ရင်မခုန်ရတဲ့ ရွေးကောက်ပွဲ

ရန်ကုန်မြို့ရဲ့ လူစည်ကားရာ နေရာတွေမှာ အရင်က ကုန်ပစ္စည်း ကြော်ငြာ ဆိုင်းဘုတ်ကြီး တွေကသာ နေရာယူခဲ့ပေမယ့် အခု ကြော်ငြာ ဆိုင်းဘုတ် အမျိုးအစားသစ် ထပ်တိုးလာပါတယ်။

အဲဒီ ဆိုင်းဘုတ်ကြီးတွေက ကုန်ပစ္စည်းကြော်ငြာတာတွေ မဟုတ်သလို၊ အရောင်းမြှင့်တင်ရေးအတွက် ကြော်ငြာတာတွေလည်း မဟုတ်ပါဘူး။

usdpsအသစ်တိုးလာတဲ့ ဆိုင်းဘုတ်တွေက စစ်အာဏာရှင် စနစ်ကနေ အရပ်သား အာဏာရှင် စနစ်ဆီ ပြောင်းလဲမယ့် ကြော်ငြာတွေလို့ ရန်ကုန်မြို့ခံ တချို့က ဆိုပါတယ်။ ဆိုင်းဘုတ်မှာတော့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (ကြံ့ဖွံ့ပါတီ) ကို မဲပေးဖို့ နှိုးဆော်ထားတာပါ။

မဲပေးရမယ့် နိုဝင်ဘာလ ၇ ရက်နေ့ ရောက်ဖို့ ရက်ပိုင်းလောက်ပဲ လိုတောတဲ့ အချိန်မှာ ကြံ့ဖွံ့ပါတီက မဲဆွယ် ဆိုင်းဘုတ်တွေ ထောင်တာ၊ စည်းရုံးလှုံ့ဆော်တာတွေကို ရန်ကုန် အပါအ၀င် နိုင်ငံတ၀န်းလုံးမှာ အရှိန်အဟုန် မြှင့်နေပါပြီ။ တခြား ပါတီတွေကလည်း ပုံစံ အမျိုးမျိုးနဲ့ အင်တိုက် အားတိုက် မဲဆွယ်နေပေမယ့် ကြံ့ဖွံ့ ပါတီ လောက်တော့ လူအင်အား၊ ငွေအား မသုံးနိုင်ပါဘူး။

ဒီလို လှုံ့ဆော်နေပေမယ့် ရွေးကောက်ပွဲကို လူထု စိတ်ဝင်စားမှု အားနည်းလွန်းတယ်လို့ လွှတ်တော် ကိုယ်စားလှယ်လောင်းတွေက ဆိုပါတယ်။

“ရပ်ကွက်တွေကို ၀င်ပြီး မဲဆွယ်တဲ့အခါ ပြည်သူတွေက မသိသလို ရှောင်သွား ကြတယ်။ ကိုယ်က စကားပြောဖို့ ကြိုးစားပေမယ့် အလုပ်ရှိလို့ပါ ဆိုပြီး ထွက်သွားကြတယ်။ ဘယ်သူပဲ တက်တက် တို့က ထမင်း၂ နပ်ပဲ စားရမှာ၊ စိတ်မ၀င်စားဘူး ဆိုပြီး တချို့က ပြောတယ်။ တော်တော်များများကတော့ သူတို့ ယုံကြည်တဲ့ ပါတီ မပါလို့ မဲမပေး ဘူးလို့ ပြောကြတယ်” ဟု တောင်ဥက္ကလာပမြို့နယ်က လွှတ်တော် ကိုယ်စားလှယ်လောင်းတဦးက ပြောတယ်။

တောင်ဥက္ကလာ ပြည်သူတွေ ပြောတဲ့ သူတို့ ယုံကြည်တဲ့ ပါတီ ဆိုတာက ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီ အဖွဲ့ချုပ် (NLD) ကို ဆိုလိုတာလို့ သူက ရှင်းပြတယ်။

တောင်ဥက္ကလာပတင် မဟုတ်ပါဘူး မြန်မာနိုင်ငံတ၀န်းက ပြည်သူတွေဟာ  NLD မပါဝင်တဲ့ ရွေးကောက်ပွဲကို မဲမပေးဘူး ဆိုတဲ့ သဘောထား ရှိနေတယ်လို့ ကိုယ်စားလှယ်လောင်းတွေက ခန့်မှန်းကြတယ်။

monk-billboardဒီမိုကရက်တစ်ပါတီ(မြန်မာ)နဲ့ အမျိုးသား ဒီမိုကရေစီ အင်အားစု တို့ကလည်း မဲဆွယ် လှုပ်ရှားမှုတွေ အရှိန်အဟုန် မြှင့်နေပါတယ်။ 

ဒီမိုကရက်တစ်ပါတီ(မြန်မာ)က အထွေထွေ အတွင်းရေးမှူးလည်းဖြစ်၊ စမ်းချောင်းမြို့နယ်ကနေ ၀င် အရွေးချယ်ခံမယ့် ဒေါ်နေရီဗဆွေက ရွေးကောက်ပွဲရက် နီးကပ်လာတာနဲ့အမျှ ကားနဲ့ လှည့်လည်ပြီး လက်ကမ်းကြော်ငြာတွေ ဝေနေတယ်။

“ရက်နီးလာပြီ ဆိုတော့ လက်ကမ်းကြော်ငြာ ဝေတာတွေကို ပိုပြီး လုပ်နေရတယ်။ ကားခေါင်းခန်းမှာ ထိုင်ပြီး ကျမ ကိုယ်တိုင် လိုက်တယ်” လို့ သူက ဆိုတယ်။

တိုင်းရင်းသားစည်းလုံးညီညွတ်ရေးပါတီနဲ့ တခြား ပါတီတွေကလည်း လက်ကမ်း ကြော်ငြာ ဝေတဲ့နည်းကို ဦးစားပေးပြီး မဲဆွယ် လှုပ်ရှားကြတာကို တွေ့မြင်ရတယ်။

ဒါပေမယ့် ပြည်သူတွေ ရွေးကောက်ပွဲ စိတ်ဝင်စား လာအောင် ဒီလက်ကမ်းကြော်ငြာတွေနဲ့ မဆွဲဆောင်နိုင်ဘူးလို့ ရန်ကုန်မြို့ခံတွေက ဆိုတယ်။ လာဝေတဲ့ ကြော်ငြာ ယူထားပြီး လွှင့်ပစ်လိုက်တာပဲ လို့ မရမ်းကုန်းမြို့နယ် ဒေသခံတဦးက ပြောပြတယ်။

အစိုးရတပိုင်း ကြံ့ဖွံ့ပါတီက လက်ကမ်းကြော်ငြာအပြင် ဆန္ဒမဲလက်မှတ်ပုံစံ စာရွက်တွေကို ဝေငှတယ်။ ပုံစံမှာ ပါတီရဲ့ ခြင်္သေ့တံဆိပ်၊ ကိုယ်စားလှယ်လောင်းအမည် အပါအ၀င် တခြား ပြိုင်ဘက် နိုင်ငံရေးပါတီတွေရဲ့ တံဆိပ်နဲ့ ကိုယ်စားလှယ်လောင်းအမည်တွေကို ဖော်ပြထားတယ်။ ဒါပေမယ့် ထောက်ခံမဲ အမှန်ခြစ် သင်္ကေတ ကိုတော့ ခြင်္သေ့တံ ဆိပ်ဘေးမှာပဲ တွေ့ရတယ်။ ဒါဟာ ဥပဒေနဲ့ မညီဘူး လို့ တခြားပါတီတွေက ဆိုကြပေမယ့် ရွေးကောက်ပွဲကော်မရှင်ကို တိုင်ကြားရုံကလွဲလို့ ပါတီတွေ ဘာမှ မတတ်နိုင်ကြပါဘူး။

ပြည်သူ တချို့က စားဝတ်နေရေးအတွက် ရုန်းကန်နေရတာကြောင့် ရွေးကောက်ပွဲကို အာရုံမထားကြဘူးလို့ ဧရာဝတီကို ပြောကြတယ်။

ရုပ်မြင်သံကြား၊ ရေဒီယို ဖွင့်တိုင်း မဲပေးဖို့ သီချင်း၊ မဲပေးရေး ဇာတ်လမ်းတွေ၊ နေရာတိုင်းမှာ ကြံ့ဖွံ့ပါတီ ကြော်ငြာ ဆိုင်းဘုတ်တွေကြောင့် စိတ်အနှောင့်အယှက်ဖြစ်ရတယ်လို့လည်း ပြည်သူတွေက ဆိုတယ်။

ရန်ကုန်မြို့ခံ တဦးကတော့ တကယ်လို့ မဖြစ်မနေ မဲပေးရမယ် ဆိုရင်တောင် ကြံ့ဖွံ့ကို မဲမပေးဘဲ တခြား ပါတီကို မဲပေးမယ်လို့ ဆိုတယ်။ သူ မဲမပေးလည်း ကြံ့ဖွံ့ပါတီက ရှုံးမှာမဟုတ်ဘဲ သေချာပေါက်နိုင်မှာပါလို့ သူရဲ့ ထင်မြင်ချက်ပြောပြတယ်။

ပြည်သူလူထုရဲ့ စိတ်ဝင်စားမှု အားနည်းရတဲ့အထဲ စစ်အစိုးရရဲ့ ရွေးကောက်ပွဲကော်မရှင်က ပြဋ္ဌာန်းထားတဲ့ ဥပဒေတွေကြောင့် မဲဆွယ်လှုပ်ရှားရတာ အတော်ကို အခက်အခဲ ဖြစ်နေတယ်လို့ နိုင်ငံရေးပါတီတွေက ညည်းတွားကြတယ်။

“ဟောပြောပွဲ လုပ်မယ် ဆိုရင် ကော်မရှင်ဆီ ၇ ရက် ကြိုတင်ရမယ်။ လက်ရှိ တည်ဆဲ အစိုးရကို မဝေဖန်ရဘူး ဆိုတဲ့ အချက်တွေအပါအ၀င် ကန့်သတ်ချက်အများကြီး ရှိနေတော့ ဟောပြောပွဲတွေ၊ တရားဟောပွဲ လုပ်ဖို့ အဆင်မပြေဘူး” လို့ ဒီမိုကရက်တစ်ပါတီ(မြန်မာ)က လွှတ်တော် ကိုယ်စားလှယ်လောင်း တဦးက ပြောတယ်။

ဝါရင့်သတင်းစာဆရာတဦးကလည်း “၁၉၉၀ ရွေးကောက်ပွဲတုန်းက တရားဟောပွဲတွေ နေရာတိုင်းမှာ လုပ်ပြီး ပြည်သူတွေက ရာထောင်ချီ တက်ရောက်ပြီး တနိုင်ငံလုံး နိုင်ငံရေးစိတ်ဓာတ်တွေနဲ့ တက်ကြွခဲ့တယ်။ ခု ၂၀၁၀ ရွေးကောက်ပွဲက ခြောက်တီးခြောက်ကပ်၊ ဟိုဟာ မလုပ်ရ၊ ဒီဟာ မလုပ်ရ ဆိုတဲ့ ဥပဒေတွေနဲ့ တော်တော်ကို ရုပ်ဆိုးလွန်းတယ်” လို့ ပြောတယ်။

Members-of-the-National-Democratic-Forceရွေးကောက်ပွဲမှာ မဲမပေးရေး လှုပ်ရှားသူတွေကိုလည်း တွေ့ရပါတယ်။ ရွေးကောက်ပွဲကို သပိတ်မှောက်ထားတဲ့ NLD အဖွဲ့ဝင်တွေက မဲမပေးဘဲ နေလို့ရတယ်၊ ခြိမ်းခြောက် မဲပေးခိုင်းတာတွေရှိရင် နီးစပ်ရာ ရဲစခန်းကို တိုင်ကြားကြပါ စသဖြင့် ဒေါ်အောင်ဆန်းစုကြည် အမှာစကားပါတဲ့ စာရွက်တွေကို ရန်ကုန်မှာ ဖြန့်နေကြတယ်။

ဒေါ်အောင်ဆန်းစုကြည်ရဲ့ ရုပ်ပုံပါတဲ့ အဲဒီစာရွက်တွေကို ပြည်သူတွေက လိုက်တောင်းတဲ့ အထိ အောင်မြင်မှု ရနေတယ်လို့ NLD လူငယ်တဦးက ပြောတယ်။

သူတို့နောက်မှာ ရဲထောက်လှမ်းရေး၊ စစ်ထောက်လှမ်းရေးတွေ တကောက်ကောက် လိုက်နေတာကိုလည်း တွေ့နေရတယ်။

နိုဝင်ဘာ ၇ ရက်နေ့ နီးလာလေလေ၊ နိုင်ငံရေးပါတီတွေ၊ သတင်းသမားတွေ ရင်ခုန်နေကြပေမယ့် စစ်အစိုးရရဲ့ သဘောထားအမှန်ကို သိနေတဲ့ ပြည်သူလူထုကတော့ တုတ်တုတ် မလှုပ်ပါဘူး။

“လုပ်မနေပါနဲ့။ သူတို့ပဲ နိုင်မှာပါ။ ဘုန်းကြီးတောင် သတ်တဲ့ကောင်တွေ၊ ဘယ်တော့မှ အာဏာစွန့်မှာ မဟုတ်ဘူး” ဆိုတာ ရန်ကုန်မြို့က ပြည်သူတွေကြားမှာ အပြောများတဲ့ စကားတခွန်း ဖြစ်နေပါတယ်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်