ALD ဥက္ကဌ ဦးသာဘန်းက“လောလောဆယ် ဂီရိဒဏ် အဆိုးရွားဆုံး ခံခဲ့ရတဲ့ မြေပုံမြို့နယ်အတွင်းက ကျေးရွာတွေမှာ ရေတွင်းတွေ တူးပေးမယ်။ လယ်သမားတွေကိုလည်း မျိုးစပါးတွေ ဝေငှသွားမယ်။ နောက်ပြီး မြေပုံမြို့မှာ အခမဲ့ဆေးခန်းတခန်း ဖြစ်မြောက်ဖို့လည်း ကြိုးစားနေတယ်။ ရန်ပုံငွေ ရရင် ရသလို အကူအညီပေးရေး လုပ်ငန်းတွေ ထပ်တိုးချဲ့သွားမှာပါ”ဟု ပြောသည်။
ဂီရိ ဆိုင်ကလုန်း မုန်တိုင်းသည် ၂၀၁၀ ပြည့်နှစ် အောက်တိုဘာလ ၂၂ ရက်နေ့က တနာရီလျှင် မိုင် ၁၂၀ ၀န်းကျင်ဖြင့် ရခိုင်ကမ်းရိုးတန်း ဒေသ တလျှောက် တိုက်ခတ်ခဲ့ရာ ကျောက်ဖြူ၊ မြေပုံ၊ မင်းပြား၊ မာန်အောင်၊ ပေါက်တော၊ ပုဏ္ဏကျွန်း၊ စစ်တွေ စသည့်မြို့နယ်များ၌ ပျက်စီးဆုံးရှုံးမှု ကြီးမားခဲ့ပြီး လူ ၂ သိန်းကျော် အိုးမဲ့အိမ်မဲ့ဖြစ်ခဲ့ရာ လူ ရာဂဏန်းအထိ သေဆုံးမှုရှိခဲ့ကြောင်း သတင်းများတွင် ဖော်ပြခဲ့သည်။ဂီရိမုန်တိုင်းကြောင့် ရခိုင်ပြည်နယ်အတွင်းရှိ လူဦးရေ တသိန်းခုနှစ်သောင်းကျော် အိုးအိမ်မဲ့ ခဲ့ရကြောင်း ၊ ကျောက်ဖြူ၊ ပေါက်တော၊ မြေပုံနှင့် မင်းပြားမြို့နယ်တို့မှာ ၉၀ ရာခိုင်နှုန်း နီးပါး ပျက်စီးဆုံးရှုံးခဲ့ကြောင်း ထိုစဉ်က ကယ်ဆယ်ရေး လုပ်ငန်းများ ဆောင်ရွက်နေသည့် ပြည်တွင်း NGO အဖွဲ့များ၏ ထုတ်ပြန်ချက်များတွင် တွေ့ရသည်။
“ကျေးရွာတချို့မှာ ရေတွင်းတွေက ပင်လယ်ဆားငန်ရေ ၀င်သွားတဲ့အတွက် သောက်လို့မရသေးဘူး။ ဘယ်ကျေးရွာတွေက အလိုအပ်ဆုံးဖြစ်နေလဲဆိုတာ ကွင်းဆင်းကြည့်ပြီး လောလောဆယ် ရေတွင်း ၁၀ ခုလောက် တူးပေးသွားမယ်။ ဒေသနဲ့ လိုက်ဖက်မယ့် မျိုးစပါးတွေလည်း လှူဒါန်းသွားမယ်”ဟု ALD အတွင်းရေးမှူး ဦးအေးသာအောင်က ပြောသည်။
အဆိုပါ ဂီရိဒဏ်သင့်ဒေသများ ပြန်လည်ထူထောင်ရေး ဆောင်ရွက်ပေးရန်အတွက် ALD နှင့်အတူ အမျိုးသားဒီမိုကရေစီအဖွဲ့ချုပ် (NLD) လူမှုအထောက်အကူပြုအဖွဲ့ဝင်များလည်း လိုက်ပါသွားမည်ဖြစ်ကြောင်း သိရသည်။
“NLD က ဒေါက်တာမေ၀င်းမြင့်တို့လည်း ပါမယ်။ မြေပုံမြို့နယ် ၊ ကျီးခေါင်းတောင်ရွာမှာရှိတဲ့ ကျီးခေါင်းတောင်စေတီဟာ ဂီရိဒဏ်ကြောင့် ထီးတော် မြေခထားတယ်။ ဒေါ်အောင်ဆန်းစုကြည်နဲ့ NLD က တပေါင်းလပြည့်နေ့မှာ ထီးတော်ကို အသစ်ပြန်တင်လှူမယ်။ ဘေးပတ်ဝန်းကျင်ရွာတွေက သံဃာတွေကိုလည်း လှူဖွယ်ပစ္စည်းတွေ လှူဒါန်းကြမယ်”ဟု ဦးအေးသာအောင်က ပြောသည်။
ALD ပါတီ ဂီရိဒေသပြန်လည်ထူထောင်ရေးအတွက် ဂီရိဒဏ်သင့်ဒေသများသို့ ၃ ကြိမ် သွားရောက်လှူဒါန်းခဲ့ပြီးဖြစ်ကြောင်း သိရ သည်။
ALD ပါတီသည် NLD နှင့် မဟာမိတ်ဖွဲ့ထားသော တိုင်းရင်းသားပါတီ (၁၀) ပါတီအနက်မှ တခုဖြစ်ပြီး စစ်အစိုးရက ၁၉၉၂ ခုနှစ်
တွင် တရားဝင်အဖြစ်မှ ရပ်စဲကြောင်း ကြေညာခဲ့သည်။
ရခိုင်ပြည်နယ် ဂီရိမုန်တိုင်းဝင်ရောက်ပြီး ၁၆ ရက်အကြာတွင် ကျင်းပမည့် ၂၀၁၀ ရွေးကောက်ပွဲကို နိုဝင်ဘာ ၇ ရက်တွင် မကျင်းပ ဘဲ ရွှေ့ဆိုင်းရန် ALDက တောင်းဆိုခဲ့သော်လည်း နအဖ စစ်အစိုးရက ရွှေ့ဆိုင်းမပေးခဲ့ပေ။
| < Prev | Next > |
|---|
