် ဆိုင်များက ပြောဆိုသည်။
| < Prev | Next > |
|---|
