စစ်အစိုးရ ပြန်ကြားရေးဝန်ကြီးဌာန၏ လက်ချက်ဟုယူဆရသည့် အဆိုပါ ဘလော့စာမျက်နှာတွင် ကွန်ပျူတာ ဂရပ်ဖစ်နည်းပညာ သုံး၍ ပြုလုပ်ထားသော ဒေါ်အောင်ဆန်းစုကြည်နှင့် ဂျွန် ၀ီလျံ ယက်ထော၊ အမေရိကန် သမ္မတ ဘားရက်အိုဘားမားတို့နှင့် လိင်ဆက်ဆံနေပုံ ပြုလုပ်ထားသည့် ပုံများကို ဖော်ပြထားခြင်းဖြစ်သည်။
ယင်း ဘလော့ စာမျက်နှာမှ ကာတွန်းပုံတပုံမှာ ဧရာဝတီ မဂ္ဂဇင်းတွင် ကာတွန်း ဟန်လေး ရေးဆွဲထားသည့် ဂျွန် ၀ီလျံ ယက်ထော ပုံအား ခိုးကူးရေးဆွဲထားသည်ကို တွေ့မြင်ရသည်။
“အဲဒီပုံတွေကို မြင်ရတဲ့ အချိန်မှာ လုပ်တဲ့လူကို သတ်ပစ်လိုက်ချင်တယ်”ဟု စင်္ကာပူ နိုင်ငံတွင် ရောက်ရှိနေသော မြန်မာ အမျိုးသမီး တဦးက ပြောသည်။
ရန်ကုန်နှင့် မန္တလေးမြို့များတွင်လည်း ဒေါ်အောင်ဆန်းစုကြည်နှင့် ၎င်း၏ အိမ်သို့ တိတ်တဆိတ် ၀င်ရောက်လာ သည့် အမေရိကန် နိုင်ငံသား ဂျွန် ယက်ထော တို့ တွဲလျက်ပုံများကို အစိုးရလိုလားသူများက ဖြန့်ဝေ နေကြောင်း သိရသည်။
ဇွန်လ ၄ ရက်နေ့ ညပိုင်းက ၎င်း၏ အိမ်အပါအ၀င် အမျိုးသားဒီမိုကရေစီအဖွဲ့ချုပ်(NLD) အဖွဲ့ဝင်များ၏ နေအိမ် များ ရှေ့တွင် အဆိုပါ ဒေါ်အောင်ဆန်းစုကြည် ပုံများကို တိတ်တဆိတ် လာရောက် ချပစ်ခဲ့သည်ဟု မန္တလေး NLD မှ ကိုမျိုးနိုင်က ပြောပြသည်။
“ပုံတွေက အန်တီနဲ့ ဂျွန် ယက်ထော ၂ ယောက်တွဲပုံ ၂ မျိုး၊ တပုံက ဂျွန် ယက်ထောရယ် အန်တီရယ် မိုက်ကယ် အဲရစ်ရယ် ၃ ယောက်တွဲ၊ နောက်တပုံက အန်တီက ဂျွန် ယက်ထော ရင်ခွင်ထဲ ရောက်နေတဲ့ပုံ၊ ပုံတွေက တမင် လုပ်ကြံ ဖန်တီးထားမှန်း သိသာပါတယ်၊ ဒါ သက်သက် ယုတ်မာတာပဲ”ဟု ကိုမျိုးနိုင်က ဧရာဝတီသို့ပြောသည်။
ဧရာဝတီ စာဖတ် ပရိသတ် တဦးကလည်း“ဘယ်လိုပြောရမလဲ၊ နှိုင်းစရာ မရှိလောက်အောင် ယုတ်ညံ့ ဆိုးရွား လွန်း ပါတယ်”ဟု စာဖြင့် ပေးပို့ပြောဆိုသည်။
“ဒါ လုပ်တဲ့သူက သူ့ အဆင့်အတန်းကို သူဖော်ပြတာပဲ”ဟု သြစတေးလျ နိုင်ငံ မဲလ်ဘုန်း မြို့မှ မြန်မာ အမျိုးသမီး တဦးကလည်း ပြောသည်။
ပြီးခဲ့သည့် အပတ်အတွင်းကလည်း စစ်အစိုးရ ထုတ်လွှင့်သည့် “ပိတောက်မြေ” FM ရေဒီယို လိုင်းမှ ဒေါ်အောင်ဆန်းစုကြည်အား လှောင်ပြောင် သရော်ထားသည့် “ယက်ထောနှင့် မချော”အမည်ရှိ အစီအစဉ်ကို ထုတ်လွှင့်ကြောင်း ရန်ကုန်မြို့ခံများ၏ ပြောကြားချက်အရ သိရှိရသည်။
| < Prev | Next > |
|---|
