အဆိုပါ ပွဲစဉ် ပထမပိုင်းတွင် ဒဏ်ရာရရှိခဲ့ခြင်း ဖြစ်ပြီး အရန်ဂိုးသမား မာချက်တီနှင့် လူစားလဲခဲ့ ရသည်ဟု AFP သတင်းတွင် ဖော်ပြ ထားသည်။
ပါရာဂွေး အသင်းအတွက် ဗွေဆော်ဦး ဂိုးကို အယ်ကာရက်ဇ်က ခေါင်းတိုက် သွင်းယူခဲ့ပြီး အီတလီ အသင်းအတွက် ချေပဂိုးကို ကွင်းလယ်လူ ဒီရော့စီက သွင်းယူခဲ့ခြင်း ဖြစ်သည်။
အီတလီ နည်းပြကြီး မာဆယ်လို လစ်ပီက “ဘူဖွန်က နောက်ကျော ဒဏ်ရာရှိနေပေမယ့် အီတလီအတွက် ကစားပေးချင်တယ်လို့ ပြောတယ်၊ ဒါပေမယ့် ပထမပိုင်းပြီးတော့ သူဆက်မကစားနိုင်တော့ဘူး၊ ဒဏ်ရာ ဘယ်လောက်ဆိုးသလဲ ဘယ်တော့ သက်သာမလဲ တော့ ဆရာဝန်တွေကပဲ ပြောနိုင်မယ်”ဟု ဆိုသည်။
အသက် ၃၂ နှစ်အရွယ်ရှိ အီတလီနှင့် ဂျူဗင်တပ်စ် အသင်း၏ ဂိုးသမားသည် ခေတ်သစ်ဘောလုံးလောကတွင် အကောင်း ဆုံး တဦးအဖြစ် သတ်မှတ်ခံထားရသူ ဖြစ်ပြီး ၂၀၀၆ ခု ကမ္ဘာ့ဖလားတွင် အကောင်းဆုံး လက်စွမ်းပြကာ ငါးပွဲတိတိ ဂိုးအသွင်း မခံရရန် ကာကွယ် ပေးခဲ့သည်။
အီတလီ ဘောလုံးသမိုင်းတွင် ကမ္ဘာ့အကောင်းဆုံး ဂိုးသမားဆုကို ဒီနိုဇော့ ပြီးနောက် ဒုတိယအကြိမ် ရယူနိုင်ခဲ့သူဖြစ်သည်။
လာမည့် တနင်္ဂနွေနေ့ တွင် အီတလီအသင်းသည် နယူးဇီလန် အသင်းနှင့် ယှဉ်ပြိုင် ကစားရမည်ဖြစ်သည်။
< Prev | Next > |
---|