အမျိုးသား ဒီမိုကရေစီ အဖွဲ့ချုပ်၊ အထွေထွေအတွင်းရေးမှူး ဒေါ်အောင်ဆန်းစုကြည်က တနင်္လာနေ့တွင် ကွယ်လွန်သွားသူ ကနေဒါ နိုင်ငံ အတိုက်အခံ ခေါင်းဆောင်ဟောင်း မစ္စတာ ဂျက်လေတန် အတွက် ၀မ်းနည်းခြင်း သ၀ဏ်လွှာကို ယမန်နေ့က ပေးပို့လိုက်သည်။ ကနေဒါနိုင်ငံသားအားလုံးနှင့်တကွ မစ္စတာ ဂျက်လေတန်၏ နိုင်ငံရေး ပါတီဖြစ်သော New Democratic Party နှင့် လုပ်ဖော် ကိုင်ဖက်များ၊ မိသားစုဝင်များ၏ မိတ်ဆွေကောင်းတဦး ဆုံးရှုံးရခြင်းအတွက် အလွန် ၀မ်းနည်းမိပါကြောင်း သ၀ဏ်လွှာတွင် ဖော်ပြထားသည်။ မစ္စတာ ဂျက်လေတန်သည် မြန်မာ့ဒီမိုကရေစီ အရေးအတွက် တက်တက်ကြွကြွ ကူညီ အားပေးခဲ့သူဖြစ်သည်။ ကနေဒါ နိုင်ငံရေးလောကတွင် အလွန်လေးစားကြသည့် မစ္စတာ ဂျက်လေတန်သည် တိုရန်တိုမြို့ နေအိမ်တွင် ကင်ဆာရောဂါ ဖြင့်ကွယ်လွန်ခဲ့သည်။ စနေနေ့တွင် နိုင်ငံတော်ဈာပနအခမ်းအနားဖြင့် သဂြိုင်္ဟ်မည်ဟု သိရသည်။
