သေဆုံးသွားသည့် လူငယ်တဦးနှင့် နီးစပ်သော တောင်ငူမြို့ခံတဦးက “လူငယ်တွေ ဆိုင်ကယ် ၂စီး ကားလမ်းမှာ လွန်းထိုးစီးနေတယ်၊ အဲဒါကိုအနောက်က ဆိုင်ကယ်က၀င်ချိတ်တာ၊ ပြီးတော့ အနောက်က လိုက်လာတဲ့ ကျောက်တင်လာတဲ့ ၁၀ဘီးကားက၀င်ကြိတ်တာပဲ” ဟု ဧရာဝတီကို ပြောသည်။
ယင်း လူငယ်တဦးမှာ လာမည့်ကျောင်းဖွင့်ချိန်တွင် ၈တန်းတက်မည့် ကျောင်သားတဦးဖြစ်ပြီး တောင်ငူမြို့ရှိ ဆန်း မုန့်တိုက်မှ သားအငယ်ဆုံး ဖြစ်သည်ဟုလည်း သိရသည်။
အထက်ပါ မြို့ခံကပဲ “ဒီလူငယ်က ဆန်း မုန့်တိုက်က တောင်ငူမြို့မျက်နှာဖုံးပဲ၊ ကားတိုက်မှုဖြစ်တဲ့ နေရာမှာ ဆိုင်ကယ် သုံးစီး လူ ၈ယောက်ပါတယ်၊ ၁ယောက်ကတော့ ဒဏ်ရာနဲ့ နံရိုး ၇ချောင်းကျိုးသွားတယ်တဲ့၊ တောင်ငူ ဆေးရုံကြီး မှာ” ဟုလည်းပြောသည်။
ထို ဆယ်ဘီးကားမောင်းသူမှာ ထွက်ပြေးတိမ်းရှောင် သွားသည်ဟုလည်း သိရသည်။
ယင်း တိုက်ခိုက်မှုနှင့်ပတ်သက်ပြီး တောင်ငူမြို့ရှိ အမှတ် ၁ရဲစခန်းမှ တာဝန်ယူ ဖြေရှင်းသွားမည် ဟုလည်း
သိရသည်။
ဤဖြစ်ပွားမှုကို မြို့ခံအမှတ်၁ရဲစခန်းနှင့် ဆေးရုံကြီး တို့မှ အတည်ပြုပြောဆိုရန် ဧရာဝတီမှ ဖုန်းဖြင့် ဆက်သွယ်သော်လည်း ခေါ်ဆို၍မရခဲ့ပါ။
ယခုလအတွင်း ဧပြီ ၈ရက်နေ့တွင်လည်း နေပြည်တော်သို့ ပြေးဆွဲသည့် ခရီးသည်တင် ယာဉ်တိမ်းမှောက် မှုကြောင့် ခရီးသည် အနည်းဆုံး ၃ဦး သေဆုံးခဲ့ပြီး ၃၀ကျော် ဒဏ်ရာရခဲ့သည်။
ယခုလ ၂ရက်နေ့ကလည်း ရန်ကုန်မှ ထွက်ခွာသွားသော ကားတစီး ရခိုင်ပြည်နယ် အမ်းမြို့နယ် အနီး လမ်းဘေး ချောက်ထဲထိုးကျ သွားရာ ဘုရားဖူးခရီးသည် အနည်းဆုံး လူ၂၀ဦးသေဆုံးပြီး ၂၅ဦး ဒဏ်ရာ ရခဲ့သည်။
< Prev | Next > |
---|