မြို့တော်ဟောင်း ရန်ကုန်၏ ရွေးကောက်ပွဲ နိုင်ငံရေးအခင်းအကျင်း

စစ်အစိုးရက ကျင်းပမည့် နိုဝင်ဘာ ရွေးကောက်ပွဲ နောက်ပိုင်း မြို့တော်ဟောင်း ရန်ကုန်၏ ပြောင်းလဲသွားမည့် နိုင်ငံရေး အခင်း အကျင်းတွင် ကိုယ်ပိုင် တိုင်းဒေသကြီး လွှတ်တော်နှင့် အစိုးရတို့ အသီးသီးပေါ်ထွက်မည်ဖြစ်ရာ ရန်ကုန်မြို့နေ ပြည်သူများက အုပ်ချုပ်မည့် ပြည်သူ့ ကိုယ်စားလှယ် လောင်းများကို ရွေးချယ်ရမည် ဖြစ်သည်။

၂၀၀၈ ဖွဲ့စည်းပုံ အခြေခံဥပဒေ၏ အဓိကကြောရိုးတခုဖြစ်သော ဥပဒေပြု လွှတ်တော်များ ပေါ်ပေါက်ရေး အကောင်အထည်ဖော်မည့် ဤရွေးကောက်ပွဲတွင် တနိုင်ငံလုံးကို ကိုယ်စားပြုသည့် ပြည်သူ့လွှတ်တော်နှင့် အမျိုးသား လွှတ်တော်အတွက်ပါ ရန်ကုန်သားတို့ မဲပေးကြရပေမည်။

မြို့တော်ဟောင်း ရန်ကုန်သည် ၂၆ နှစ် သက်တမ်းရှည်ခဲ့သော ဆိုရှယ်လစ်စနစ်ကို အဆုံးသတ်ခဲ့သော ၁၉၈၈ ခုနှစ် ဒီမိုကရေစီအရေး စတင်လှုပ်ရှားရာ ဘူမိနက်သန်၊ အာဏာရှင် အဆက်ဆက်ကို တော်လှန်ခဲ့ရာ ကျောင်းသားလှုပ်ရှားမှုများ၏ အချက်အချာ နေရာဖြစ်သကဲ့သို့ ထောင်နှင့်ချီသော ငြိမ်းချမ်းစွာ ဆန္ဒပြသူများကို လမ်းမများပေါ်တွင် လက်ရှိစစ်အစိုးရက သတ်ဖြတ်ခဲ့သော သမိုင်းသက်သေ နေရာလည်း ဖြစ်သည်။

၁၉၉၀ ရွေးကောက်ပွဲတွင် ဒီမိုကရေစီလှုပ်ရှားမှုကြီးကို ခေါင်းဆောင်ခဲ့ကြသူများ တည်ထောင်ခဲ့သည့် အမျိုးသား ဒီမိုကရေစီ အဖွဲ့ချုပ် (NLD) ကို ပြည်သူများက ပုံအောပြီး မဲပေးခဲ့ကြသည်။ သို့သော် စစ်အစိုးရက ပြည်သူ့ဆန္ဒကို ငြင်းဆန်ခဲ့သည်။ ယခုတကြိမ်တွင် NLD သည် မတရားသော တရားဥပဒေများကြောင့် ရွေးကောက်ပွဲဝင်ရန် သပိတ်မှောက်ခဲ့သည်။

နှစ်ပေါင်း ၂၀ ကြာပြီးနောက် ကျင်းပသော ဤရွေးကောက်ပွဲတွင် မဲဆန္ဒရှင်များ၏ အခြေအနေကို လေ့လာကြည့်လျှင် ၁၉၉၀ ရွေးကောက်ပွဲတွင် အသက်မပြည့်သဖြင့် မဲပေးခွင့် မရခဲ့သော၊ ၁၉၉၀ ပြည့်နှစ် နောက်ပိုင်းမှ မွေးဖွားခဲ့သော မဲဆန္ဒရှင်အသစ် အများအပြား ပါဝင်လာသည်။

ဥပမာအားဖြင့် ၁၉၉၀ ခုနှစ် မေလ ၂၇ ရက်နေ့တွင် ကျင်းပခဲ့သော ရွေးကောက်ပွဲတွင် အသက် ၁၈ နှစ် ပြည့်ရန် ရက်ပိုင်းလိုသဖြင့် မဲထည့်ခွင့်မရခဲ့သော လူငယ်တဦးသည် ယနေ့အချိန်တွင် သူ၏အသက်မှာ ၃၈ နှစ်ခန့် ရှိနေမည်ဖြစ်သည်။ လူလတ် ပိုင်းအရွယ် ထိုသူအတွက် ၂၀၁၀ ရွေးကောက်ပွဲသည် သူ့ဘ၀တွင် ပထမဆုံး မဲထည့်ခွင့်ရမည့် အခြေအနေဖြစ်သည်။

ဤသို့ဆိုလျှင် မျိုးဆက်သစ် လူငယ်များ မြန်မာနိုင်ငံရေးဖြစ်စဉ်နှင့် အလှမ်းကွာခဲ့ပြီလော။ ဒီမိုကရေစီအရေးကို မျက်ခြည် ပြတ်ခဲ့ပြီလော။

၂၀၀၇ ခုနှစ်တွင် လောင်စာဆီဈေးနှုန်းများ ရုတ်တရက် အဆမတန် မြင့်မားခဲ့ခြင်းကြောင့် နောက်ဆက်တွဲအဖြစ် ကုန်ဈေးနှုန်းများ ကြီးမြင့်မှုကို ပြည်သူများ ရင်ဆိုင်လာရကြောင်း၊ ၁၉၈၈ ခုနှစ် ဒီမိုကရေစီ လှုပ်ရှားမှုကြီးကို ဦးဆောင်ခဲ့သော ကျောင်းသားခေါင်းဆောင်များက ဦးဆောင်ဆန္ဒပြခဲ့ကြောင်း၊ ဗုဒ္ဓဘာသာ သံဃာတော်များ ပါဝင်လာပြီး “ရွှေဝါရောင် သံဃာ့တော်လှန်ရေး” အဖြစ် တင်စားခံရလောက်အောင် ကြီးကျယ်သော ဒီမိုကရေစီ လှုပ်ရှားမှုကြီးကို မျိုးဆက်သစ်များ မျက်မြင်ကိုယ်တွေ့ ပါဝင်ခဲ့ကြသည့်အတွက် နိုင်ငံရေး လက်ဆင့်ကမ်းမှုတခု ရှိခဲ့ကြောင်း လေ့လာသူများက ဆိုသည်။

သို့ဆိုလျှင် ယခုရွေးကောက်ပွဲတွင် NLD မရှိတော့ခြင်းကြောင့် ဒီမိုကရေစီကို အမှန်တကယ် ဖော်ဆောင်မည့် မည်သည့်ပါတီကို ရန်ကုန်မြို့နေ ပြည်သူများ မဲထည့်မည်နည်း။

ဧရာဝတီက ရရှိထားသော ရွေးကောက်ပွဲကော်မရှင်မှ ထုတ်ပြန်သည့် ရန်ကုန်တိုင်းအတွင်း ယှဉ်ပြိုင်မည့် ကိုယ်စားလှယ် လောင်းများစာရင်းကို လေ့လာကြည့်သည့်အခါ ပါတီပေါင်း ၁၅ ပါတီနှင့် တသီးပုဂ္ဂလ ကိုယ်စားလှယ်များ စုစုပေါင်း ၄၅၈ ဦး ရှိသည်။ ၎င်းတို့သည် ပြည်သူ့လွှတ်တော်အတွက် ၄၅ နေရာ၊ အမျိုးသားလွှတ်တော်အတွက် ၁၂ နေရာနှင့် ရန်ကုန်တိုင်းဒေသကြီး လွှတ်တော် အတွက် နေရာ ၉၀ နှင့် ရန်ကုန်တိုင်းအတွင်း နေထိုင်ကြသော ကရင်နှင့် ရခိုင်လူနည်းစုများအတွက် ၁ နေရာစီတွင် ၀င်ရောက် ယှဉ်ပြိုင်ကြမည်ဖြစ်သည်။

အောက်တွင် ဖော်ပြထားသော ဇယားကွက်ကို လေ့လာကြည့်မည်ဆိုလျှင် လက်ရှိစစ်အစိုးရ ဗိုလ်ချုပ်ကြီးများ ဦးဆောင်သော
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) သည် လွှတ်တော်အသီးသီးတွင် နေရာမလပ် ယှဉ်ပြိုင်မည်ဖြစ်ပြီး ယခင် မြန်မာ့ဆိုရှယ်လစ် လမ်းစဉ်ပါတီကို အမွေဆက်ခံခဲ့သော တိုင်းရင်းသား စည်းလုံးညီညွတ်ရေးပါတီ (တစည) သည် ပြည်သူ့လွှတ်တော်တွင် ၂ နေရာနှင့် တိုင်းဒေသကြီး လွှတ်တော်တွင် ၅ နေရာကလွဲလျှင် နေရာအားလုံးတွင် ၀င်ရောက် ယှဉ်ပြိုင်မည် ဖြစ်သည်။

ကျန် ၁၃ ပါတီ၏ ယှဉ်ပြိုင်နိုင်မှု အနေအထားမှာ အလွန်အားနည်းနေသည်။ ထိုပါတီများထဲတွင် NLD မှ ခွဲထွက်လာသော ခေါင်းဆောင်တချို့ ဦးဆောင်သည့် အမျိုးသား ဒီမိုကရေစီ အင်အားစု (NDF) သည် ပြည်သူ့လွှတ်တော်နှင့် အမျိုးသား လွှတ်တော်ကိုသာ အဓိကထားပြီး ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) နှင့် ဒီမိုကရက်တစ်ပါတီ (မြန်မာ) တို့သည် ပြည်သူ့လွှတ်တော်ကိုသာ အဓိကထား ယှဉ်ပြိုင်ကြသည်ကို တွေ့ရသည်။

ထို့ကြောင့် ရန်ကုန်တိုင်းဒေသကြီး လွှတ်တော်တွင် ကြံ့ဖွံ့နှင့် တစည နှစ်ပါတီတည်းသာ နေရာအများစုတွင် လွတ်လွတ်ကျွတ်ကျွတ် ယှဉ်ပြိုင်မည့် အနေအထား ဖြစ်နေပါသည်။ ရန်ကုန်မြို့နေ ပြည်သူများ မည်သည့်ပါတီကို မဲပေးမည်နည်း။

ကြံ့ဖွံ့ပါတီသည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း (ကြံ့ဖွံ့) ကို အမွေခံထားသည့်အတွက် ၂၀၀၇ ခူနှစ် ရွှေဝါရောင် တော်လှန်းရေးကာလအတွင်း ဆန္ဒပြ ကျောင်းသားလူငယ်နှင့် ရဟန်းသံဃာများကို ဖမ်းဆီးနှိမ်နှင်းရာတွင် ကြံ့ဖွံ့အသင်းဝင် လူဆိုးလူမိုက်များက အာဏာပိုင်များနှင့် တက်တက်ကြွကြွ ပူးပေါင်းခဲ့ခြင်းကို ရန်ကုန်သားများ မမေ့ကြသေးပါ။

ထို့အတူ တိုင်းပြည်ကို ၂၆ နှစ် အုပ်ချုပ်ခဲ့ပြီး ဆင်းရဲတွင်းထဲ ဆွဲချခဲ့သော၊ ယခုအချိန်အထိ ပြည်သူများ၏ စီးပွားရေးဘ၀ ပြန်လည် နာလံမထူနိုင်သေးသည့် ဖြစ်စဉ်တခုလုံး၏ ပဏာမ လက်သည်တရားခံမှာ တစည ဖြစ်ပါသည်။ ထို့အတွက်ကြောင့်လည်း ၁၉၉၀ ရွေးကောက်ပွဲတွင် ဒေါ်အောင်ဆန်းစုကြည် ခေါင်းဆောင်သော NLD ကို လူထုက အပြတ်အသတ်ထောက်ခံမှု ပြခြင်းဖြင့် တစညကို ဆန့်ကျင်ခဲ့ကြသည်။

ဒီမိုကရေစီ လိုလားချက်များအတွက် ကိုယ်စားပြု ဖော်ဆောင်ပေးနိုင်သည့် ယုံကြည်ထိုက်သော နိုင်ငံရေးပါတီနှင့် ကိုယ်စားလှယ်လောင်းများ မရှိသော အခြေအနေတခုတွင် မြို့တော်ဟောင်းမှ ပြည်သူများ၏ နိုင်ငံရေးဘ၀မှာ ထွက်ပေါက် မရှိသော မြှုံးထဲက ငါးများဖြစ်နေမည်လား၊ သို့မဟုတ် မိမိတို့၏ အသည်းကြားက မဲပြားများကို မည်သူမှမပေးဘဲ သိမ်းဆည်းထားမည်လား ဆိုသည့်အချက်ကို နိုဝင်ဘာလ ၇ ရက်နေ့တွင် အဖြေပေးကြမည် ဖြစ်ပါသည်။

ရန်ကုန်တိုင်းဒေသကြီး လွှတ်တော်တွင် ယှဉ်ပြိုင်ကြမည့် နိုင်ငံရေးပါတီများ၏ ကိုယ်စားလှယ်လောင်း တင်သွင်းမှု ဇယား
အမှတ်စဉ်
ပါတီအမည်
ပြည်သူ့ လွှတ်တော် (၄၅) နေရာ
အမျိုးသား လွှတ်တော် (၁၂) နေရာ
ရန်ကုန်တိုင်း လွှတ်တော် (၉၀) နေရာ
တိုင်းရင်းသား လူနည်းစု (၂) နေရာ
စုစုပေါင်း (၁၄၉) နေရာ

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ
၄၅
၁၂
၉၀

၁၄၉

တိုင်းရင်းသား စည်းလုံး ညီညွတ်ရေးပါတီ
၄၃
၁၂
၈၇
-
၁၄၂

အမျိုးသား ဒီမိုကရေစီ အင်အားစု
၃၇
၁၀

-
၅၃

၈၈ မျိုးဆက် ကျောင်းသား လူငယ်များ (ပြည်ထောင်စု မြန်မာနိုင်ငံ)
၁၈


-
၂၃

ဒီမိုကရက်တစ် ပါတီ (မြန်မာ)
၁၅


-
၂၃

ကရင်ပြည်သူ့ ပါတီ




၁၀

ခေတ်သစ် ပြည်သူ့ပါတီ



-


ဒီမိုကရေစီနှင့် ငြိမ်းချမ်းရေးပါတီ


-
-


အမျိုးသား နိုင်ငံရေး မဟာမိတ်များ အဖွဲ့ချုပ်



-

၁၀
အမျိုးသား ဖွံ့ဖြိုးတိုးတက်ရေး ဒီမိုကရက်တစ်ပါတီ

-

-

၁၁
မတူကွဲပြားခြင်းနှင့် ငြိမ်းချမ်းရေးပါတီ


-
-

၁၂
ပြည်ထောင်စု ဒီမိုကရေစီပါတီ

-
-
-

၁၃
ရခိုင်တိုင်းရင်းသားများ တိုးတက်ရေးပါတီ
-
-
-


၁၄
ဝံသာနု NLD (ပြည်ထောင်စု မြန်မာနိုင်ငံ)

-
-
-

၁၅
ဖလုံ-စဝေါ် ဒီမိုကရက်တစ်ပါတီ

-
-
-

၁၆
တသီးပုဂ္ဂလ
၁၉


-
၂၆

စုစုပေါင်း ကိုယ်စားလှယ် အရေအတွက်
၁၉၆
၄၈
၂၁၀
၄၅၈

 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်