“အခု ဆေးရုံမှာ သွေး ၅ ပုလင်း သွင်းထားရတယ်လို့ သိရတယ်။ ဒီမနက်ပဲ လေယာဉ်နဲ့ စစ်တွေကို လိုက်သွားတယ်” ဟု ကိုသန်းတင်၏ မိသားစုဝင်တဦးက ဧရာဝတီကို ပြောသည်။
နိုင်ငံရေးအကျဉ်းသား ကိုသန်းတင်၏ ညီမဖြစ်သူ မသန်းသန်းဌေးသည် အစ်ကို၏ ကျန်းမာရေး အခြေအနေကို ကြားသိရပြီး ယမန်နေ့က လေယာဉ်ဖြင့် အရေးပေါ်သွားရန် စီစဉ်ခဲ့သော်လည်း ရာသီဥတုဆိုးရွားနေသဖြင့် ခရီးစဉ်ကို ဖျက်ခဲ့ရသည်ဟုဆိုသည်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း - မြန်မာနိုင်ငံ (AAPP) ၏ အတွင်းရေးမှူး ကိုတိတ်နိုင်က “စစ်တွေထောင်က ကိုသန်းတင်ကို အရေးပေါ် ဆေးရုံတင်ထားရတယ်လို့ သိရတယ်။ ကျနော်တို့ အရမ်း စိုးရိမ်တယ်။ မိသားစု လိုက်ရတာကလည်း အရမ်းဝေးတယ်” ဟု ပြောသည်။
ယခုအချိန်အထိ ဆရာဝန်၊ ဆေးမှူး မရှိသော အကျဉ်းထောင်များ ကျန်ရှိနေသေးကြောင်း၊ နိုင်ငံရေး အကျဉ်းသား များကို မိသားစုနှင့် ဝေးလံပြီး လမ်းခရီး ခက်ခဲသည့် အကျဉ်းထောင်များသို့ ပို့ထားခြင်းသည် လူ့အခွင့်အရေး ချိုးဖောက်မှု တမျိုးဖြစ်ကြောင်း AAPP က ဆိုထားသည်။
ထို့အပြင် အကျဉ်းထောင်များတွင် နိုင်ငံရေးအကျဉ်းသားများအား ကျန်းမာရေး စောင့်ရှောက်မှုအားနည်းခြင်း၊ အာဟာရ ပြည့်မီသည့် အစားအသောက်များကို အကျဉ်းထောင်များတွင် မကျွေးမွေးနိုင်ခြင်း၊ အရေးပေါ် ကျန်းမာရေး အခြေအနေ ဆိုးရွားလာမှုများ ရှိသည့်အခါ အချိန်မီ ကုသပေးနိုင်မှု အားနည်းခြင်းများ ယခုအစိုးရသစ် လက်ထက်တွင် ရှိနေဆဲဖြစ်သည်ဟုလည်း AAPP က ထောက်ပြသည်။
ထို့သို့သော အခြေအနေများကြောင့် အကျဉ်းထောင်များအတွင်းသို့ နိုင်ငံတကာ ကြက်ခြေနီအဖွဲ့ (ICRC) ကို ပြန်လည် ၀င်ရောက် တွေ့ဆုံကူညီခွင့် ပေးရန်လိုသည်ဟု ဆိုသည်။
“ဟိုတလောက ICRC ကို ထောင်တချို့ရဲ့ ရေနဲ့ မိလ္လာ ကောင်းဖို့ ၀င်ခွင့်ပေးလိုက်တာကလည်း နိုင်ငံတကာ ဖိအားတွေ ရှိနေတော့ နိုင်ငံရေးအရ အသုံးချတဲ့အနေနဲ့ စတိ သဘော ၀င်ခွင့်ပေးလိုက်တာ။ တကယ်ထိရောက်တဲ့ အရင်ကလို အခြေအနေမျိုးထိ ပြန်ခွင့်ပြုသင့်တယ်” ဟု ကိုတိတ်နိုင်က ပြောသည်။
AAPP ၏ ဇူလိုင်လ ၂ ရက်နေ့ထုတ် စာရင်းအရ အကျဉ်းထောင်များရှိ ကျန်းမာရေး မကောင်းသည့် နိုင်ငံရေး အကျဉ်းသား စုစုပေါင်းမှာ ကိုသန်းတင်အပြင် ၁၅၅ ဦးရှိသည်ဟု သိရသည်။
၈၈ မျိုးဆက်ကျောင်းသားခေါင်းဆောင် တဦးဖြစ်သူ ကိုသန်းတင် (ကြီးသန်း) သည် ၂၀၀၇ ခုနှစ် ရွှေဝါရောင် သံဃာ့ လှုပ်ရှားမှု မတိုင်မီ ကိုမင်းကိုနိုင်၊ ကိုကိုကြီး၊ ကိုဌေးကြွယ်၊ ကိုမင်းဇေယျာ စသည့် တခြား ၈၈ မျိုးဆက် ကျောင်းသား ခေါင်းဆောင် များနှင့်အတူ ငြိမ်းချမ်းစွာ လမ်းလျှောက်ပြီး လောင်စာဆီဈေးနှုန်း ကျဆင်းရေးအတွက် ဆန္ဒပြ ခဲ့ပြီးနောက် ၂၀၀၇ ခုနှစ် သြဂုတ်လ တွင် ဖမ်းဆီးခံခဲ့ရကာ အီလက်ထရွန်းနစ် အက်ဥပဒေဖြင့် ထောင်ဒဏ် ၆၅ နှစ် ၆ လ ချမှတ်ခံထားရသူဖြစ်သည်။
| < Prev | Next > |
|---|
