ယင်းနေထိုင်ခွင့်လက်မှတ်အတွက် ထိုင်းအာဏာပိုင်များက အခမဲ့နီးပါး ပြုလုပ်ပေးနေသော်လည်း တာ့ခ်ခရိုင် မဲဆောက်မြို့တွင် ကြားပွဲစားတချို့က လူတဦးလျှင် ထိုင်းဘတ်ငွေ ထောင်သောင်းချီ တောင်းခံနေသဖြင့် သတိထား ရှောင်ရှားနိုင်ရန် အလုပ်သမားအရေး ဆောင်ရွက်ပေးနေသည့် အဖွဲ့များကလည်း သတိပေးနေကြသည်။မဲဆောက်အခြေစိုက် မြန်မာအလုပ်သမားအရေး ဆောင်ရွက်နေသည့် မြန်မာပြည်သားများအရေး ပူးတွဲလှုပ်ရှားမှုကော်မီတီ (JACBA) ဥက္ကဋ္ဌ ဦးမိုးကြိုးက “၁၀ နှစ်ခံ နေထိုင်ခွင့်လက်မှတ်ကို ထိုင်းအစိုးရက အလကားနီးပါး လုပ်ပေးနေတယ်။ ဓာတ်ပုံနှစ်ပုံနဲ့ ဘတ်ငွေ ၈၀ ပဲ ပေးရတယ်။ မသိနားမလည်တဲ့ မြန်မာတချို့ကို အခွင့်ကောင်းယူတဲ့ ကြားပွဲစားတွေက အဲဒီ လက်မှတ်လိုချင်ရင် တယောက်ကို ဘတ် ၁ သောင်းတို့၊ တသောင်းခွဲတို့ တောင်းနေတာတွေရှိတယ်။ ဒါတွေက တရား မ၀င်ဘူး။ အလိမ်ခံရတဲ့လူတွေ အများကြီးရှိတယ်” ဟု ဧရာဝတီသို့ ပြောသည်။
နေထိုင်ခွင့်လက်မှတ် ပြုလုပ်ရာတွင် မိမိကို အာမခံပေးမည့် ထိုင်းလူမျိုး အိမ်ရှင်ပါရှိရမည်ဖြစ်ပြီး လက်မှတ်ပြုလုပ်မည့်သူနှင့် ပတ်သက်သည့် စာရွက်စာတမ်းများနှင့်အတူ လျှောက်ထားရမည်ဖြစ်ကာ အာမခံပေးမည့်သူ ရှိမှသာ လျှောက်ထားခွင့်ရှိသည်။ ၎င်းနေထိုင်ခွင့် လက်မှတ်ကို ထိုင်းဘာသာဖြင့် (ထောရော ၃၈/၁) ဟု ဆိုသည်။
လက်မှတ်ကိုင်ဆောင်သူသည် လက်မှတ်ပြုလုပ်ထားသည့် သက်ဆိုင်ရာဒေသအတွင်း တရားဝင် နေထိုင်ခွင့် ရရှိမည်ဖြစ်သော်လည်း အလုပ်လုပ်ကိုင်ခွင့်နှင့် ဈေးရောင်းပိုင်ခွင့်မရှိကြောင်း ဈေးရောင်းလိုသူများအနေနှင့် သီးခြားလက်မှတ် ပြုလုပ်ရကြောင်း သိရသည်။
လွန်ခဲ့သည့် ၂ နှစ်ကျော်က မဲဆောက်တွင် ၁၀ နှစ်သက်တမ်းရှိ နေထိုင်ခွင့်လက်မှတ်များ လုပ်ပေးရာတွင် ကြားပွဲစားမှတဆင့် ပြုလုပ်ခဲ့ရာ လက်မှတ်မရသည့်အပြင် ဘတ် ၁ သောင်းခွဲ ဆုံးရှုံးခဲ့ရသည်ဟု မဲဆောက်ဈေးမှ မြန်မာကုန်ပစ္စည်းရောင်းသည့် မစိန်က ပြောသည်။
ကြားပွဲစားများကို အားကိုးရခြင်းနှင့် ပတ်သက်၍ မစိန်က “နေထိုင်ခွင့်လက်မှတ်ကို ထိုင်းအိမ်ရှင်တွေနဲ့ အလုပ်ရှင်တွေက သူတို့အလုပ်သမားတွေကို လုပ်ပေးတဲ့ လူက နည်းပြီး မလုပ်ပေးတဲ့လူက များတယ်။ ဒီတော့ လက်မှတ်လိုချင်တဲ့လူတွေသာ ကိုယ့်အစီအဉ်နဲ့ကိုယ် အပြင်မှာ လက်မှတ်လုပ်ဖို့ အာမခံပေးမယ့် လူတွေကို လိုက်ရှာပြီးလုပ်ကြရတယ်။ ဒီလက်မှတ်ရှိရင် အဖမ်းအဆီးအတွက် မစိုးရိမ်ရတော့ဘူး။ အဲဒီတော့ အာမခံပေးတဲ့လူက အာမခံကြေးဆိုပြီး သောင်းချီပြီးတော့ တောင်းတာရှိတယ်။ ကျမဆိုရင် အာမခံတဲ့လူ ပြေးတော့ ဘတ် ၁ သောင်းခွဲ ပါသွားတယ်” ဟု ရှင်းပြသည်။
ထိုင်းလုပ်ငန်းရှင်တဦးက ယခင်က ကြားပွဲစားများကို တရားမ၀င် ပေးရသည့်နှုန်းမှာ ဘတ် ၅ ထောင် အောက်တွင်သာရှိခဲ့သော်လည်း မဲဆောက်နှင့် ထိစပ်နေသည့် မြန်မာနိုင်ငံ မြ၀တီခရိုင်အတွင်း နေထိုင်သူများက လက်မှတ်ရရှိရေးအတွက် ကြားပွဲစားများကို ပွဲခ အဆမတန်ပေးရာမှ ပွဲခများ တက်သွားခြင်းဖြစ်သည်ဟု ပြောသည်။
ဖေဖော်ဝါရီ လဆန်းမှစတင်ကာ မဲဆောက်ဒေသအတွင်းရှိ ရပ်ကွက်နှင့်ကျေးနယ်များတွင် နေထိုင်ခွင့်လက်မှတ်များ ရမည်ဟုဆိုကာ ပွဲစားများက လိုက်လံစည်းရုံးနေသော်လည်း ယခင်အကြိမ်က ရွာလုံးကျွတ် အလိမ်ခံထားရသဖြင့် စိတ်ဝင်စားသူ နည်းပါးသွားသည်ဟု မဲဆောက်မြို့ပြင်ရှိ ဖာဒဲရွာမှ အလုပ်သမား ကိုအညာသားက ပြောသည်။
၎င်းက “အရင် ၂ နှစ်ကျော်က ထိုင်းနဲ့ မြန်မာပွဲစားတွေ ဖာဒဲရွာကိုလာပြီး ၁၀ နှစ်ခံနေထိုင်ခွင့်အတွက် တယောက်ကို ဘတ် ၂၅၀၀ နှုန်းနဲ့ ရမယ်ဆိုလို့ တရွာလုံးနီးနီး လုပ်ကြတယ။ ၀ါးနဲ့တူလုပ်တဲ့ ကျနော်တို့ အလုပ်ရုံက လူတွေလည်းပါတယ်။ အားလုံးအလိမ်ခံရတယ်။ ဖွတ်မရ ဓားမ ဆုံးပဲ။ မြန်မာတွေကို ချင့်ချိန်ကြဖို့ ပြောချင်ပါတယ်” ဟု ဆိုသည်။
မဲဆောက်ရှိ ကျေးရွာ အုပ်ချုပ်ရေးမှူးတဦးက နေထိုင်ခွင့်လက်မှတ် လျောက်ထားသူများအနေနှင့် တရားဝင် လုပ်ထုံးလုပ်နည်းအတိုင်း လုပ်ဆောင်နိုင်မှသာလျှင် ရေရှည်အတွက် လုံခြုံ စိတ်ချရမည်ဟု ပြောသည်။
Workers Solidarity Association (WSA) ၏ အစီရင်ခံစာအရ ယမန်နှစ်က ထိုင်းနိုင်ငံအတွင်း အလုပ်လုပ်ကိုင်နေသော တရားဝင် မြန်မာအလုပ်သမား ၅ သိန်းကျော် ရှိနေကြောင်းသိရသည်။
မြန်မာအလုပ်သမားအရေး ကူညီဖြေရှင်းပေးနေသော အဖွဲ့အစည်းများက ထိုင်းနိုင်ငံအတွင်း အလုပ်လုပ်ကိုင်နေသော မြန်မာနိုင်ငံသားပေါင်း ၂ သန်းခန့်အထိ ရှိနိုင်ကြောင်း ခန့်မှန်းထားကြသည်။
| < Prev | Next > |
|---|
