ဧရာဝတီ

ဖိုးရှုပ်၊ ကြွက်စုတ်နှင့် ဦးရုက္ခစိုးတို့မှာ မနက်စောစော ချိန်းထားကြခြင်း ဖြစ်သည်။ သူတို့ ချိ်န်းဆိုထားကြသည့် မြန်မာထမင်း ဆိုင်သစ်သို့ ဖိုးရှုပ်နှင့် ကြွက်စုတ်တို့ ရောက်သွားတော့

ဦးရုက္ခစိုးကြီးကို အပေါ်ပိုင်းဗလာနှင့် တွေ့လိုက်ရသဖြင့် အံ့သြသွား ကြသည်။

ဖိုးရှုပ်။     ။ ဦးရုက္ခစိုးကြီး..။ ဘာဖက်ရှင်ထွင်ပြန်ပြီလဲဗျ။ မနက်စောစောစီးစီး ကိုယ်တုံးလုံး ကျွတ်ကြီးနဲ့ လေဖြတ်ဦးတော့ မှာပဲ။

ကြွက်စုတ်။    ။ သြော်မင်းကလည်း။ စုတေတဲ့နတ်ပဲရှိတာ။ ခု ဦးရုက္ခစိုးထွင်လိုက်မှ လေဖြတ်တဲ့နတ်ဆိုပြီး နာမည်ကြီးတော့ မှာပေါ့။ ဂင်းနစ်ဘုတ်အုပ်တွေ ဘာတွေထဲတောင် ပါချင်ပါသွားဦးမှာ။ ဟုတ်တယ်နော် ဦးရုက္ခစိုး။

ရုက္ခစိုး။     ။ ပြောစမ်းဟဲ့ ပေါက်ကရ။ မင်းတို့ကောင်တွေ မတွေ့လိုက်နဲ့ တွေ့တာနဲ့ ထင်ရာစွတ်ပြောဖို့ပဲ။ မြန်မာပြည်သွားဖို့ ကြိုးစားနေတာကွ။ မြန်မာပြည် သွားချင်တဲ့သူတွေ အနေနဲ့ ခုလို အင်္ကျီ ချွတ်တတ်ဖို့လည်း အရေးကြီးတယ်။ အဲဒါကြောင့် ငါကျင့်နေတာ။

ဖိုးရှုပ်။     ။ တခါမှ မကြားဖူးပါဘူးဗျာ။ မြန်မာပြည်သွားဖို့ အင်္ကျီချွတ် ကျင့်တယ်ဆိုတာ။

ကြွက်စုတ်။    ။ ဟာ.. ဟုတ်လား။ ဒါဆို မဆိုးဘူးပဲ။ အိန်ဂျလီနာဂျိုလီတို့ ပဲရစ်စ်ဟဲလ်တန်တို့ မြန်မာပြည်သွားမယ် သတင်း ကြားရင် ကျနော့်ကိုလက်တို့စမ်းပါ။ အဟိ။

ရုက္ခစိုး။    ။ ဟာ ဒီကြွက်စုတ်ကတော့ ပေါက်ကရပြောပြန်ပြီ။ ခုအချိန်က ဘာလဲ။ မင်းတို့ သတိမရကြဘူး မဟုတ်လား။ မြန်မာပြည်ရဲ့ အကြီးမားဆုံး လူထုအုံကြွမှုကြီးဖြစ်ခဲ့တဲ့ ၈ လေးလုံးနှစ် ၂၀ နှစ်ပတ်လည်လေ။ မှတ်မိကြသေးရဲ့လား။

ဦးရုက္ခစိုးကြီးက အသာစီးရပြီဆိုသောလေသံဖြင့် ဖိဟောက်လိုက်ရာ ဖိုးရှုပ် မခံချင်ဖြစ်သွားသည်။

ဖိုးရှုပ်။     ။ ဘာလို့မမှတ်မိရမှာလဲ ဦးရုက္ခစိုးရယ်။ ခုတောင် နေရာတကာ ၈ လေးလုံးနဲ့ ပတ်သက်ပြီး လှုပ်ရှားမှုတွေ တတ်နိုင် သလောက်လုပ်နေကြတဲ့ဟာ။ ဒါလောက်တော့ မနှိမ်ပါနဲ့ဗျာ။

ကြွက်စုတ်။     ။ ၈ လေးလုံး နှစ်ပတ်လည်နဲ့ အင်္ကျီချွတ်တာနဲ့ ဘာဆိုလို့လဲဗျ။

ရုက္ခစိုး။      ။ ဆိုင်ပါသော်ကောကွာ။ အခု နအဖက အင်္ကျီတွေ၊ ဦးထုပ်တွေကို သေသေ ချာချာ လိုက်စစ်နေတယ်လေကွာ။ တက္ကသိုလ်မှာ ဟိုအရောင်မဝတ်ရဘူး၊ ဒီအရောင် မဝတ်ရဘူးနဲ့ အမိန့်ထုတ်ထားတာ မသိဘူးလား။

ဖိုးရှုပ်။     ။ သြော် ဒါလား။ ဟုတ်တယ်လေ။ ၈ လေးလုံး နှစ်ပတ်လည်မှာ အရောင် လှုပ်ရှားမှုတွေ လုပ်မှာစိုးလို့ပါ။

ကြွက်စုတ်။     ။ သိပြီ၊ သိပြီ။ အဝတ်အထည် ရောင်းတဲ့ ဆိုင်တွေကိုလည်း ပြောထားတယ်တဲ့။ အနီရောင်တို့၊ အနက်ရောင် တို့ ဒီရက်ပိုင်း မရောင်းရဘူး ဆိုပဲ။ အဲဒါ ဆိုင်တွေအကုန်လုံး ပိတ်ပဲ ထားရမလို ဖြစ်နေတယ်တဲ့ဗျ။ ဦးထုပ်တွေ၊ တီရှပ်တွေ ကိုလည်း သေချာ စစ်တယ်တဲ့။

ရုက္ခစိုး။    ။ တက္ကသိုလ်က ဆရာ၊ ဆရာမတွေလည်း သနားပါတယ်။ သူတို့ခမျာ စာကောင်းကောင်းမသင်ရဘဲ ကျောင်းသား၊ ကျောင်းသူတွေ ဘာဝတ်လာလဲပဲ လိုက်ကြည့်နေရတော့တာတဲ့ကွ။

ဖိုးရှုပ်။    ။ လုံခြုံရေးတွေလည်း တင်းကျပ်ထားလိုက်တာ ခြေချစရာတောင် နေရာမရှိဘူးလို့ ကြားတယ်။ ရန်ကုန်မြို့ထဲမှာ တပ်စိတ်လိုက် ချီတက် ကင်းစောင့်နေတာ တိုက်ပွဲဖြစ်တော့မယ့် အတိုင်းပဲတဲ့။

ကြွက်စုတ်။    ။ သြော် ဒါကတော့ နအဖလည်း ၈ လေးလုံးကို သတိရပါတယ်လို့ ပြောချင်တာဖြစ်မှာပေါ့။ သူတို့က အထိမ်း အမှတ်အနေနဲ့ လုံခြုံရေးတွေချ၊ ဆိုင်တွေ စောစောသိမ်းခိုင်း၊ အင်္ကျီအရောင်တွေ လိုက်စစ်ပြနေတော့ မေ့နေတဲ့ သူတွေကို သတိပေးသလိုတောင် ဖြစ်ဦးမယ်။ ကျေးဇူးတင်သင့်တယ်ကွ။

ရုက္ခစိုး။     ။ အေး မင်းပြောတော့လည်း ဟုတ်နေသားပဲ။

ဖိုးရှုပ်။     ။ ဒါပေမယ့် ဦးရုက္ခစိုးရယ်။ အင်္ကျီကြီး ချွတ်ထားတာတော့ မသင့်ပါဘူး။ တော်ကြာ နအဖက ခင်ဗျားရဲ့ နံရိုးတွေကို ပတ္တလားမှတ်ပြီး တီးကြည့်နေဦးမယ်။ ခင်ဗျားက နတ်ပဲဟာ အဝါရောင်ဝတ်ပေါ့။ ဘာဖြစ်လဲ။

ရုက္ခစိုး။    ။ မဖြစ်ဘူးကွ။ ရွှေဝါရောင်တော်လှန်ရေး နောက်ပိုင်း အဝါလည်း မလွတ်ဘူးတဲ့။

ကြွက်စုတ်။     ။ ဒါလေးများ ဦးရုက္ခစိုးရယ်။ အမျိုးသမီးရေးရာကို ထောက်ခံတဲ့ အနေနဲ့ ဝတ်တာလို့ ပြောပေါ့ဗျာ။ သူတို့အမျိုးသမီးရေးရာလည်း နနွင်းရောင်ပဲဟာ။

ရုက္ခစိုး။    ။ ကြွက်စုတ်ရာ မင်းဟာက ငါ့ကို ဖုန်းကညာတပါး လုံးရာက ပြားအောင် အချွန်နဲ့ မ နေပြန်ပြီ။ တော်ပါတော့ နတ်သိက္ခာတော့ အကျမခံနိုင်ဘူး ငါ့ဟာငါ လေသင်ဓုန်းပဲဖြတ်ဖြတ်၊ လေဘရိတ်ဒါးပဲ ဖြတ်ဖြတ် အင်္ကျီကျွတ်နဲ့ ဗမာပြည် ဝင်တာ အန္တရာယ်ကင်းပါတယ်။

ထိုနေ့နံနက်က သူတို့သုံးဦး၏ စကားဝိုင်းမှာ အချင်း သိပ်မများလိုက်ရပဲ အဆုံးသတ်နိုင်လိုက်သဖြင့် ပဲပြုတ် ထမင်းဆီဆမ်း နှင့် လက်ဖက်ရည်ကို လွေးကြပြီးနောက် အေးအေးဆေးဆေး လမ်းခွဲလိုက်ကြတော့သည်။

< Prev		Next >