တွေ့ဆုံဆွေးနွေးရန် အဖွဲ့ချုပ်က ဆက်လက်တောင်းဆို

E-mail Print
အတိုက်အခံများနှင့် တွေ့ဆုံဆွေးနွေးမှု စတင်ပြီး နိုင်ငံရေး အကျဉ်းသား အားလုံးကို လွှတ်ရန် အတိုက်အခံ နိုင်ငံရေးပါတီက ယနေ့ကျရောက်သည့် တော်လှန်ရေးနေ့တွင် တောင်းဆို လိုက်သည်။

“မြန်မာပြည်မှာ အကြပ်အတည်းတွေကို ဖြေရှင်းဖို့ဆိုရင် ပွင့်ပွင့်လင်းလင်း ဆွေးနွေးကြတဲ့နည်းဟာ အကောင်းဆုံးပဲ” ဟု အမျိုးသား ဒီမိုကရေစီ အဖွဲ့ချုပ် ပြောခွင့်ရပုဂ္ဂိုလ် ဦးဉာဏ်ဝင်းက ပြောသည်။ နိုင်ငံတဝန်းလုံးရှိ အဖွဲ့ချုပ် ရုံး အားလုံးကို ဖွင့်လှစ် လုပ်ကိုင်ခွင့်ပေးရန် လိုအပ်သည်ဟုလည်း ဦးဉာဏ်ဝင်းက ဆိုသည်။

အဖွဲ့ချုပ်က ယနေ့ ကျရောက်သည့် ၆၄ နှစ်မြောက် တော်လှန်ရေးနေ့အတွက် အထိမ်းအမှတ် အခမ်းအနားတခုကို ရန်ကုန်ရှိ ဌာနချုပ်ရုံးတွင် ပြုလုပ်ခဲ့သည်။ တော်လှန်ရေးနေ့သည် ဒုတိယကမ္ဘာစစ်အတွင်း ဖက်ဆစ်ဂျပန်တို့အား မြန်မာနိုင်ငံမှ တော်လှန်တိုက်ထုတ်ခဲ့ရာမှ ပေါ်ပေါက်လာခြင်းဖြစ်သည်။ တော်လှန်ရေးနေ့ကို စစ်အစိုးရ အဆက်ဆက်က တပ်မတော်နေ့ဟု ခေါ်ဝေါ် သုံးစွဲသည်။

စစ်အစိုးရကလည်း မြို့တော်သစ် နေပြည်တော်တွင် စစ်ရေးပြ အခမ်းအနားကြီး တခုကို ပြုလုပ်ခဲ့သည်။ စစ်သား၊ ရဲ၊ မီးသတ်၊ ကြက်ခြေနီ တပ်ဖွဲ့ဝင် စုစုပေါင်း တသောင်းကျော် ပါဝင်သည့် စစ်ရေးပြပွဲဖြစ်ကြောင်း သိရသည်။

အဆိုပါအခမ်းအနားတွင် စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေက မိန့်ခွန်း ပြောကြားရာတွင် အဖွဲ့ချုပ်နှင့် တခြားသော နိုင်ငံရေး အဖွဲ့အစည်းများ၏ တောင်းဆိုထားချက်ကို လျစ်လျူရှု ပယ်ချလိုက်သည်။ အတိုက်အခံများက စစ်အစိုးရစိတ်ကြိုက် ရေးဆွဲထားသည့် ဖွဲ့စည်းအုပ်ချုပ်ပုံ အခြေခံ ဥပဒေကို ပြန်လည် သုံးသပ်ရန် ဝိုင်းဝန်း တိုက်တွန်းထားသည်။

အခြေခံဥပဒေကို သုံးသပ် ပြင်ဆင်မှု ပြုလုပ်မည်မဟုတ်ကြောင်း ဗိုလ်ချုပ်မှူးကြီးက ဆိုသည်။ “ပြည်သူလူထုက အဆိုပါဥပဒေကို အတည်ပြုခဲ့ခြင်းကြောင့်ဖြစ်သည်” ဟု ဆိုသည်။ ပြည်သူလူထုအနေဖြင့် ဒီမိုကရေစီ ရလိုပါက ပြည်ပမှ အတွေးအမြင် သဘောတရားများကို လက်မခံသင့် ဟုလည်း ဗိုလ်ချုပ်မှူးကြီးက ပြောလိုက်သည်။

၁၇ မိနစ်ကြာမြင့်သည့် ဗိုလ်ချုပ်မှူးကြီး၏ မိန့်ခွန်းမှာ လာမည့်နှစ်တွင် ပြုလုပ်မည်ဟု ကြေညာထားသည့် အထွေထွေ ရွေးကောက်ပွဲအကြောင်းကို အသားပေး ပြောကြားသွားသည်ဟု နေပြည်တော်မှ လာသည့် အေပီသတင်းတွင် ဖော်ပြထားသည်။

နိုင်ငံရေး ပါတီများ အနေဖြင့် တဖွဲ့နှင့်တဖွဲ့ ထိုးနှက်တိုက်ခိုက်မှုများကို ရှောင်ရှားသင့်သည်ဟု ဗိုလ်ချုပ်မှူးကြီးက မိန့်ခွန်းတွင် ထည့်သွင်း ပြောကြားသွားသည်။ ရင့်ကျက်သည့် ဒီမိုကရေစီ ဖော်ဆောင်ရန် အချိန်ယူကြရမည်ဟုလည်း ၎င်းက ပြောကြားလိုက်သည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်