ပြည်တွင်း ဈေးကွက်သို့ တရုတ်နိုင်ငံမှ တင်သွင်းသော အချိုမှုန့်၊ အချိုရည်ဘူး၊ အ၀တ်အထည် စသည့် စားသောက်ကုန်နှင့် လူသုံးကုန်ပစ္စည်းများ ဈေးနှုန်းမြင့်တက်လျက်ရှိပြီး တမျိုးလျှင် ကျပ် ၃၀၀ မှ ၅၀၀ ၀န်းကျင် အထိ ဈေးတက်သွားကြောင်း၊ ထို သို့ဈေးတက်ရခြင်းမှာ မြန်မာပြည်တွင်းသို့ တရုတ်ကုန်ပစ္စည်းများနှင့်အပြိုင် တင်သွင်း နေသည့် ထိုင်း ကုန်ပစ္စည်းများ ရှားပါး မှုကြောင့်ဖြစ်ကြောင်း ကုန်သည်များက ပြောသည်။ ထိုင်း-မြန်မာ နယ်စပ် အဓိက ကုန်စည် စီးဆင်းသည့် မဲဆောက်-မြ၀တီ ဂိတ်ကို စစ်အစိုးရက ဇူလိုင် ၁၈ ရက်နေ့က စတင် ပိတ်ထားသည်မှာ ၄ လ ကျော် ပြီဖြစ်သည်။ပြီးခဲ့သည့် ရက်ပိုင်းကလည်း တရုတ်-မြန်မာ နယ်စပ် ကုန်စည်စီးဆင်းမှုကို တင်းကျပ်ပိတ်ပင် ထားသည်။
