ဝက်နားရွက်ပြာရောဂါ ပြန့်ပွားနေသော မြန်မာနိုင်ငံဘက်မှ ၀က်များကို တင်သွင်းမှု ပိတ်ပင်ကြောင်း အိန္ဒိယနိုင်ငံ မီဇိုရမ်ပြည်နယ်အစိုးရက တနင်္လာနေ့တွင် ကြေညာလိုက်သည်။ ၀က်နားရွက်ပြာ ပြန့်ပွားမှု ကာကွယ်ရန်အတွက် မဏိပူရ်ပြည်နယ် အစိုးရကလည်း ပြီးခဲ့သည့်လက အလားတူ ပိတ်ပင်ထားသည်။ မီဇိုရမ်၊ မဏိပူရ် တို့သည် ချင်းပြည်နယ်၊ စစ်ကိုင်းတိုင်းတို့နှင့် ကပ်လျက် တည်ရှိသော ပြည်နယ် ၂ခု ဖြစ်သည်။ ဒေသတွင်း လိုအပ်သည့် ဆန်၊ ၀က်၊ ကြက်၊ အစရှိသည့် စားသောက်ကုန်တချို့ကို မြန်မာဘက်မှ နယ်စပ် ဖြတ်ပြီး တင်သွင်းလေ့ရှိသည်။