၂၀၁၀ နိုဝင်ဘာလ ၇ ရက်နေ့ တွင် ပါတီစုံ အထွေထွေ ရွေးကောက်ပွဲကျင်းပမည်ဟု ပြီးခဲ့သည့် သြဂုတ်လ ၁၃ ရက်နေ့က ထုတ်ပြန် ကြေညာ ထားသည်။
အဆိုပါ စစ်တမ်းကို ရန်ကုန်မြို့တွင် နေထိုင်သူ ၂၂၇ ဦးတို့က ဖြေဆိုခဲ့ကြပြီး အသက် ၁၈ နှစ်မှ အသက် ၃၀ နှစ် အတွင်း လူငယ် အမျိုးသမီး အမျိုးသားပေါင်း ၁၄၀၊ အသက် ၃၁ နှစ်မှ အသက် ၆၀ အတွင်း အမျိုးသား အမျိုးသမီး ပေါင်း ၅၇ ဦး ပါဝင်ကာ အသက် ၆၁ နှစ်နှင့် အထက် အမျိုးသား အမျိုးသမီးပေါင်း ၃၀ ပါဝင်ဖြေဆိုကြသည်။
နိုင်ငံရေးပါတီများကို ရွေးချယ်မဲထည့်ရန်အတွက် အဆင်သင့်မဖြစ်သေးကြောင်း ဖြေဆိုသူ ၁၈၇ ဦး ရှိပြီး လူ ၄၀ မှာ အဆင်သင့် ဖြစ်ကြောင်း ဖြေဆိုသည်ကို တွေ့ရသည်။
“ပါတီ ဘယ်နှစ်ခု ရှိလို့ ရှိမှန်းတောင် ကျနော်တို့ မသိဘူး၊ ရွေးကောက်ပွဲမှာ မဲထည့်ဖို့တော့ အဆင်သင့်ဖြစ်ဖို့ မပြောနဲ့ စဉ်းတောင် မစဉ်းစား ရသေးဘူး၊ ဒါပေမယ့်လည်း ရွေးကောက်ပွဲတော့ မြန်မြန်ပြီးစေချင်လှပြီ ဘာဖြစ်လို့လည်းဆိုတော့ ဒီရွေးကောက်ပွဲပြီးမှ ဒေါ်စု လည်း အပြင်ထွက်ခွင့်ရမှာ”ဟု အသက် ၃၄ နှစ် ၀န်းကျင် အရွယ် အမျိုးသားတဦးက ပြောသည်။
အသက် ၆၃ နှစ် အရွယ် အငြိမ်းစား အမျိုးသမီးကြီး တဦးကလည်း“ကျမတို့အနေနဲ့ ပါတီတွေကို ရွေးချယ်ဖို့ မပြောပါနဲ့ ပါတီနာမည် တွေတောင် မှန်အောင် မပြောတတ်သေးတော့ ဘယ်နှယ့်လုပ်ပြီး မဲထည့်ကြမလဲ ဆိုတာ မသိသေးဘူး”ဟု ပြောသည်။
လာမည့်ရွေးကောက်ပွဲသည် ပြည်သူလူထု အောင်ပွဲခံရမည့် ပွဲဟု ယုံကြည်မှု မရှိသောကြောင့် ရွေးကောက်ပွဲ အပေါ်တွင် စိတ် ၀င်စားမှု နည်းပါးနေကြခြင်းဖြစ်ကြောင်း၊ ထို့အပြင် နိုင်ငံရေးပါတီများကလည်း လူထုကို နိုင်ငံရေးအသိစိတ် နိုးကြားလာရန် စည်းရုံး နိုင်စွမ်း မရှိသည်ကို တွေ့မြင်ရပြီး လူထုကြား ကျယ်ကျယ်ပြန့်ပြန့် ၀င်ရောက် စည်းရုံးနိုင်ခွင့် မရှိသည်ကိုလည်း တွေ့မြင်ရကြောင်း အထက်ပါ အငြိမ်းစား အမျိုးသမီးကြီးက ပြောဆိုသည်။
အသက် ၃၅ နှစ်အရွယ် အမျိုးသားတဦးကမူ လာမယ့် ရွေးကောက်ပွဲတွင် မဲထည့်ရန် အဆင်သင့်ဖြစ်ကြောင်း ပြောလိုက်ပြီး “၀င်ပြိုင်မယ့် ပါတီထဲမှာတော့ ဘယ်ပါတီကို အားပေး ထောက်ခံမလဲဆိုတာ ရွေးချယ်ပြီးသား ရှိပါတယ်၊ အဲဒီ ပါတီကိုပဲ မဲထည့် မှာပါ”ဟုလည်း ပြောဆိုသည်။
အဆင်သင့် ဖြစ်ကြောင်း ဖြေဆိုကြသူ ၄၀ ထဲတွင် မဲထည့်ရန်အတွက် ပါတီရွေးချယ်ပြီးသူများ ပါဝင်သကဲ့သို့ ပါတီ ရွေးချယ်ထား ခြင်း မရှိသော်လည်း ရွေးကောက်ပွဲ မြန်မြန်ပြီးစေချင်သူများလည်း ပါဝင်သည်ကို တွေ့မြင်ရသည်။
“အမှန်အတိုင်း ပြောရရင် ရွေးကောက်ပွဲကို စိတ်ကို မ၀င်စားဘူး၊ မဲကတော့ ကျနော်တို့ ဘယ်ပါတီကိုပဲ ထည့်ထည့်ပါ၊ ရွေးကောက် ပွဲမှာ ဘယ်ပါတီ အနိုင်ရမလဲဆိုတာလည်း အားလုံးသိပြီးသားပဲ ဆိုတော့ မထူးပါဘူး၊ မြန်မြန်ပြီးသွား အေးတာပဲ”ဟု အသက် ၂၆ နှစ် အရွယ် အမျိုးသားတဦးက ပြောသည်။
လာမယ့် ရွေးကောက်ပွဲတွင် မဲထည့်မည်လား၊ မထည့်ဘူးလားဆိုသည့် နောက်ဆက်တွဲ မေးခွန်းကိုလည်း အဆိုပါ ၂၂၇ ဦးအား
ဆက်လက်မေးမြန်းခဲ့ရာ ၁၀၆ ဦးမှာ မဲထည့်မည်ဟု ဖြေဆိုခဲ့ကြပြီး ကျန် ၁၂၁ ဦးမှ ၆၇ ဦးမှာ မထည့်ဟု ဖြေဆိုကာ ၅၄ ဦးမှာ စဉ်းစားဆဲဖြစ်ကြောင်း ဖြေဆိုကြသည်။
“မဲကတော့ သွားထည့်မှာပါ၊ လက်ရှိပါတီထဲက အသင့်တော်ဆုံးဖြစ်မယ့် ပါတီကိုတော့ ရွေးရမှာပေါ့၊ မဲမထည့်ဘူး ဆိုရင် ကိုယ့် ဘက် က ၂ ခါနာ ဖြစ်သွားနိုင်တယ်၊ ကိုယ့်မဲကို သူတို့က သူတို့မဲ လုပ်ပစ်လိုက်မှာလေ”ဟု အသက် ၄၅ နှစ် အရွယ် အမျိုးသား တဦးက ပြောသည်။
ရွေးကောက်ပွဲတွင် မဲထည့်ရန်အတွက် အဆင်သင့်မဖြစ်သေးဟု ဖြေဆိုကြသူများနှင့် မဲထည့်မည်ဟု ဖြေဆိုကြသူ အများစုမှာ ၄င်းတို့၏ မဲများအား အာဏာပိုင်များက စိတ်ကြိုက် အသုံးပြုလိုက်မည်ကို စိုးရိမ်သူများဖြစ်ကြောင်း သိရသည်။
အသက် ၃၂ နှစ်အရွယ် အမျိုးသမီးတဦးက“ရွေးကောက်ပွဲကိုလည်း စိတ်မ၀င်စားဘူး၊ မဲလည်း သွားမထည့်ဘူး၊ တက်ချင်တဲ့ အစိုးရ တက်ပါ၊ ကျမတို့ဘ၀ သိပ်ထူးခြားနိုင်မှာလည်း မဟုတ်ဘူး”ဟု ပြောသည်။
မဲသွားမထည့်ဟု ဖြေဆိုကြသူများထဲတွင် ရွေးကောက်ပွဲအတွက် အဆင်သင့်မဖြစ်သေးဟု ဖြေဆိုကြသူပေါင်း ၄၂ ဦး ပါဝင်ပြီး
အဆင်သင့်ဖြစ်ကြောင်း ဖြေဆိုသူ ၂၅ ဦးပါဝင်ကြောင်းတွေ့မြင်ရသည်။
လာမည့်ရွေးကောက်ပွဲအား ပြည်သူလူထုအနေဖြင့် စိတ်ဝင်စားမှုနည်းပါးလျက်ရှိသကဲ့သို့ ပါဝင်ယှဉ်ပြိုင်မည့် နိုင်ငံရေး ပါတီများ အနေနှင့်လည်း စိတ်ဝင်စားမှုနည်းပါးသည်ကိုတွေ့မြင်ရကြောင်း ပြည်တွင်းမှ ၀ါရင့် သတင်းထောက် တဦးက ပြောသည်။
“လူတွေက ရွေးကောက်ပွဲရလဒ်ကို သူတို့မျှော်လင့်သလို ဖြစ်မလာနိုင်ဘူးလို့ ထင်နေကြတာလည်း ပါတယ်၊ နောက်တချက်က မီဒီယာတွေက ရွေးကောက်ပွဲအပေါ် သိပ်ပြီး မကြိုဆိုကြတာလည်း ပါတယ်၊ အထူးသဖြင့် ပြည်တွင်းက လူတွေကို လွှမ်းမိုးထားတဲ့ ရေဒီယိုတွေက နိုင်ငံရေးပါတီတွေအကြောင်း မလွှင့်ဘူး၊ ပြည်တွင်း ဂျာနယ်တွေမှာလည်း ရွေးကောက်ပွဲဝင်မယ့် နိုင်ငံရေးပါတီ တွေနဲ့ ပတ်သက်ပြီး ပါတယ်ဆိုရုံလောက်ပဲ ရေးကြတော့ လူတွေရဲ့စိတ်ကို မစွဲဆောင်နိုင်ဘူး”ဟု ၎င်းက ပြောဆိုသည်။
ယခု စစ်တမ်း အတွက် ၀င့်နဒီ၊ ကျော်ကျော်၊ ကိုကိုလတ် တို့ ပါဝင်ကူညီသည်။
| < Prev | Next > |
|---|
