ဤသို့အကောင်းမြင်ရခြင်း၏ အခြေခံအကြောင်းအရင်းတချက်မှာ လက်ရှိစစ်အစိုးရကျူးလွန်ခဲ့သည့် ၎င်းတို့အား ဆန့်ကျင်သူများကို နှစ်ရှည်ထောင်ဒဏ်အပြစ်ပေးခြင်းနှင့် ရိုသေကိုင်းရှိုင်းအပ်သော ဗုဒ္ဓဘာသာဘုန်းတော်ကြီးများ အပါအ၀င် အပြစ်မဲ့ပြည်သူများကို သတ်ဖြတ်ခြင်းမျိုး စသည့် မည်သည့်ရာဇ၀တ်မှုကိုမျှ NLD က ကျူးလွန်ခဲ့ခြင်း မရှိခဲ့ပါ။
ထို့အပြင် အခြားဆီလျော်သောအကြောင်းရင်းများလည်းရှိပါသေးသည်။ အမျိုးသားဒီမိုကရေစီအဖွဲ့ချုပ်သည် ပြည်သူ က ရွေးကောက်တင်မြှောက်ထားသော နိုင်ငံရေးပါတီတခုဖြစ်ပြီး စစ်အစိုးရသည် ရက်စက်ကြမ်းကြုတ်သော အစိုးရ တရပ် ဖြစ်သည်။ ခေါင်းဆောင်များဖြစ်ကြသော ဗိုလ်ချုပ်မှူးကြီးသန်းရွှေနှင့် ဒေါ်အောင်ဆန်းစုကြည်တို့သည်လည်း အလွန်ဆန့်ကျင် ခြားနားပါသည်။ ဘုန်းတော်ကြီးများကို သွေးအေးအေးဖြင့် သတ်ဖြတ်သူနှင့် ရိုးသား ပွင့်လင်းသော NLD ခေါင်းဆောင်ကို လုံးဝနှိုင်းယှဉ်၍ မရနိုင်ပါ။
သို့သော် NLD သည်လွန်ခဲ့သောနှစ်ပေါင်း ၂၀ ကတည်းက ပြည်သူက အခွင့်အာဏာအပ်နှင်းထားခဲ့သော်လည်း ဒီမို ကရေစီပြုပြင်ပြောင်းလဲမှုများကို ဖော်ဆောင်နိုင်စွမ်းမရှိသောကြောင့် လူကြိုက်များမှု တနေ့တခြား ကျဆင်းနေသည် ဟု ဝေဖန်သူများက ပြောဆိုနေပါသည်။ စစ်အစိုးရ၏ ပြင်းထန်သည့် ဖိနှိပ် ချုပ်မှုတွေမရှိပါက ဤဝေဖန်ချက် မှန်ပါ သည်။
ထို့အတူ စစ်အစိုးရနှင့် ၄င်းတို့ အားပေးအားမြှောက်ပြုမှုဖြင့် ၂၀၁၀ ရွေးကောက်ပွဲအကြို ဖွဲ့စည်းလှုပ်ရှားလာကြမည့် ပါတီများသည်လည်း ခြားနားမှု တစုံတရာမတွေ့ရနိုင်ပါ။
အကြောင်းအကျိုးနှင့် စဉ်းစားမည်ဆိုလျှင် ၁၉၉၀ ပြည့်နှစ် ရွေးကောက်ပွဲရလဒ်ကို အသိအမှတ်မပြုခဲ့သော စစ်အစိုးရ သည် ၂၀၁၀ ရွေးကောက်ပွဲတွင်လည်း NLD အနိုင်ရမည်ကို လက်မခံမှာ သေချာသည်။
တစ္ဆေကဲ့သို့ ခြောက်လှန့်နေခဲ့သော ၁၉၉၀ ရွေးကောက်ပွဲ ရလဒ်မျိုးကို နေပြည်တော်မှ ဗိုလ်ချုပ်ကြီးများက တွေ့မြင် လိုကြမည် မဟုတ်ပါ။
မှားခဲ့သောအမှားကို နောက်တကြိမ်းထပ်မကျူးလွန်ရစေရန် လာမည့်ရွေးကောက်ပွဲတွင် ၄င်းတို့ထောက်ခံအားပေးထား သောပါတီများ မဲအများစုဖြင့် အနိုင်ရရှိစေရန် ဗိုလ်ချုပ်ကြီးများက နည်းလမ်းရှာထားပါလိမ့်မည်။ စစ်အစိုးရကိုယ်စား လှယ် များဖြင့် ရေးဆွဲထားသော ဖွဲ့စည်းပုံအခြေခံဥပဒေအရ စစ်တပ်မှလက်သင့်ရာရွေးချယ်ခန့်အပ်မည့် အမတ်နေရာ ၂၅ ရာခိုင်နှုန်း ကို အထက်နှင့်အောက်လွှတ်တော်တို့တွင် ရရှိထားပြီးအပြင် ပိုပြီးသေချာမှုရှိစေရန် လုပ်ဆောင်မည် ဖြစ်ပါသည်။
ထို့ကြောင့် စစ်အစိုးရသည် ၂၀၁၀ ရွေးကောက်ပွဲကို လွတ်လပ်၍ တရားမျှတစွာ ကျင်းပပေးရန် အကြောင်းမမြင်ပါ။
အိမ်နီးချင်းထိုင်းနိုင်ငံက အစိုးရဆန့်ကျင်သော အဓိကရုဏ်းများကဲ့သို့ ဒေသတွင်းဖြစ်ရပ်များကလည်း ၎င်းတို့၏ လမ်းပြ မြေပုံအတိုင်း ဆက်လက်လျှောက်လှမ်းရန် ဗိုလ်ချုပ်ကြီးများကို ပိုမို ခိုင်မာပြတ်သားစေပါလိမ့်မည်။
ထိုင်းနိုင်ငံ ပတ္တရားကမ်းခြေတွင် ဖယိုဖရဲဖြစ်ခဲ့ရသော အာဆီယံအသင်းကြီး၏ နိုင်ငံခေါင်းဆောင်များ ထိပ်သီးအစည်း အဝေးမှ ရဟတ်ယာဉ်ဖြင့် သူ့ကို မည်ကဲ့သို့ ဘေးလွတ်ရာ ရွှေ့ပေးခဲ့ရကြောင်း ၀န်ကြီးချုပ် ဗိုလ်ချုပ်ကြီး သိန်းစိန်က နေပြည်တော်ရှိ ဗိုလ်ချုပ်မှူးကြီး သန်းရွှေ အပါအ၀င် စစ်ခေါင်းဆောင်များကို ဖောက်သည်ပြန်ချပါလိမ့်မည်။ ထိုင်းနိုင်ငံ ၏ ဒီမိုကရေစီကိုလည်း ၎င်းတို့အမြဲသုံးနေကျစကားအတိုင်း `မင်းမဲ့စရိုက်´ဟုပြောဆို၍ လှောင်ပြောင်ရယ်မောကြမည် မှာ သေချာပါသည်။
နောက်ဆက်တွဲဖြစ်လာနိုင်သည်က သူတို့ပြောနေသည့်`စည်းကမ်းပြည့်ဝသော ဒီမိုကရေစီ´စနစ်ဆီ ဆက်လက် ချီ တက်လျှောက်လှမ်းရန် ဆုံးဖြတ်ချက်များလည်း အလျင်ကထက်ပိုပြီး ခိုင်မာလာပါလိမ့်မည်။
နိုင်ငံတကာအသိုင်းအ၀န်း၏ဝေဖန်မှုများနှင့် တောင်းဆိုမှုများအပါအ၀င် မည်သည့်အရာကမျှ မြန်မာစစ်ဗိုလ်ချုပ်ကြီး များ၏ သံန္နိဌာန်ကို ပျက်ပြားအောင်လုပ်နိုင်ပုံမရပါ။
ဇန်န၀ါရီလတွင် စတင်၍ အာဏာ လွှဲပြောင်းရယူခဲ့ပြီးကတည်းက အမေရိကန်သမ္မတ ဘားရက် အိုဘားမားနှင့် သူ၏ အစိုးရသည် ယခင်သမ္မတ ဂျော့ခ်ျ ဒဗလျူဘုရှ် အစိုးရလက်ထက်က ကမ္ဘာပေါ်ရှိ အာဏာရှင်အစိုးရများ ဖြစ်သော အီရန်၊ မြောက်ကိုရီးယား၊ မြန်မာနိုင်ငံတို့နှင့်ပတ်သက်ပြီးချမှတ်ခဲ့သော မူဝါဒများကို ပြန်လည်ဆန်းစစ်နေ ပါသည်။
သို့သော်လည်း အမေရိကန်ပြည်ထောင်စု၏မြန်မာနိုင်ငံကို ချဉ်းကပ်ပုံ ပြောင်းလဲနိုင်သည့်အလားအလာသည် စစ် အစိုးရကို မူဝါဒများ ပြန်လည်ဆန်းစစ်လာစေရန် ဆွဲဆောင်နိုင်လိမ့်မည် မဟုတ်ပါ။
၂၀၁၀ ခုနှစ် ရွေးကောက်ပွဲတွင် အတိုက်အခံနိုင်ငံရေးအဖွဲ့အစည်းများနှင့် တိုင်းရင်းသားပါတီများအားလုံး ပါဝင်လာနိုင် ရန် ၄င်းတို့၏ဖွဲ့စည်းပုံအခြေခံဥပဒေကို စစ်အစိုးရအနေဖြင့် ပြန်လည်လေ့လာသုံးသပ်မှုပြုပါရန် နိုင်ငံတကာအသိုင်း အ၀န်းက တောင်းဆိုခဲ့ပါသည်။ သို့ပေမယ့် ဖွဲ့စည်းပုံအခြေခံဥပဒေကို ဆန့်ကျင်သူသည် နိုင်ငံတော်၏ရန်သူဖြစ်သည် ဟု စစ်အစိုးရက ပြောခဲ့ပါသည်။
တနည်းပြောရလျင် ပြည်တွင်းပြည်ပမှ တောင်းဆိုနေမှုများနှင့် အကြံဉာဏ်များကို ထည့်သွင်းစဉ်းစားခြင်းမရှိဘဲ စစ်အစိုးရက ၄င်းတို့ ၏ စည်းမျဉ်းသတ်မှတ်ချက်များအတိုင်း ၂၀၁၀ ရွေးကောက်ပွဲ အပါအ၀င် နိုင်ငံရေးလမ်းပြမြေပုံကို သေချာပေါက် ဆက်လက် အကောင်အထည် ဖော်သွားပါလိမ့်မည်။
၂၀၁၀ ရွေးကောက်ပွဲကို မည်ကဲ့သို့ကျင်းပမည်၊ ထို့နောက် မည်သည့်ရလဒ်ထွက်ပေါ်လာလိမ့်မည် ဆိုသည့်အချက်မှာ ရှင်းပါသည်။ ထို့ကြောင့်၂၀၁၀ ရွေးကောက်ပွဲကို လွတ်လပ်၍ တရားမျှတသော ရွေးကောက်ပွဲ အဖြစ် စစ်အစိုးရ က စွန့်စွန့်စားစား ခွင့်ပြုရန် အလားအလာမရှိသည်မှာ သေချာနေပါသည်။
ကျော်စွာမိုး ရေးသားသည့် Regime Faces Crushing Defeat if Election is Free and Fair ကို ဆီလျော်အောင် ပြန်ဆို ဖော်ပြပါသည်။
| < Prev | Next > |
|---|
