ဒေါ်အောင်ဆန်းစုကြည်အနေဖြင့် သူမ၏ ပါတီကို ပြန်လည် စုစည်းရန် အတွက် မကြာမီ လွှတ်ပေးရန် အစီအစဉ် ရှိကြောင်း ဖိလစ်ပိုင် နိုင်ငံ မနီလာ လေဆိပ်၌် အေပီ သတင်းထောက်ကို စစ်အစိုးရ ကိုယ်စားလှယ်က ယမန်နေ့တွင် ပြောဆိုခဲ့သည်။ စင်ကာပူတွင် ကျင်းပမည့် အာဆီယံနှင့် အမေရိကန် ပြည်ထောင်စု ထိပ်သီးအစည်း အဝေးသို့ တက်ရောက်ရန် သွားစဉ် နိုင်ငံခြားရေး ၀န်ကြီးဌာန ညွန်ကြားရေးမှူးချုပ် ဦးမင်းလွင်က ယင်းကဲ့သို့ ပြောကြားခြင်း ဖြစ်သည်။
အမျိုးသား ဒီမိုကရေစီအဖွဲ့ (NLD) ခေါင်းဆောင် တဦး ဖြစ်သူ ဦးဝင်းတင်က “အဲဒီ ပြောင်းလဲမှုဟာ ဘာပဲပြောပြော ယခုကဲ့သို့ တင်းမာဆန့်ကျင်မှု မျိုးထက် အကျေအလည် ဖြစ်ဖို့များတယ်၊ သို့သော် တခုရှိတာက စစ်အစိုးရ အပေါ် မူတည်လိမ့်မယ်၊ ဒေါ်အောင်ဆန်း စုကြည်ကို လွှတ်ပေးလိုက်ပါက မြန်မာပြည်ရဲ့နိုင်ငံရေးဟာ ပုံစံတမျိုးမျိုးနဲ့ သာယာ ညှင်းပျောင်းတဲ့ဟာမျိုး ဖြစ်လိမ့်မယ်လို့ ယူဆတယ်” ဟု ပြောသည်။
ဒေါ်အောင်ဆန်းစုကြည်ကို လွှတ်ပေးပါက နိုင်ငံရေးလှုပ်ရှားမှုများတွင် လွတ်လပ်စွာ သွားလာ လှုပ်ရှားခွင့် ပေးရန်လိုကြောင်း၊ ၎င်း၏ အတွေ့အကြုံအရ ခြွင်းချက်များ ကန့်သတ်ချက်များဖြင့် လွှတ်ပေးခြင်း မဟုတ် သော်လည်း ထိန်းချုပ် စောင့်ကြည့်လျက်ရှိသဖြင့် အကန့်အသတ်များရှိပြီး ယခုအချိန်ထိ ထောင်ကျ နေဆဲဖြစ်ကြောင်း ၎င်းက ဆက်ပြောသည်။
ဧရာဝတီအင်တာနက် စာမျက်နှာ၏ ၂၀၁၀ ရွေးကောက်ပွဲနှင့် အနာဂတ်မြန်မာပြည် ကဏ္ဍတွင် ၀င်ရောက် ရေးသားနေသူ ကိုထက်အောင်က စစ်အစိုးရ၏ အဆိုပါ စကားနှင့် ပတ်သက်၍ သံသယ ရှိပြီး စစ်အစိုးရ အနေဖြင့် ဒေသတွင်း အစည်း အဝေးများ ကျင်းပချိန်တွင် ယခုကဲ့သို့ ဆွဲဆောင်မှုရှိသော မှတ်ချက်စကားများကို ပုံမှန် ပြောဆိုတတ်ကြောင်း ဆိုသည်။
“ဒေါ်အောင်ဆန်းစုကြည်သာ လွှတ်ရင် NLD ပါတီကို ပြန်လည်ဦးဆောင်နိုင်မှာပါ၊ ပိတ်ဆို့ အရေးယူမှုများ ပြန်လည်ရုပ်သိမ်းရေးနဲ့ ပတ်သက်ပြီးတော့ နိုင်ငံတကာက သံတမန်တွေနဲ့လည်း ပူးပေါင်း ဆောင်ရွက်နိုင်မှာပါ၊ ဗိုလ်ချုပ်မှူးကြီး သန်းရွှေနဲ့ တွေ့ဆုံ ဆွေးနွေးရေးကလည်း ဖြစ်လာဖို့ မျှော်လင့်ရပါတယ်”ဟု ၎င်းက ပြောသည်။
Burma under Military Rule နှင့် Living silence စာအုပ်များရေးသားခဲ့သူ Christina Finkက စစ်အစိုးရမှ ယခုကဲ့သို့ ပြောဆိုမှုနှင့် ပတ်သက်၍ သံသယရှိကြောင်း၊ စင်ကာပူတွင် ကျင်းပမည့် အမေရိကန် အာဆီယံ အစည်း အဝေးတွင် ဖိအားများ လျှော့ကျစေရန် ပြောဆိုခြင်း ဖြစ်ကြောင်းဆိုသည်။
NLD ပြောခွင့်ရ ဦးဉာဏ်ဝင်းက “ဒီစကားက အများကြားချင်နေတဲ့ စကားဖြစ်နေတယ်၊ ဒေါ်အောင်ဆန်းစုကြည် လွတ်လာရင် တော့ စည်းရုံးရေးကို ထိထိရောက်ရောက် ဆောင်ရွက်နိုင်ပါမယ့်၊ နောက်ထပ် ဖြစ်ပေါ်လာမယ့် နိုင်ငံရေးတွေမှာ လည်း ထိထိရောက်ရောက် ပါဝင်နိုင်ပါမယ်၊ ဒေါ်အောင်ဆန်းစုကြည် အပြင်မှာရောက်ရှိနေစဉ် အခါမှာ ပါတီ စည်းရုံးရေးက ပိုပြီးတော့ အားကောင်းတယ်၊ ပြည်သူလူထုက အများကြီးစိတ်ဝင်စားမှုရှိတယ်၊ အဲဒီအခြေအနေတခုကတော့ပေါ်လာမှာပေါ့” ဟု ပြောသည်။
ဂျပန်နိုင်ငံ Temple တက္ကသိုလ်မှ မြန်မာ့ အရေး လေ့လာသူ Jeff Kingstonက ဒေါ်အောင်ဆန်းစုကြည်ကို လွှတ်ပေးပြီး ရွေးကောက်ပွဲတွင် စစ်အစိုးရက မည်သို့ ပါဝင်ခွင့်ပေးမည်ဆိုသည့် အချက်က အရေးကြီးကြောင်း ဆိုသည်။
“တရားမျှတမှုမရှိဘဲ လုပ်ထားတဲ့ အတွက် နေအိမ်အကျယ်ချုပ်က အမြန်ဆုံး လွှတ်ပေးပြီး အမျိုးသား ရင်ကြားစေ့ရေး ဆောင်ရွက်ဖို့ ခွင့်ပေး လိုက်ရင်တော့ အကောင်းဆုံးပေါ့၊ ဒါပေမယ့် သူမပါတီရုံးတွေ ဒီမိုကရေစီ ပြုပြင် ပြောင်းလဲရေးတွေမှာ ပါဝင်ခွင့်မပေးရင်တော့ တစုံတရာ ချီးမွမ်း ပြောဆိုနေလည်း အလကားပါ”ဟု Jeff Kingston ကဆိုသည်။
ဒေါ်အောင်ဆန်းစုကြည်က အမေရိကန်ပြည်ထောင်စု၏ အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) နှင့် တွေ့ဆုံခွင့်ရသည့် အပေါ်ကျေနပ်မှုရှိပြီး တွေ့ဆုံခွင့်ရရှိရန် ဆောင်ရွက်ပေးသူများအားလုံးကို ကျေးဇူးတင်ကြောင်း ယမန်နေ့က ရှေ့နေဖြစ်သူများမှ တဆင့်ဆိုသည်။
နိုဝင်ဘာ ၁၅ ရက် အာဆီယံထိပ်သီး အစည်းးအဝေးတွင် ဒေါ်အောင်ဆန်းစုကြည် လွတ်မြောက်ရေးအတွက် အမေရိကန် သမ္မတ အိုဘားမားက သူ၏ဆန္ဒကို တင်ပြ တောင်းဆိုသွားရန်ရှိကြောင်း အမေရိကန် အဆင့်မြင့် အရာရှိတဦးက ပြောဆိုကြောင်း Straits Times သတင်းစာတွင်ရေးသားထားသည်။
ဇူလိုင်လက ကျင်းပသည့် အာဆီယံနိုင်ငံခြားရေး ဝန်ကြီးများ အစည်းအဝေး ညစာစားပွဲတွင် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများအား လွှတ်ပေးရန် ဟူသောအချက်မှာ လက်ခံနိုင်ဖွယ်ရာ မရှိကြောင်း မြန်မာနိုင်ငံခြားရေး ဝန်ကြီး ဦးဉာဏ်ဝင်းက ပြောဆိုခဲ့ဖူးသည်။
ဒေါ်အောင်ဆန်းစုကြည်သည် ပြီးခဲ့သည့် အနှစ် ၂၀ အတွင်း ၁၄ နှစ်ကြာ ချုပ်နှောင်ခံခဲ့ရသည်။
မေလက အကျယ်ချုပ် ၆ နှစ် ပြည့်တော့မည့် အချိန်တွင် အာဏာပိုင်တို့က ဒေါ်အောင်ဆန်းစုကြည်ကို နေအိမ် အကျယ်ချုပ် ဖောက်ဖျက်မှုဖြင့် ရုံးတင် တရားစွဲခဲ့သည်။
ယင်း အမှုတွင် အာဏာပိုင်တို့က ဒေါ်အောင်ဆန်းစုကြည်ကို ထောင်ဒဏ် ၃ နှစ် ချမှတ်ခဲ့သည်။ ထို့နောက် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေက ထောင်ဒဏ်ကို ထက်ဝက် လျှော့ချကာ နေအိမ် အကျယ်ချုပ် ၁ နှစ်ခွဲ ကျခံစေရန် အမိန့် ထုတ်ပြန်ခဲ့သည်။
ဒေါ်အောင်ဆန်းစုကြည်က ထိုစီရင်ချက်အတွက် အယူခံလွှာကို ရန်ကုန်တိုင်း တရားရုံးသို့ တင်သွင်းခဲ့သော်လည်း ပယ်ချခြင်းခံခဲ့ရသည်။
| < Prev | Next > |
|---|
