ရေနံချောင်းမြို့မှ အမျိုးသား ဒီမိုကရေစီ အဖွဲ့ချုပ်(NLD) အဖွဲ့ဝင် ၅ ဦးကို ဆုတောင်းပွဲများ မပြုလုပ်မီအချိန်တွင် နေအိမ်များမှလာရောက်ခေါ်ဆောင်သွားပြီး ပဲခူးမြို့မှ ၅ ဦးကိုမူ ၀တ်ပြုဆုတောင်းရာမှအပြန်တွင် ဖမ်းဆီးခဲ့ခြင်း ဖြစ်သည်။
“ည ၁၂ နာရီက သန်းခေါင်စာရင်းလာစစ်တယ်၊ မနက်၎ နာရီမှာ ဆယ်အိမ်မှူး၊ ရာအိမ်မှူးနဲ့ ရဲတွေလာပြီး ခဏ လိုက်ခဲ့ပါဆိုပြီး ခေါ်သွားတယ်၊ အခုထိ ဘယ်မှာထားမှန်းမသိရသေးဘူး၊ လိုက်စုံစမ်းနေတုန်းရှိသေးတယ်” ဟု ရေနံချောင်း NLD အမျိုးသမီးစည်းရုံးရေးအဖွဲ့ဝင် ဒေါ်သန်းသန်းဌေးက ဧရာဝတီကို ပြောပြသည်။
အထိန်းသိမ်း ခံရသူများမှာ ရေနံချောင်း NLD အမျိုးသမီး စည်းရုံးရေးအဖွဲ့ဝင် ဒေါ်ခင်စောဌေး၊ မြို့နယ်စည်းရုံးရေး အဖွဲ့ဝင်များဖြစ်သော ဦးကျော်ငြိမ်း၊ ဦးတင့်လွင်၊ ဦးအေးကို၊ ဦးသန်းအောင် တို့ဖြစ်ကြသည်။ ၎င်းတို့ကို ဖမ်းဆီး သွားသော်လည်း ရေနံချောင်းမြို့ပေါ်ရှိ ဘုရား ရှစ်ဆူ တွင် ကျန်သောအဖွဲ့ဝင်များက ဆုတောင်းပွဲကို ဆက်လက် ပြုလုပ်ခဲ့သည်ဟု သူကဆိုသည်။
ထို့အတူ ပဲခူး NLD အမျိုးသမီးစည်းရုံးရေးအဖွဲ့ဝင် ဒေါ်ခင်ညွှန့်မူ၊ အဖွဲ့ဝင်များဖြစ်သည့် ဒေါ်ရွှေ၊ ဒေါ်ဝင်း၊ ကိုပေါက်စီနှင့် အခြားအမည်မသိသူ တဦးတို့ကိုလည်း ယနေ့မနက် ရွှေမော်ဓော ဘုရားတွင် ဒေါ်အောင်ဆန်း စုကြည်နှင့် နိုင်ငံရေးအကျဉ်းသားများ လွတ်မြောက်ရေး ဆုတောင်းပြီး အပြန်တွင် ရဲများက ဖမ်းဆီး ခေါ်ဆောင် သွားခဲ့သည်။
“သူတို့ ဘုရားပေါ်က ပြန်ဆင်းလာပြီးတော့ ပဲခူးမြို့မဈေးထဲမှာ ဒေါ်စု ပုံတွေ ဝေနေတုန်း ရဲတွေက ခေါ်သွား တယ်၊ အခု သူတို့ကို မြို့နယ်ကောင်စီရုံးထဲမှာထားတယ်၊ အခုထိ ပြန်မလွှတ်သေးဘူး၊ တွေ့ခွင့်လည်းမရဘူး၊ ဒါကတော့ ဆုတောင်းပွဲလုပ်လို့ ပုံတွေဝေလို့ သက်သက်ဖမ်းတာပဲ” ဟု ပဲခူးNLD ဥက္ကဌ ဦးမြတ်လှက ပြောသည်။
ယခုကဲ့သို့ ဖမ်းဆီးမှုများရှိနေသော်လည်း မကွေးတိုင်း၊ ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ ရှမ်းပြည်နယ်နှင့် မန္တလေးတိုင်းများမှ မြို့ပေါင်း ၅၀ နီးပါးတို့တွင် ဒေါ်အောင်ဆန်းစုကြည် လွတ်မြောက်ရေး ဆုတောင်းပွဲများကို လုံခြုံရေး တင်းကျပ်သည့်ကြားမှ ပြုလုပ်ခဲ့ကြကြောင်း သိရသည်။
ပြီးခဲ့သည့်လ ၃၁ ရက်နေ့ကလည်း ဆုတောင်းပွဲများ ဦးဆောင်ပြုလုပ်ခဲ့သော မကွေးတိုင်းမှ NLD အဖွဲ့ဝင် ၁၅ ဦး ထက်မနည်းကို ၂၄ နာရီကျော်ကြာ ဖမ်းဆီးထိန်းသိမ်းခဲ့ပြီး ပွင့်ဖြူ NLD မှ ဦးအောင်ဝင်းနှင့် သားဖြစ်သူ ကိုသူရ အောင် တို့ကိုမူ ယနေ့တိုင် ထိန်းသိမ်းထားပြီး ကျူရှင် အက်ဥပဒေဖြင့် ငြိစွန်းသည်ဟုဆိုကာ ရုံးတင် စစ်ဆေး နေသည်။
| < Prev | Next > |
|---|
