ချင်းမိုင် ရုက္ခစိုးနှင့် ကြွက်စုတ်တို့ ၂ ဦးသည် ညောင်ပင်ရိပ်တွင် မြေသင်းနံ့နှင့် မိုးရနံ့တို့ ပေါင်းစပ်ထားသည့် လေပြေ လေညင်းကို ရှူရှိုက်ရင်း ထုံးစံအတိုင်း လေပန်းနေကြ၏။
ရုက္ခစိုး။ ။ အခုတလော ငါတို့ရဲ့ အထောက်တော်ကြီးတယောက် ပျောက်လှချည်လားကွ။
ကြွက်စုတ်။ ။ ပျောက်ဆို သူ့မှာလည်း တနေ့တနေ့ အလုပ်တွေ ပိနေပုံရတယ်။ မုန်တိုင်းသတင်း၊ နိုင်ငံရေးသတင်း၊ အဖမ်းအဆီးသတင်းတွေနဲ့ ရှုပ်နေတဲ့အပြင် ယူရို ၂၀၀၈ ဘောလုံးပွဲကလည်း ကြည့်ရသေးတာဆိုတော့ … အင်း … ပျောက်ချက်သား ကောင်းနေတယ်ပေါ့လေ။
ရုက္ခစိုး။ ။ ဟိုတနေ့က အစိုးရသတင်းစာကနေပြီး သူတို့မီဒီယာတွေကို နာဂစ်ထက်ဆိုးတဲ့ရန်သူလို့ ရေးထားတာ တွေ့လိုက်သေးတယ်။ ပြည်ပမီဒီယာတွေက နာဂစ်အလှူရှင် နိုင်ငံတွေ၊ အဖွဲ့အစည်းတွေကို သဒ္ဓါတရား လျော့နည်းအောင် လုပ်နေကြတယ်လို့ ရေးထားတာကွ။
ကြွက်စုတ်။ ။ ဟောဟိုမှာ ပြောရင်းဆိုရင် လာပါပြီဗျာ … နာဂစ်ထက်ဆိုတဲ့ ရန်သူကြီး။
ကြွက်စုတ်စကားမဆုံးခင် မျက်နှာထားသုန်မှုန်စွာဖြင့် အနားရောက်လာသည့် ဖိုးရှုပ်က …
ဖိုးရှုပ်။ ။ သြော် … မင်းကလည်း ဖားမင်းဆွေ လေအတိုင်းပါပဲလား။ နင့်ဂျီးဒေါ်ကြီးသာ နာဂစ်တဲ့ဆိုးတဲ့ရန်သူ ဖြစ်မှာ။ စကားကိုကြည့်ပြော … ဒီမှာ စိတ်တိုနေတယ်။
ရုက္ခစိုး။ ။ ဒါကတော့ကွာ … မင်းတို့မီဒီယာတွေက အမေရိကန်တပ်တွေကို အခုပဲ ရွာထိပ်က ထွက်ကြိုရတော့မလိုလို ဘာလိုလိုပြောနေလို့ တဘက်က ကြောက်ကန် ကန်လိုက်တာနေမှာပါကွာ … ဒီကိစ္စလောက်ကို စိတ်တိုမနေစမ်းပါနဲ့။ ဒီအပြောမျိုးတွေက မင်းတို့အတွက်တော့ ရိုးနေပါပြီကွ။
ဖိုးရှုပ်။ ။ ဦးရုက္ခစိုးရာ မြန်မာ့အလင်းထဲကနေခုန်ပြရုံနဲ့တော့ ဖုန်မထပါဘူးဗျ။ ကျနော်စိတ်တိုနေတာက တခြားကိစ္စပါ။
ကြွက်စုတ်။ ။ ဒါဆိုရင် မဟုတ်မှလွဲရော … ဘောလုံးပွဲ ရှုံးပြန်ပြီ မဟုတ်လား။
ဖိုးရှုပ်။ ။ ဒီကိုအလာ လမ်းမှာ ဆိုင်ကယ်ဘီး ပေါက်သွားလို့ ဆိုင်မှာအပ်ပြီး လမ်းလျှောက်လာရလို့ စိတ်တိုနေတာကွ။ ငါ့ကိုများ မင်းလို လောင်းကစားသမား မှတ်နေသလား။
ကြွက်စုတ်။ ။ ဘီးပေါက်တဲ့ကိစ္စလောက်နဲ့တော့ စိတ်မဆိုးပါနဲ့ သူငယ်ချင်းရာ … ဒီနေ့ညနေစာကို ဖားသားဟင်းနဲ့ ကျွေးပါ့မယ်။
ရုက္ခစိုး။ ။ အတို့အမြှုပ်လိုရင်တော့ တောင်တက်လမ်းမှာ အလေ့ကျပေါက်တဲ့ အပင်တွေ၊ အရွက်တွေ ရှိတယ်ဟေ့ … လိုသလောက်သာ ခူးသွားကြ။ မှိုနတိုတို့၊ ထိကရုံးတို့တော့ ရှိမယ်မထင်ဘူး။
ဦးရုက္ခစိုးနှင့် ကြွက်စုတ်တို့သည် ဆိုင်ကယ်ဘီးပေါက်လို့ စိတ်တိုနေသည့် ဖိုးရှုပ်အား မြန်မာ့အလင်း သတင်းစာဆောင်းပါးမှ စကားလုံးများဖြင့် ကျီစယ်ကြပြန်၏။
ဖိုးရှုပ်။ ။ ခင်ဗျားတို့က မြန်မာ့အလင်းထဲကစာသားတွေကို အတော်ခံတွင်းတွေ့နေကြပုံရတယ်။ သူတို့က ထပ်တောင်ရေး ထားလိုက်သေးတယ်။ ဒေါ်အောင်ဆန်းစုကြည်ကို အကျယ်ချုပ် တနှစ်ထပ်တိုးတာ ဥပဒေနဲ့ညီပါတယ်တဲ့။
ကြွက်စုတ်။ ။ ဟုတ်ပါ့ … မိဘက သားသမီးလို မသွားသင့်တဲ့နေရာကို မသွားအောင်၊ မစားသင့်တဲ့အရာကို မစားအောင် မေတ္တာရှေ့ထား ဆုံးမတဲ့သဘောမျိုးပါကွ၊ ကျေးဇူးတောင်တင်ရဦးမှာ … အထင်မလွဲစမ်းပါနဲ့။
ရုက္ခစိုး။ ။ ဒါဆိုရင်တော့ သေချာပြီဟေ့။ ပေါတာကြီးတယောက် ဘုရင်ရူးတင်မက အဖေကြီးရူးပါ ရူးနေပြီကွ။
ကြွက်စုတ်။ ။ ဘာဗျ … အဲဒိ သင်္ချိုင်းကထလာတဲ့ သံပတ်စက်ရုပ်ကြီးက အဖေကြီးလုပ်ချင်သေးတယ် … ဟုတ်စ။
ဖိုးရှုပ်။ ။ သူလည်း သွားလေသူ အာဏာရှင်ဟောင်းကြီးရဲ့ခြေရာ နင်းချင်လို့ပါကွာ။
ကြွက်စုတ်။ ။ ခြေရာနင်းမ မနင်းတော့မသိဘူး၊ နေရာလိုချင်သေးရင်တော့ ရေဝေးမှာ နေရာကောင်း ပေးမယ် … ရောက်အောင်သွားဖို့ပဲ လိုတယ်။
ရုက္ခစိုး။ ။ လောလောဆယ်တော့ သွားဖြစ်ဦးမယ်မထင် … ပေါတာကြီးက ဟိုက် အင်နာဂျီ ဘီစကစ်တွေနဲ့ ကျန်းမာနေ တာကွ။ သူ့ဗေဒင်ဆရာကလည်း အဲဒါတွေစားရင် အသက်ရှည်မယ်လို့ ဟောထားတယ်ကွ။
ရုက္ခစိုးကြီး၏စကားကြောင့် ပေါတာကြီးအား မြန်မြန်သေစေချင်နေသည့် ဖိုးရှုပ်နှင့် ကြွက်စုတ်တို့ စိတ်ပျက်သွားပုံရသည်။
ဖိုးရှုပ်။ ။ ဒါဆို ပေါတာကြီးတယောက် ယူအန်နဲ့ နိုင်ငံတကာကပေးတဲ့ ခွန်အားတွေ့နဲ့ အသက် ဆက်နေတာပေါ့။
ရုက္ခစိုး။ ။ အခုတလောဖတ်ရတဲ့ သတင်းတွေမှာ ယူအန်ကို ဝေဖန်ထားတာ တော်တော်လေး တွေ့ရတယ်။ ဘယ်လို ဖြစ်တာလဲကွ။
ဖိုးရှုပ်။ ။ ဦးရုက္ခစိုးရဲ့ယူအန်က မိုက်မှမမိုက်တာဗျ။
ရုက္ခစိုး။ ။ မမိုက်ရင်လည်း ရိုးရိုးပြောပါကွာ … ငါ့ ယူအန်တော့ မလုပ်ပါနဲ့။
ကြွက်စုတ်။ ။ အေးလေကွာ … မကောင်း ကျောင်းပို့လို့ပဲ ကြားဖူးပါတယ်၊ ယူအန် ဦးရုက္ခစိုးဆီပို့ ရယ်လို့ မကြားဖူးဘူး။
ဖိုးရှုပ်။ ။ ဒီလိုဗျ … ဥပမာ- ဒုက္ခသည်တသန်းလက်ထဲကို အကူပစ္စည်းတွေရောက်သွားတယ်လို့ ယူအန်က သတင်း ထုတ်ပြန်တယ်ဆိုပါတော့ … အဲဒီလူတသန်းလက်ထဲကို အဲဒီပစ္စည်းတွေ ရောက်တယ်လို့ သူတို့က ဘာလို့ပြောနိုင်တာလဲ။ သူတို့က ကိုယ်တိုင်ဝေခွင့်ရတာလည်းမဟုတ် … မယက ရုံးကိုပို့ရတာ။ ယူအန်အနေနဲ့ ကိုယ်လုပ်နေတဲ့အလုပ်တခုဟာ ထိရောက်မှုဘယ်လောက်ရှိတယ်ဆိုတာကို တနစ်တကျ စာရင်းပြုစုပြီးမှ သတင်းထုတ်ပြန်ဖို့ကောင်းတယ်။
ကြွက်စုတ်။ ။ သူတို့က အစိုးရနဲ့ ပူးပေါင်းလုပ်ကိုင်ခွင့်ရတာကိုပဲ အကျေနပ်ကြီး ကျေနပ်နေတာကွ။ အကူညီလိုအပ်နေ သူတွေလက်ထဲရောက်အောင် ဘယ်လိုကူညီမယ်ဆိုတာ မစဉ်းစားကြဘူး။
ရုက္ခစိုး။ ။ ဒီမိုး၊ ဒီလေ၊ ဒီလူတွေနဲ့ကတော့ ရှေ့လျှောက်ပြီး ဒုက္ခသည်တွေဘယ်လိုများ စခန်းသွားကြမလဲဆိုတာ စဉ်းစားမိတိုင်း စိတ်မကောင်းဖြစ်မိတယ်။
ကြွက်စုတ်။ ။ စိတ်မကောင်းဖြစ်နေရုံနဲ့ မပြီးသေးဘူးဗျ … တကယ်ထိထိရောက်ရောက် အကူအညီပေးနေတဲ့ ပုဂ္ဂလိက စေတနာရှင်တွေကို ကျနော်တို့တွေ တတ်စွမ်းသလောက် ၀ိုင်းကူရမှာပေါ့။
ဖိုးရှုပ်။ ။ ဟုတ်တယ်။ နောက်တခုက အကူပစ္စည်းတွေကို ဘိုးဘွားပိုင်ပစ္စည်းလိုသဘောထားပြီး အလွဲသုံးစား လုပ်နေကြ တာတွေကိုလည်း ဖော်ထုတ်ရမယ်။ ခိုင်မာတဲ့အချက်အလက်တွေနဲ့ သတင်းထုတ်ပြန်ရမယ်ကွ။
ဖိုးရှုပ်နှင့် ကြွက်စုတ်တို့၏ စိတ်အားတက်ကြွနေပုံကိုကြည့်ကာ ရုက္ခစိုးကြီးက …
ရုက္ခစိုး။ ။ အေး … မင်းတို့လိုလူငယ်တွေဆီက အခုလိုစကားမျိုးတွေကိုကြားရလို့ ၀မ်းသာတယ်ကွာ။
ကြွက်စုတ်။ ။ ၀မ်းသာရုံနဲ့မပြီးဘူးလေဗျာ၊ ကိုယ်တိုင်လည်း တခုခုတော့ လုပ်ဦးမှပေါ့။ ၀မ်းသာပါတယ်၊ ၀မ်းနည်းပါတယ်၊ ပြင်းထန်စွာရှု့တ်ချပါတယ်ဆိုတဲ့စကားတွေကို အနှစ် ၂၀ လောက် ဆက်တိုက်ကြားခဲ့ရလို့ ရိုးအီနေပြီ။
ကြွက်စုတ်၏စကားက ရုက္ခစိုးကြီးကို စိန်ခေါ်သလိုဖြစ်နေသည်။ ဒါကို ရုက္ခစိုးကြီးကလည်း မခံ …
ရုက္ခစိုး။ ။ ကြွက်စုတ် … မင်းကငါ့ကို ဘာအလုပ်မှမလုပ်ဘဲ ထိုင်အာနေတယ်လို့ ပြောတာပေါ့လေ။ အဲဒါက မင်းတို့ လူကြီးတွေကို ပြောရမယ့်စကားကွ။ ငါသာ မင်းတို့လို လူဖြစ်နေလို့ကတော့ အနှစ် ၂၀ ဘယ်ကြာလိမ့်မလဲ၊ ပွဲပြတ်သွားတာ ကြာလှပြီ။
ဖိုးရှုပ်။ ။ ကဲကဲ တော်ကြပါတော့ဗျာ … ခင်းဗျားတို့ မြန်မာ့အရေးလုပ်တာကလည်း နောက်ဆုံးတော့ အချင်းချင်း ရန်ဖြစ်ပြီး ပွဲသိမ်းတာပါပဲလား … သွားတော့မယ်ဗျာ၊ ဆိုင်ကယ်ဆိုင်ကိုရောက်တဲ့အထိ လမ်းထပ်လျှောက်ရဦးမယ်။ ဟေ့ကောင် ကြွက်စုတ် … တခါတည်း ပြန်လိုက်မှာလား ဒီမှာရန်ဖြစ်ဖို့ နေခဲ့ဦးမှာလား။
ဖိုးရှုပ်သည် ပြောပြောဆိုဆိုနှင့် ကြွက်စုတ်လိုက်လာသည်ကိုပင် စောင့်မနေဘဲ လာရာလမ်းအတိုင်း ပြန်လျှောက်သွား လေတော့သည်။
| < Prev | Next > |
|---|
