ယင်း အလုပ်သမားများက စက်ရုံဝင်းထဲ၌ စုဝေး၍ ဆန္ဒပြ တောင်းဆိုနေကြပြီး တောင်းဆိုချက်များနှင့် ပတ်သက်၍ ညှိနှိုင်းနေဆဲ ဖြစ်ကြောင်း ၎င်းက ဧရာဝတီသို့ ပြောသည်။
အလုပ်သမားများက လစာတိုးပေးရေး၊ အလုပ်လုပ်ချိန် လျှော့ပေးရေး နှင့် အလုပ်သမားများ စားသောက်နေထိုင်သည့် နေရာများ၌ သန့်ရှင်းရေးများ ပြုလုပ်ပေးရန် စသည့် အချက်များကိုတောင်းဆိုကြောင်းသိရသည်။
ထိုစက်ရုံ အနီး၌ ရဲကား အစီး ၄၀ ခန့် အပါအ၀င် မီးသတ်ကားများ၊ အချုပ်ကားများ စသည်ဖြင့် လုံခြုံရေးတင်းကျပ် ထားကြောင်း လည်း သိရသည်။
ရန်ကုန်မြို့ရှိ အမည်မဖော်လိုသည့် သတင်းထောက်တဦးက“မနက်ကတော့ မီးသတ်ကားတွေ ရဲကားတွေက စက်ရုံ တွေ ကို ၀ိုင်းထားတယ်၊ ခုဖြိုခွင်းဖို့ လုပ်နေတယ်၊ အခြေအနေ တော်တော် တင်းမာနေတယ်”ဟု ဆိုသည်။
မြန်မာနိုင်ငံတွင် စက်ရုံ အလုပ်သမား တဦးလျှင် အခြေခံလစာငွေ ကျပ် ၂ သောင်းမှ အမြင့်ဆုံး ၄ သောင်းအထိသာ ရရှိရာ အလုပ် သမားများအနေဖြင့် စားဝတ်နေရေး ခက်ခဲမှုရှိသောကြောင့် အချိန်ပို ဆင်းကြရကြောင်း သတင်းများ ဖော်ပြ ချက်အရ သိရှိရသည်။
| < Prev | Next > |
|---|
