ရန်ကုန် မန္တလေး ကဲ့သို့သော မြိူ့ကြီးများတွင် တာဝန်ကျ ဆရာဝန် အများစုမှာ ပုဂ္ဂလိကဆေးခန်းထိုင်ရာမှ ရရှိသော ၀င်ငွေ ကောင်းမွန်မှုကြောင့် နယ်ဝေးဒေသများသို့ မသွားလို၍ ထိုသို့ လာဘ်ငွေများ ပေးနေကြခြင်းဖြစ်သည်။
“GP (အထွေထွေရောဂါကု)ကောင်းတဲ့နေရာ ရန်ကုန်၊ မန္တလေး၊ တောင်ငူ၊ တောင်ကြီးက လူတွေဆိုရင် မပြောင်းချင်ကြ တော့ လူကြီးကို သွားကန်တော့ပြီး မပြောင်းရအောင်လုပ်တာပေ့ါ။ တချို့ကျတော့လည်း နေရာကောင်းရောက်အောင် ပေးကြတာပေါ့။ မပေးနိုင်တဲ့သူတွေကျတော့ GP မကောင်းတဲ့ နယ်တွေရောက်လည်း သွားရတာပဲ။ မိသားစုနဲ့ ဝေးလည်း သွားရတာပဲ”ဟု ကျန်းမာရေး ၀န်ကြီးဌာနနှင့် နီးစပ်သူတဦးက ပြောသည်။
ကျန်းမာရေးဝန်ထမ်းများဖြစ်သည့် အထူးကု ဆရာဝန်ကြီးများ၊ လက်ထောက်ဆရာဝန်များ၊ သူနာပြုများသည် မိမိ တာဝန်ကျရာ မြို့နယ်တခုတွင် အနည်းဆုံး ၂ နှစ်မှ ၃ နှစ် အထိသာ နေကြရပြီး သတ်မှတ်ကာလပြည့်လွန်ပါက အခြားသော နေရာဒေသများသို့ ရွှေ့ပြောင်းကြရသည်။
ထိုသို့ ပြောင်းရွှေ့ကြရာတွင် ပုဂ္ဂလိက ဆေးခန်းများ များပြား၍ ၀င်ငွေကောင်းမွန်သည့် မြို့ကြီးများတွင်သာ နေလို၍သော်လည်းကောင်း၊ မိသားစုရှိရာ အရပ်တွင်သာ နေလို၍သော်လည်းကောင်း၊ သက်ဆိုင်ရာ ဌာနမှ အထက်အရာရှိများကို လာဘ်ထိုးခြင်းများရှိနေပြီး ကျန်းမာရေး ၀န်ကြီး အထိ လာဘ်ပေးခြင်းများ ပြုနေသည်ဟု ကျန်းမာရေး အသိုင်းအ၀ိုင်းက ဆိုသည်။
သူကဆက်၍ “Transfer ကိုင်တဲ့သူကိုပေးရတာရှိတယ်၊ တချို့က ၀န်ကြီးကိုပေးတယ်။ တချို့ကလည်း ညွှန်ချုပ်ကို ပေးတယ်။ တယောက်နဲ့ တယောက်က ပေးကြတာ မတူကြဘူး။တချို့က တလကို ကျပ် ၁၀ သိန်းမျိုး ငွေဖြစ်ဖြစ်၊ ရာထူးအလိုက် နိုင်သလောက်ပေါ့။ ပစ္စည်းဖြစ်ဖြစ်ပေးကြတာ။ ၃ လ တခါလောက်ပေးတာတွေ ရှိတယ်။ တချို့ကျတော့လည်း transfer အချိန်တွေ နီးပြီဆိုရင် သိန်းသုံးလေးဆယ်မျိုး ပေးကြတယ်” ဟု ပြောသည်။
ယခင်က အစိုးရ၀န်ထမ်းမိသားစုများကို တနယ်တည်း အတူတာဝန်ချထားပေးလေ့ရှိသော်လည်း ယခုနောက်ပိုင်းတွင်မူ ထိုစနစ်ကို ကျင့်သုံးခြင်း မရှိတော့၍ လာဘ်ပေးမှုများ ပိုမိုများလာခြင်း ဖြစ်နိုင်သည်ဟု ဆရာဝန်ကြီးများက သုံးသပ်သည်။
အငြိမ်းစား ဆရာဝန်ကြီး တဦးက “လွန်ခဲ့တဲ့ ၁၅ နှစ်လောက်က ဆိုရင် လင်မယား ၂ ယောက်လုံးက အစိုးရ၀န်ထမ်းဆိုရင် တမြို့တည်းမှာ အတူတူ ထားပေးတယ်၊ တခြားတနယ်ပြောင်းမယ်ဆို စဉ်းစားပေးတယ်။ အရင်ကတည်းကလည်း ဒီလိုလာဘ်ပေးတာတွေ ရှိနေပေမယ့် နည်းတာပေါ့လေ။ မပေးနိုင်တဲ့သူကတော့ မိသားစုနဲ့ ဝေးသလို နယ်တွေမှာပဲ အကြာကြီး နေကြရတာလေ။ ဆိုတော့ အခုကတော့ ပိုဆိုးလာတယ်ပြောရမယ်။” ဟု ပြောသည်။
ကျန်းမာရေး ၀န်ထမ်းများ နေရာပြောင်းရွှေ့မှု ဆောင်ရွက်သည့် ကျန်းမာရေး ဦးစီးဌာန (DOH)က နယ်တာဝန်ကျနှင့် မြို့ကြီးများတွင် တာဝန်ကျသူများကို ယခင်က အလှည့်ကျ ဆောင်ရွက်ပေးလေ့ရှိသော်လည်း ယခုနောက်ပိုင်းတွင် ငွေကြေး လာဘ်လာဘပေါ်မူတည် ဆောင်ရွက်မှုများရှိလာသည်ဟု သူကဆိုသည်။
သူကဆက်၍ “အထူးသဖြင့် နယ်ဝေးတွေကို specialist တွေ၊ ဆရာဝန်တွေက မသွားချင်ကြတော့ မြို့ကြီးပြကြီးမှာပဲ ဆရာဝန်တွေ ပုံနေပြီး တကယ်ဆရာဝန်လိုအပ်တဲ့နေရာတွေကျတော့ ဆရာဝန် မရှိဘူး ဖြစ်တာပေါ့။ နောက်တခုက နယ်မှာပဲ မပြောင်းရဘဲ နေနေရတဲ့ ဆရာဝန်တွေ အတွက်လည်း ပွင့်ပွင့်လင်းလင်းပြောရရင် စားဝတ်နေရေးက မပြေလည်နိုင်ဘူးပေါ့။ တနေရာတည်း နေနေရတော့ မမျှတနိုင်တော့ဘူးပေါ့” ဟုပြောသည်။
ခရိုင်အဆင့် အထူးကု ဆရာဝန်ကြီး တဦး၏ အများဆုံးလစာမှာ တလလျှင် ကျပ် တသိန်းလေးသောင်း ရရှိပြီး ဆရာဝန် အများစုမှာ ပုဂ္ဂလိကဆေးခန်းများမှ ၀င်ငွေကိုသာ အားထားနေကြရကြောင်း သိရသည်။
လတ်တလောတွင် ဆရာဝန်များ ပုဂ္ဂလိက ဆေးခန်းများမှ ရသည့် ၀င်ငွေများအပေါ် မူတည်၍ ၀င်ငွေခွန်များ စည်းကြပ်မည်ဆိုသော ကောလဟလ သတင်းကလည်း ကျန်းမာရေး အသိုင်းအ၀ိုင်းအတွင်း ပျံ့နှံ့နေ၍ ၀င်ငွေနည်းပါးသော ဆရာဝန်များက စိုးရိမ်နေကြသည်ဟု ဆိုသည်။
“ဆရာဝန် တယောက်၊ specialist တယောက် အထူးကု တယောက်ဆိုရင် တနှစ်ကို ၀င်ငွေခွန် ကျပ် ၁၀ သိန်း ဆောင်ခိုင်းမယ်ပေါ့၊ သူတို့ကို လာကန်တော့နိုင်တဲ့ဟာကို ကြည့်ပြီးတော့ ဒီလောက်တော့ ဆောင်လို့ရမှာပါ ဆိုပြီး ၀န်ကြီးက ပြောတယ် ဆိုပြီးတော့လည်း သတင်းတွေက ထွက်လာနေတော့ တကယ်သာ ဟုတ်မယ်ဆိုရင် ဟိုး နယ်စွန်နယ်ဖျားက ဆင်းရဲတဲ့ ဆရာဝန်တွေအဖို့တော့ အတော့်ကို မလွယ်မယ့် ကိစ္စပဲ” ဟု သူကဆိုသည်။
ခရိုင်ဆေးရုံကြီး တခုတွင် အထွေထွေ ရောဂါကု၊ ခွဲစိတ်အထူးကု၊ ကလေးအထူးကု၊ သားဖွားမီးယပ် အထူးကု၊ အစာအိမ် အူလမ်းကြောင်း အထူးကု၊ အရိုးအကြော အထူးကု စသဖြင့် အထူးကု ဆရာဝန်နှင့် အထူးကု ဆရာဝန်ကြီး ၁၀ ဦးမှ ၁၅ ဦးအထိ တာဝန်ချထားလေ့ရှိသည်။
ရန်ကုန်နှင့် မန္တလေးတွင် ကျန်းမာရေး ၀န်ကြီးဌာနလက်အောက်ရှိ ဆေးရုံ ၃၀ နီးပါးနှင့် တခြားပြည်နယ်နှင့်တိုင်း တို့တွင် လူဦးရေအလိုက် ကုတင် ၅၀ ဆန့်ဆေးရုံမှ ကုတင် ၂၀၀ ဆန့်ဆေးရုံ၊ ကုတင် ၅၀၀ ဆန့်ဆေးရုံ များအဖြစ် ခရိုင်နှင့်၊ မြို့နယ် အသီးသီးတွင် ရှိကြသည်။
| < Prev | Next > |
|---|
