ဆိပ်ကမ်းများလည်း ပုဂ္ဂလိကကို လွှဲမည်

E-mail Print
ရန်ကုန်မြို့ရှိ ဆိပ်ကမ်းများနှင့် ဆိပ်ကမ်း ၀န်ဆောင်မှု လုပ်ငန်းများကို စစ်အစိုးရက ပုဂ္ဂလိက လုပ်ငန်းရှင်များအား လုပ်ကိုင်ခွင့် ပြုမည် ဖြစ်ကြောင်း ပို့ဆောင်ရေး ၀န်ကြီးဌာနက ပြောသည်။

လက်ရှိ အသုံးပြု နေသည့် ဆိပ်ကမ်း များအား လွှဲပြောင်း ရောင်းချမည့် အပြင် အလုံဆိပ်ကမ်းမှ ဗိုလ်တထောင် သန်လျက်စွန်း နယ်မြေ အတွင်း ဆိပ်ကမ်း အသစ်များကိုလည်း ထပ်မံ ဆောက်လုပ်ရန် ခွင်ပြုမည် ဖြစ်ကြောင်း နေပြည်တော်ရှိ ပို့ဆောင်ရေး ၀န်ကြီးဋ္ဌာနမှ ရုံးအဖွဲ့မှူး ဦးဝင်းခန့်က ဧရာဝတီသို့ ပြောသည်။

“ပုဂ္ဂလိက လုပ်ငန်းရှင်တိုင်း အဆိုပြုလို့ ရတယ်၊ ဆိပ်ကမ်း အသစ်တွေ ဆောက်ချင် ရင်လည်း ကိုယ်ဘာသာကိုယ် တိုင်းတာရေး လုပ်ပြီး ဆောက်ဖို့ အဆိုပြု နိုင်တယ်”ဟု ၎င်းက ဆိုသည်။

ရန်ကုန်မြစ် တလျှောက် ဆိပ်ကမ်းများ၌ ဆူးလေ ဆိပ်ကမ်း၊ ဗိုလ်အောင်ကျော် ဆိပ်ကမ်းတို့ တွင်သာ နိုင်ငံခြား သင်္ဘောကြီးများ ဆိုက်ကပ် နိုင်ကြောင်း၊ ဗိုလ်တထောင်၊ ပန်းဆိုးတန်းနန်းသီတာ၊ ကျန်းမာရေးဆိပ်ကမ်းများသည် ယခုလက်ရှိ အခြေအနေ ၌ သဘောင်္ကြီးများ မဆိုက်ကပ်နိုင်ကြောင်း ဦးဝင်းခန့်က ရှင်းပြသည်။

ဆိပ်ကမ်းလုပ်ငန်းများတွင် ရင်းနှီးလုပ်ကိုင်လိုသူများကို အစိုးရက တည်ဆောက်၊စီမံ၊ လွှဲပြောင်းရယူသည့် (B.O.T)စနစ်ဖြင့် လုပ် ကိုင်ခွင့်ပြုမည် ဖြစ်ကြောင်း၊ ရင်းနှီးမြုပ်နှံသည့် ငွေပမာဏအပေါ်တွင် မူတည်၍လုပ်ကိုင်ရမည့် အချိန်ကာလကို သတ်မှတ်ပေးမည် ဖြစ်ကြောင်း သိရသည်။

ယခင်ကလည်း စစ်အစိုးရနှင့်နီးစပ်သည့် လော်စစ်ဟန်၏သား ဦးထွန်းမြင့်နိုင် ခေါ် စတီဗင်လော၏ အေးရှားဝေါ ကုမ္ပဏီနှင့် မြန်မာ အပြည်ပြည်ဆိုင်ရာ သီလ၀ါဆိပ်ကမ်း(MITT) ကုမ္ပဏီတို့ကို အလုံဆိပ်ကမ်းနှင့် သီလ၀ါဆိပ်ကမ်းတို့အားB.O.Tစနစ်ဖြင့် လုပ်ပိုင် ခွင့် ပေးထားပြီးဖြစ်သည်။

အဆိုပါစီမံကိန်းအရ ဆိပ်ကမ်းတလျှောက် ပို့ကုန်သွင်းကုန်များ စီးဆင်းမှု လွယ်ကူစေရန် သယ်ယူပို့ဆောင်ရေးလမ်း တိုးချဲ့ရန်  မကြာသေးမီက ကမ်းနားလမ်းတလျှောက်တွင် မြေတိုင်းထွာမှုများကို ပြုလုပ် ခဲ့ကြောင်း ဦးဝင်းခန့်ကဆိုသည်။

ဆိပ်ကမ်းဖွံ့ဖြိုးရေးစီမံကိန်း အတွက် သယ်ယူပို့ဆောင်ရေးလမ်းတိုးချဲ့ရာတွင် သံလျှက်စွန်းရှိ ၀န်ထမ်းအိမ်ရာများ၊ ကုန်စည်သို လှောင်ရုံများ၊ ကီလီမော်တင်ရှိ ဥက္ကံ၊ တိုက်ကြီး၊ သုံးဆယ်သို့သွားသည့် ကားရပ်နားရာစခန်းဝန်း၊ သီရိမင်္ဂလာဈေး၊ ဗဟိုစံပြ ငါး ဈေးတို့ကို ဖျက်သိမ်းမည်ဟု သိရှိကြောင်း ရန်ကုန်အခြေစိုက် စာနယ်ဇင်းသမားတဦးကပြောသည်။

“ပထမမြေတိုင်းအဖွဲ့တွေ တိုင်းတော့ လူတွေလည်း ရုတ်ရုတ်သဲသဲပေါ့၊ အခုတော့ ကမ်းနားဘက်ကို မျက်နှာမူထားတဲ့ အိမ်တွေ မပါဘူးလို့ပြောတယ်”ဟု ၎င်းကဆိုသည်။

အေးရှားဝေါဆိပ်ကမ်း အဆောက်အဦးများ၊ မြန်မာ့ စက်မှုဆိပ်ကမ်း အဆောက်အဦးများသာ ကျန်ရှိတော့မည်ဖြစ်ကြောင်း အဆိုပါ  စာနယ်ဇင်းသမားက ဆိုသည်။

ကမ်းနားလမ်းတွင် ရှေးခေတ် ကိုလိုနီလက်ထက်တွင် တည်ဆောက်ထားသည့် စာတိုက်ကြီး၊ လေယာဉ်ရုံး၊ ဗြိတိသျှ သံရုံး၊ အကောက်ခွန်ရုံး၊ ဆိပ်ကမ်းအာဏာပိုင်ရုံး၊ စထရင်းဟိုတယ် အပါအ၀င် ခြောက်ထပ်ကြီးရုံးတို့ ရှိသည်။

ထို့အပြင် ရန်ကုန်မြစ်၏ မုတ္တမပင်လယ်ကွေ့ အပြင်စည်းခုံ ရေလမ်းကြောင်းနှင့် အတွင်းစည်းခုံ ရေလမ်းကြောင်းတို့တွင် သောင်တူး ခြင်း၊ ရေကြောင်းထိန်းသိမ်းခြင်း၊ ရန်ကုန်မြစ်အတွင်း ၀င်ထွက်သွားလာနေသည့် ပြည်တွင်း၊ ပြည်ပ သဘောင်္များအား မြစ်ကြောင်း ထိန်းသိမ်းခ အခွန်ကောက်ခံခြင်းများကိုလည်း ပုဂ္ဂလိကလုပ်ငန်းရှင်များသို့ ကန်ထရိုက်စနစ်ဖြင့် လွှဲပြောင်းပေးမည်ဟု ပို့ဆောင်ရေး ၀န်ကြီးဌာနက ပြောသည်။

ရန်ကုန်ဆိပ်ကမ်းသို့ အလျား ၁၆၇ မီတာ၊ ရေစူး ၉ မီတာ ကုန်တန်ချိန် ၁၅၀၀၀ တင်ဆောင်သော သင်္ဘောများ ၀င်ထွက်နိုင်ပြီး သီလ၀ါဆိပ်ကမ်းသို့ ရေယာဉ်အလျားမီတာ ၂၀၀၊ ရေစူး ၉ မီတာနှင့် ကုန်တန်ချိန် ၂၀၀၀၀ ရှိသော သင်္ဘောများ ၀င်ထွက်နိုင် ကြောင်း သိရသည်။

မြန်မာ့ကြယ်ငါးပွင့်သင်္ဘောလိုင်း ကိုလည်း စစ်အစိုးရက မြန်မာ့ စီးပွားရေး ဦးပိုင်လီမိတက်သို့ မကြာမီလွှဲပြောင်းပေးရန် စီစဉ်နေ သည်ဟု ရိုက်တာ သတင်းတွင် ယနေ့ ဖော်ပြထားသည်။

စစ်အစိုးရက ရွေးကောက်ပွဲမတိုင်မီ နိုင်ငံပိုင်စီးပွားရေး လုပ်ငန်းများကို ပုဂ္ဂလိကပိုင်ပြုလုပ်နေခြင်းဖြစ်ကြောင်း၊ အစိုးရအနေဖြင့် ပုဂ္ဂလိက စီးပွားရေးလုပ်ငန်းရှင်များကို လုပ်ကိုင်ခွင့်များ ပေးအပ်နေသည်မှာ ကောင်းမွန်သော်လည်း တိုင်းပြည်စီးပွားရေး နှင့်  ပတ်သက်၍ ပွင့်လင်းမြင်သာမှုများ ရှိရန် ပိုမိုလိုအပ်ကြောင်း ပြည်တွင်းအခြေစိုက် စီးပွားရေးပညာရှင်တဦးကသုံးသပ်သည်။

ယခု နှစ်ဆန်းပိုင်းမှစ၍ စက်သုံးဆီဖြန့်ဖြူးမှုနှင့်ပတ်သက်၍ တနိုင်ငံလုံးရှိ စက်သုံးဆီ အရောင်းဆိုင် ၂၄၆ဆိုင်၊ နိုင်ငံပိုင် စီးပွားရေး လုပ်ငန်းပေါင်း ၁၁၀ ၊ ရေအားလျှပ်စစ်ထုတ်လုပ်ရေးစီမံကိန်းများ၊ သတ္တုတူးဖော်ရေးလုပ်ငန်းများကို ပုဂ္ဂလိကသို့ ရောင်းချခဲ့သည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်