ငယ်သော်လည်း အနုစိတ် ဆွဲထားသည့် ပန်းချီကား

ဤစာအုပ်တွင် ဖောင်တိန်၊ မင်တို့ဖြင့် မြန်မာ နိုင်ငံရှိ နိုင်ငံခြားသားတို့၏ နေ့စဉ် ဘ၀ကို စာရေးသူက ပုံဖော်၍ အသေးစိတ် ချယ်မှုန်းထားသည်။

ဂိုင်း ဒစ္စရေလီ (Guy Delisle) က ပြုံးယမ်းနှင့် ရှန်ဇန်း ... စသည့် စာအုပ်များကို ရေးသားခဲ့သည့် စာရေးဆရာလည်း ဖြစ်သည်။ သူက ကျောစိမ့် ကြောက်ရွံ့ဖွယ် အာဏာရှင် စနစ်က လုံးဝ ချုပ်ကိုင်ထားသည့် မြောက်ကိုရီးယား နိုင်ငံအကြောင်းနှင့် တရုတ်နိုင်ငံ၏ စီးပွားဖွံ့ဖြိုး အလုပ်ဖြစ်နေသော ရှန်ဇန်းမြို့ အကြောင်း ရေးခဲ့သည်။ သူက မင်တံများနှင့် စာအုပ်ကို ယူကာ ၂၀၀၅ ခုနှစ်တွင်တော့ မြန်မာနိုင်ငံအကြောင်း ပုံဖော်ခဲ့ပြန်သည်။

ဒစ္စရေလီက ပြင်သစ် နယ်စည်းမခြား ဆရာဝန်များအဖွဲ့ Médecins sans Frontières (MSF) France တွင် အလုပ်လုပ်နေသူ သူ၏ဇနီး နာဒဲငယ် (Nadège)၊ တတောက်တောက် ဆော့ပြေးနေသည့် သားငယ် လူးဝစ်တို့နှင့်အတူ နေထိုင်ရင်း မြန်မာပြည်ကို လေ့လာ ပုံဖော်နိုင်ခဲ့သည်။ မြန်မာပြည်၏ ရာဇ၀င် (Burma Chronicles) ဟု အမည်ရသော စာအုပ်တွင် သူ့ကိုယ်သူ ခပ်ထုံထုံ ကလေးထိန်း တဦးသဖွယ်သာ နှိမ်ချရေးသား ထားခဲ့သည်။ တခါတရံ တွေဝေနေ တတ်သော၊ စိတ်ပျက် လွယ်တတ်သော၊ သူ၏ဇနီးက ငှက်ဖျားရောဂါ တိုက်ဖျက်ရေးနှင့် နပန်းလုံးနေချိန်၌ သိပ်အရေး မပါလှသူ တဦးအဖြစ်သာ ဖော်ပြထားခဲ့သည်။

ပုံဖော် ရေးသားကြသည့် တခြား စာရေးဆရာများ ဖြစ်သော Marjane Satrapi (Persepolis) သို့မဟုတ် Alison Bechdel
(Fun Home) တို့ကဲ့သို့ ထင်ရှား ပြတ်သားသည့် အဖြူအမည်း ခွဲခြားပုံမျိုး သူ၏စာအုပ်တွင် မတွေ့ရသော်လည်း ဒစ္စရေလီက သူ၏နေ့စဉ်ဘ၀ကို  စုတ်ချက်နုနုဖြင့် အလင်းအမှောင်မှုန်း၍ ကျွမ်းကျင်စွာ တင်ပြထားခဲ့သည်။ မြန်မာပြည် အကြောင်းနှင့် ပတ်သက်၍ သူကတင်ပြထားသည့် အတွင်းကျကျ အမြင်မှာ အငယ်ဆုံး ရှုထောင့် အမြင်ဘောင်မှ အခြေခံလာခြင်း ဖြစ်သည်။ သေချာရွေးချယ်၍ သူ၏ ဘောင်ကို ကျဉ်းထားသော်လည်း ဤစာအုပ်က အကြောင်း ကိစ္စများစွာကို အလွှာလွှာ ထပ်၍ တင်ပြထားပါသည်။ နိုင်ငံခြားသား များ၏ ဘ၀၊ နိုင်ငံခြား ခရီးသွားများ၏ အမြင်၊ နိုင်ငံရေး ဝေဖန်ချက်များနှင့် နိုင်ငံတကာ အန်ဂျီအို အဖွဲ့အစည်းများ၏ အခန်းကဏ္ဍ စသဖြင့် မွှမ်းထုံ တင်ပြခဲ့သည်။

သူနှင့် သူ၏ မိသားစုက ရန်ကုန်မြို့၏ လူကုံထံ ရပ်ကွက်ဟု သိကြသည့် ရွှေတောင်ကြား "ဗွီအိုင်ပီ ရပ်ကွက်" တွင် နေကြသည်။ ဖန်ကွဲများဆင့်၍ လုံခြုံအောင် ပြုထားသော သံဆူးကြိုးကာ တံတိုင်းနောက်ရှိ ခမ်းနားသည့် အိမ်သစ်ကြီးများ အနက်မှ တခုတွင် နေထိုင်ကြသည်။ သူတို့ရပ်ကွက်က လျှပ်စစ်မီးပုံမှန်ရပြီး ၀ါယာကြိုးများ ရှုပ်ထွေး၍ မီးစက်အင်ဂျင် ခုတ်သံ တဒုတ် ဒုတ်ညံနေသော ရန်ကုန်မြို့၏ အခြားရပ်ကွက်များနှင့်လည်း ခြားနားနေပြန်သည်။ ရွှေတောင်ကြားရပ်ကွက်က စစ်တပ် အသိုင်းအ၀န်းမှ လူများနေထိုင်ကြသောကြောင့်လည်း ဒစ္စရေလီအဖို့ ဆက်ဆံရသည်မှာ ခပ်တန်းတန်း။ ကံကောင်းသည် ကတော့ သူ၏ တတောက်တောက်ပြေးနေသည့် ကလေးငယ် လူးဝစ္စကြောင့် ရင်းနှီးခင်မင်မှု ရလာစေသည်တော့အမှန်။

နိုင်ငံတကာ အန်ဂျီအိုအဖွဲ့သားတဦး၏ ခင်ပွန်းဖြစ်သောကြောင့်လည်း ဒစ္စရေလီက အခွင့်ကောင်းယူကာ သံရုံးဝန်ထမ်းများ သွားလေ့ရှိသည့် ရေကူးကန်များနှင့် ပါတီပွဲများကို ချဉ်းကပ်နိုင်ခဲ့သည်။ သူနှင့် သူ့သား လူးဝစ္စက နိုင်ငံခြားသားမိခင်များနှင့် အတူ အချိန်ဖြုန်းနိုင်သည့် ဇိမ်ခံကလေး ကစားကွင်းများဆီသို့လည်း ရောက်ရသည်။
"ပြင်ပကမ္ဘာက ဘာကိုမကျေမနပ်ဖြစ်နေကြသနည်းဆိုသည်နှင့် ပတ်သက်၍လည်း သူဦးနှောက်ချာချာလည်နေရသေး သည်" ဟု ဆိုခဲ့ပြန်သည်။

နောက်ဆုံး ဒစ္စရေလီက မြန်မာကာတွန်းဆရာတစုနှင့် တကယ့်မိတ်ဆွေဖြစ် ပွဲကျခဲ့ရသည်ဟု ဆိုသည်။ သူက ထိုသူများ အတွက် ကွန်ပျူတာရုပ်ရှင်ပညာ (computer animation) ဆယ်မီနာတခု တရားမ၀င် ဆောင်ရွက်ပေးရင်း ရင်းနှီးလာခဲ့ ရသည်။ ပြင်သစ်သတင်းထောက်တဦးက စစ်အစိုးရကို ဆန့်ကျင်ရေးသားသည့် ဆောင်းပါးတပုဒ်တွင် ဒစ္စရေလီ၏အမည် ကို ကိုးကားရေးသားခဲ့ရာမှ မြန်မာကာတွန်းဆရာများအတွက် အန္တရာယ်ရှိနိုင်သည့်အခြေ ပေါ်ပေါက်လာပြီး သူတို့၏ရင်းနှီး မှုလည်း ဇာတ်သိမ်းခဲ့ရသည်။ ၎င်းကာတွန်းဆရာများကလည်း သူနှင့် လူချင်းရင်းနှီးပေါင်းသင်းသည့်အတွက်ပင် အဖမ်းခံရ နိုင်သည့် ပြစ်မှုကျူးလွန်ပြီးသား ဖြစ်နေပြန်သည်။

တခါတရံ ဒစ္စရေလီက သူ၏ဇနီးနှင့်အတူ အမ်အက်စ်အက်ဖ် စီမံကိန်း ခရီးစဉ်များ၌ အထက်မြန်မာပြည်သို့ လိုက်ပါသွား တတ်သည်။ MSF အဖွဲ့အစည်း မြန်မာနိုင်ငံက ထွက်ခွါသွားရပုံကိုလည်း သူက ထည့်သွင်းရေးသားဖော်ပြခဲ့သည်။ စစ် အစိုးရက ခရီးသွားလာခွင့်များ ကန့်သတ်ပိတ်ပင်လိုက်သောကြောင့် MSF အဖွဲ့အဖို့ ပဋိပက္ခဖြစ်နေသည့်ဒေသများတွင် သူတို့၏ တာဝန်ဝတ္တရားကို ဆောင်ရွက်ရန် မဖြစ်နိုင်ဖြစ်လာရသည်၊ သို့နှင့်ပင် မြန်မာနိုင်ငံမှ ထွက်ခွါခဲ့ရသည်ဟု ဖော်ပြ ထားသည်။ ဒစ္စရေလီနှင့် သူ၏ဇနီးက တခါတရံ နိုင်ငံခြားခရီးသွား တိုးရစ်များသွားလာလေ့ရှိသည့် ပုဂံ၊ အင်းလေးကန် စသည့် နေရာများသို့လည်း သွားရောက်လည်ပတ်လေ့ရှိပြီး သူက ဖော်ပြလိုသည့် စိတ်အာရုံကို လှုံ့ဆော်ပေးသည့် စုတ် ချက်ကောက်ကြောင်းကို စကားလုံးများနှင့် ဖော်ပြခြင်းမဟုတ်ဘဲ တကွက်ချင်း ပြသခဲ့သည်။

ဒစ္စရေလီက မြန်မာ့နိုင်ငံရေး နောက်ခံကို ကောက်ကြောင်းမျှသာ ဆုပ်ကိုင်ဖော်ပြခဲ့သည်။ သူက ပုံရိပ်ငယ်များဖြင့်သာ မှန်းဆဖော်ပြခဲ့သည်။ ဥပမာ ဒေါ်အောင်ဆန်းစုကြည်က သူ၏အိမ်အတွင်း ပြူတင်းဝတွင် ရပ်နေပုံမျိုး စသည်ဖြင့်သာ မှန်းဆဖော်ပြခဲ့သည်။ စာပေစိစစ်ရေးက ဖြတ်တောက်သုတ်သင်လိုက်သောကြောင့် သတင်းစာဆောင်းပါးများမှာလည်း မှန်ကူကွက် အပေါက်များဖြင့်သာ ကျန်တော့ကြောင်း ဖော်ပြခြင်းမျိုး ဖြစ်သည်။ စစ်တပ်အရာရှိများ၏ ယူနီဖောင်းအိတ် ထောင်ကိုလည်း အောက်ချ၍ ချုပ်ထားရကြောင်း၊ သို့မှသာ ဆုတံဆိပ်များ၊ ဂုဏ်ပြုဖဲကြိုးများ တပ်ရန်အဆင်ပြေလိမ့်မည် ဖြစ်ကြောင်းလည်း သူက ကလောင်သော့ခဲ့သေးသည်။

ရေကူးကန်ဘေးတွင် ၀ိုင်းဖွဲ့အချိန်ဖြုန်းကြသည့် နိုင်ငံခြားသားများက မြို့တော်အတွင်း မည်သူ ဗုံးထောင်သည်ကို ခန့်မှန်းနေကြသည်။ ပြင်သစ် စွမ်းအင်ကုမ္ပဏီ တိုတယ်၏ ဓာတ်ငွေ့ ပိုက်လိုင်းဖြင့် ဘန်ကောက်မြို့ကို လေအေးစေပြီး ရန်ကုန်ကိုတော့ ပူနေစေသည်။ "အဆောက်အဦးအတွင်း မှောင်နေလျှင် ဖြင့် နောက်တလ လျှပ်စစ်မီး အဖိုးအခများ မပေးနိုင်တော့ပြီ" စသဖြင့် အကျဉ်းကျနေသည့်သဖွယ် ဖြစ်နေသည့်၊ ခေါင်းပုံ ဖြတ်ခံနေကြရသည့်နိုင်ငံတခု၏ ဇာတ်လမ်းကို ဘီးစိတ်တိုက် ချယ်မှုန်းဖော်ပြခဲ့သည်။

ဒစ္စရေလီ ရန်ကုန်တွင် နေခဲ့ရသည့်အချိန်တွင် အင်တာနက်ကဖေးများ အများအပြား မပေါ်ထွန်းလာမီ အချိန်က ဖြစ်သည်။

သူ၏ ယခုစာအုပ်တွင် အကောင်းဆုံးအခန်းမှာ ပိတ်ဆို့ခံထားရသည့် အီးမေးလ်နှင့် ပတ်သက်၍ ပြန်ကောင်း လာစေရန် ဆောင်ရွက်ရပုံဖြစ်သည်။ နောက်ဆုံး မြန်မာနိုင်ငံတွင် အင်တာနက်ဝန်ဆောင်မှုပေးနေသည့် ဌာန ၂ ခု အနက်တခုဖြစ် သော စာတိုက်နှင့် ကြေးနန်းဌာနသို့ပါ လူကိုယ်တိုင်ရောက်ခဲ့ရတော့သည်။ ဤရုံးရှိ ပုံတုံးတုံး ကွန်ပြူတာ မှန်ပြင်အိမ်ကြီးနှင့် ခပ်မှောင်မှောင် အခန်းအတွင်း စောင့်ကြပ်နေသူကိုပါ လျှပ်တပြက် ပုံဖော်၍ အခြေအနေကို သိသာစေခဲ့သည်။

တခြားသော နိုင်ငံခြားဧည့်သည်များကဲ့သို့ပင် ခေတ်နောက်ကျစွာ ခဲခဲယင်းယင်း ရုန်းကန်နေကြရသော မြန်မာနိုင်ငံသားတို့ ၏ ဘ၀ကိုလည်း ထူးဆန်းအံ့သြနေမိသည်။ ကြေးနန်းမော့စ်ကုတ်ဒ်ကို မြန်မာနိုင်ငံတွင် သုံးနေဆဲရှိပြီး အပတ်မင့် တိုက်ခန်း များ၏ ပြူတင်းပေါက်မှ ကြိုးချ၍ ပစ္စည်း၊ အထုပ်အပိုး အတင်အချပြုနေရဆဲ ဖြစ်သည်။ ဘဏ်များတွင် လယ်ဂျာစာအုပ်နှင့် အလုပ်ရှုပ်နေကြပြီး၊ ဒုတိယကမ္ဘာစစ်ကာလက မီးသတ်ကားများက မြန်မာနိုင်ငံတွင် အလုပ်ဖြစ်နေကြဆဲ ရှိသည်။ သူက သင်္ကြန်ရေစိုရပုံနှင့် မုတ်သုန်မိုး ရုတ်တရက်ဝင်လာပုံကြောင့် နိုင်ငံရေးသဘော မပါဘဲ ရယ်မောရသည်များလည်း ရှိခဲ့သေး သည်။ မြန်မာနှစ်အကုန်တွင် ဒစ္စရေလီက အရဲကိုး၍ ၃-ရက်ကြာ ၀ိပဿနာဗုဒ္ဓကမ္မဌာန်းဝင်၍ တရားထိုင်လိုက်သေးသည်။

တရားထိုင်ရသောကြောင့် သူ့အဖို့ သက်သောင့်သက်သာ မရှိလွန်းလှသော်လည်း (သူက ဤအခြေအနေတွင်တောင် ကူရှင် ၄-ခုနှင့်တရားထိုင်ခြင်း ဖြစ်သည်။) အရင်က သည်ထက်စော၍ မည်သည့်အတွက်ကြောင့် တရားမထိုင်ခဲ့မိကြောင်း ကိုလည်း အံ့သြနေမိသည်။ "အရင်ကထက် ပို၍ငြိမ်းချမ်းလာသည်၊ သို့သော်လူက လန်းဆန်းဖြတ်လတ်နေသည်" ဟု ဤ တရားထိုင်သည့် အတွေ့အကြုံကို ရေးခဲ့သည်။

MSF ရုံးခန်း မြန်မာနိုင်ငံမှ ပိတ်၍ ထွက်ခွါသွားသည့်အခါ သူတို့ရုံး၏ ဒေသခံဝန်ထမ်းများသည်လည်း အခြားအလုပ်များ ရှာဖွေကြရသည်။ သူတို့မိသားစုများလည်း ထွက်ခွါဖို့ ပြင်ဆင်ကြရသည်။ သူ၏သားငယ်နှင့် ရပ်ကွက်အတွင်း နောက်ဆုံး လျှောက်လည်ရာ လုံခြည်ဝတ် အားကစားသမားတဦးမောင်းလာသည့် မြန်မာနိုင်ငံတွင် ထုတ်ထားသော မော်ဒယ်နိမ့် ဖယ်ရစ်ကား (Ferris) နှင့် သူ တိုက်မိရသေးသည်။ ဤသို့ဖြစ်ရသည်မှာလည်း ဗုဒ္ဓဘာသာမြန်မာတို့၏ ဘ၀သံသရာ ကျင် လည်ပုံ စက်ဝိုင်းနှင့်လည်း ယှဉ်၍ သတိရစရာ ကောင်းလှသေးသည်ဟု သူကဆိုခဲ့သည်။ အပြောင်းအလဲ အနည်းအကျဉ်း ဖြစ်လာရန်အတွက် များစွာရုန်းကန် ကြိုးပမ်းနေကြရသော်လည်း ဖြစ်လာသည့် အပြောင်းအလဲက နည်းလှသည် မဟုတ်ပါ လား။ သံသရာစက်ဝိုင်းက တပတ်ပြီးတပတ် ဆက်၍ လည်နေဆဲ ဖြစ်သည်။

မြန်မာပြည်၏ ရာဇ၀င် (Burma Chronicles) ဟု အမည်ရသော စာအုပ်၏ နောက်ပိုင်းတွင် ထပ်၍ ဒစ္စရေလီက အပိုဖြည့် စွက်ရေးသားခဲ့ခြင်းလည်း မရှိပါ။ ရဟန်းသံဃာများက ၂၀၀၇ ခုနှစ်တွင် အံ့သြဖွယ်ရာ မည်သို့မည်ပုံ စတင်၍ လမ်းပေါ် ထွက်လာကြကြောင်း၊ ၂၀၀၈ ခုနှစ်တိုင်အောင်လည်း စစ်အစိုးရက မည်သည့်အတွက် အာဏာဆက်၍မြဲနေဆဲဖြစ် ကြောင်း .. စသဖြင့် အပိုစာသားများလည်း သူက ဖြည့်စွက်ရေးသားခြင်း မရှိခဲ့ပါ။

EDITH MIRANTE ရေးသားသည့် A SMALL, FINELY DRAWN PICTURE ကို ဆီလျော်အောင် ပြန်ဆိုဖော်ပြပါသည်။

Edith Mirante သည် Orchid Press ထုတ် Down the Rat Hole: Adventures Underground on Burma’s Frontiers ဟူသည့် စာအုပ်နှင့် Atlantic Monthly Press ထုတ် စာအုပ် Burmese Looking Glass ကို ရေးသားခဲ့သူ တဦးဖြစ်သည်။ Project Maje: www.projectmaje.org ၏ ဒါရိုက်တာတဦးလည်း ဖြစ်ပါသည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်