မြို့တော်နှစ်ခုရဲ့ အကွဲအပြဲလား

မြို့တော်ဟောင်း ရန်ကုန်နှင့် မြန်မာ ရှင်ဘုရင်များ လက်ထက်က နန်းတည်မြို့ တခုဖြစ်သော မန္တလေး အကြားတွင် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေက မြန်မာနိုင်ငံ၏ မြို့တော်သစ် နေပြည်တော်ကို တည်ဆောက်ခဲ့ပြီး အုပ်ချုပ်ရေး မြို့တော်အဖြစ် ၂၀၀၅ ခုနှစ် နိုဝင်ဘာလ ၆ ရက်နေ့တွင် ပြောင်းရွှေ့ခဲ့သည်။

မြို့တော်သစ်သို့ ပြောင်းရွှေ့ခြင်း ၅ နှစ်ပြည့်ချိန် ၂၀၁၀ ခုနှစ် နိုဝင်ဘာလ ၇ ရက်နေ့တွင် ရွေးကောက်ပွဲကျင်းပမှာဖြစ်ပြီး ရွေးကောက်ပွဲနောက်ပိုင်း နေပြည်တော်သည် ၂၀၀၈ ခုနှစ် ဖွဲ့စည်းပုံအခြေခံဥပဒေအရ နိုင်ငံတော်သမ္မတက တိုက်ရိုက် အုပ်ချုပ်သည့် ပြည်ထောင်စုနယ်မြေ ဖြစ်လာပါလိမ့်မည်။

မြန်မာနိုင်ငံ၏ နိုင်ငံရေးအဆောက်အအုံသည် ရွေးကောက်ပွဲပြီးနောက်ပိုင်း ပြောင်းလဲသွားပါလိမ့်မည်။ သို့ရာတွင် မေးစရာ မေးခွန်းတခုက ရွေးကောက်ပွဲလွန် မြန်မာနိုင်ငံ၏ နိုင်ငံရေးနိုးကြားလှုပ်ရှားမှုသည် မြို့တော်ဟောင်းရန်ကုန်မှ မြို့တော်သစ် နေပြည်တော်သို့ ရွှေ့ပြောင်းသွားမည်လား ဆိုသည့် အချက်ဖြစ်ပါသည်။

အစဉ်အလာအားဖြင့် ရန်ကုန်မြို့သည် မြန်မာ့နိုင်ငံရေးတွင် အဓိကအခန်းကဏ္ဍက ပါဝင်ခဲ့သလို တိုင်းပြည်၏ စီးပွားရေးဆုံချက် နေရာတခုလဲဖြစ်ခဲ့သည်မှာ ကိုလိုနီလက်အောက်မြန်မာနိုင်ငံခေတ် ကတည်းက ဖြစ်ပါသည်။ သို့ရာတွင် လက်ရှိစစ်အစိုးရက ရန်ကုန်မြို့ကို မြို့တော်အဆင့်မှ လျှော့ချပြီး မိုင်ပေါင်း ၂၀၀ ကျော်ဝေးကွာသည့် ပျဉ်းမနားမြို့အနီး ဖွံ့ဖြိုးမှုမရှိသော နေရာသစ် ဆီ အုပ်ချုပ်ရေး ယန္တရားတခုလုံး ရွှေ့ပြောင်းခဲ့ပါသည်။

နေပြည်တော်မြို့သစ်တွင် ရွေးကောက်ပွဲမှ ရွေးချယ်တင်မြှောက်လိုက်သည့် ကိုယ်စားလှယ်များအတွက် လွှတ်တော်သစ်ကို တည်ဆောက်နေသလို ရှစ်လမ်းသွား လမ်းမကျယ်ကြီးများ၊ နိုင်ငံတကာလေဆိပ်နှင့် ၂၄ နာရီ လျှပ်စစ်မီးရရှိအောင်လည်း လုပ်ထားပါသည်။ သောင်းနှင့်ချီသည့် အစိုးရ၀န်ထမ်းများနှင့် သူတို့၏မိသားစုများကိုလည်း မြို့တော်သစ်ဆီ ပြောင်းရွှေ့စေ ခဲ့ပါသည်။

နှစ်ပေါင်း ၅ နှစ်ကြာပြီးနောက် မြန်မာနိုင်ငံ၏ ပေါ်ထွန်းလာလတံ့သော ခေတ်မီမြို့ပြကြီးတခုသည် ကြပ်များဆောက်ထားသည့်  တစ္ဆေမြို့မှ လွှတ်တော်ရေးရာများနှင့် လှုပ်ရှားသက်ဝင်လာတော့မည့် မြို့တမြို့အဖြစ် အသွင်ပြောင်းလဲနေပါသည်။ နေပြည် တော်သည် နှစ်ပေါင်း ၂၀ အတွင်း မြန်မာနိုင်ငံ၏ ပထမဆုံး တရားဝင် အရပ်ဘက်အုပ်ချုပ်ရေးမြို့တော် ဖြစ်လာပါတော့မည်။

လွှတ်တော်အဆောက်အုံသစ်တွင် အဆောက်အအုံပေါင်း ၃၁ လုံး ဆောက်လုပ်ထားပြီး သမ္မတနှင့် ဒု သမ္မတ နှစ်ဦး၏ သမ္မတ အိမ်တော်များကိုလည်း ဆောက်လုပ်ထားပါသည်။

သို့ရာတွင် တုပခြင်း၊ မြို့တော်တခု၏၀ိညာဉ်ကင်းမဲ့ခြင်းနှင့် တတ်ကြွသည့် လူမှုဆက်ဆံရေးကွန်ရက် မရှိခြင်းတို့သာ ကြီးစိုးနေ သော နေပြည်တော်သည် ကုလသမဂ္ဂ အေဂျင်စီများနှင့် နိုင်ငံခြားသံရုံးများ ပြောင်းရွှေ့အခြေစိုက်စေရန်၊ သံတမန်များ ၀န်ထမ်းများနှင့် ၎င်းတို့မိသားစုများ ရွှေ့ပြောင်းလာစေရန် မဆွဲဆောင်နိုင်ခဲ့ပါ။ ယင်းက မြို့တော်သစ်၏ ဂုဏ်ကျက်သရေကို ထိခိုက်စေပါသည်။

အကြောင်းရင်းကတော့ သံအမတ်ကြီးများ၊ သံတမန်များ၊ ကုလသမဂ္ဂ ကိုယ်စားလှယ်များ၊ နိုင်ငံတကာမှ အစိုးရ မဟုတ်သည့် အဖွဲ့အစည်းများမှ ကိုယ်စားလှယ်များနှင့် သူတို့၏မိသားစု အများစုသည် သူတို့အစိုးရက မည်သည့်နိုင်ငံတွင် တာဝန်ချထား သည်ဖြစ်စေ သူတို့အဆင့်နှင့်ညီသော နေထိုင်မှုအဆင့်အတန်းတွင် အသားကျနေသူများဖြစ်ကြသည်။ ၎င်းတို့သည် ကော့တေးပါတီ ပွဲများပေးခြင်း၊ အကောင်းဆုံး စားသောက်ဆိုင်များတွင် ညစာစားခြင်း၊ သူတို့နှင့်အတူပါလာသော ကလေးများကို အကောင်းဆုံး ကျောင်းများ (international schools) တွင် ထားခြင်းနှင့် ထည်ဝါပြီး စိတ်လှုပ်ရှားဖွယ် ကောင်းသော လူမှုရေး ဖိတ်ကြားမှုများ အဆက်မပြတ် လက်ခံရရှိနေသူများ ဖြစ်ကြပါသည်။

ထိုအခြေအနေများသည် ဗျူရိုကရက်တစ် အုပ်ချုပ်ရေးမြို့တော် နေပြည်တော်၏ မျက်မှောက်လူမှုဘ၀နှင့် ကွာခြားလွန်းလှပါ သည်။

ယခုနှစ် မတ်လတွင် ပြည်ထောင်စုရွေးကောက်ပွဲကော်မရှင်က နိုင်ငံရေးပါတီများ မှတ်ပုံတင်ခွင့်ပြုလိုက်သည့်အခါ ပါတီကြီး တခုကလွဲ၍ အဓိက နိုင်ငံရေးပါတီတိုင်းက ၎င်းတို့၏ပါတီဌာနချုပ်များကို ရန်ကုန်မြို့တွင် အခြေစိုက်ကြသည်မှာ အံ့သြစရာ မဟုတ်ပါ။ ထိုပါတီကတော့ စစ်အစိုးရက ဖွဲ့စည်းထူထောင်ခဲ့သည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဖြစ်ပါသည်။

ရန်ကုန်နှင့် နေပြည်တော်အကြား ပေါ်ထွက်လာမည့် နိုင်ငံရေးအားပြိုင်မှုများနှင့်စပ်လျဉ်း၍ မေးမြန်းသည့်အခါ ၀ါရင့်နိုင်ငံရေး သမားဟောင်းကြီးဖြစ်သလို တရုတ်နိုင်ငံဆိုင်ရာ မြန်မာသံအမတ်ကြီးလည်း လုပ်ဖူးသူ သခင်ချန်ထွန်းက “ရန်ကုန်မြို့ဟာ ဒီမိုကရေစီလှုပ်ရှားမှုရဲ့ ဗဟိုချက်အဖြစ် ဆက်လက်ရှိနေပါလိမ့်မယ်။ အဲဒီလိုရှိနေဖို့အတွက် အဓိကအချက်တချို့ကတော့ လူဦးရေ များတာ၊ နိုင်ငံရေးပါတီတွေရဲ့ အချက်အချာနေရာဖြစ်တာ၊ တနိုင်ငံလုံးနဲ့ ဆက်သွယ်ထားတဲ့ လမ်းပန်း ဆက်သွယ် ရေး ဆုံချက် ဖြစ်တာ ကြောင့်ပါပဲ။ နေပြည်တော်ကတော့ အာဏာရပါတီရဲ့ ခံတပ်လို ဖြစ်လာမှာပေါ့”

“အနာဂတ်တွင် မြို့တော် နှစ်မြို့အကြား နိုင်ငံရေးတင်းမာမှုများ ဖြစ်ပေါ်လာနိုင်ပါသလား” ဆိုသည့်မေးခွန်းကို “ကျနော်တော့ အဲဒီလိုဖြစ်လာမယ်လို မထင်ပါဘူး” ဟု ၁၉၉၀ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်မှ ရွေးကောက် တင်မြှောက်ခံ ကိုယ်စားလှယ်တဦးဖြစ်ပြီး ယခုအခါ ပြည်သူ့ခေတ် နိုင်ငံရေးဂျာနယ်၏ ထုတ်ဝေသူ သတင်းစာဆရာ ဦးဝံသက ပြောပါသည်။

“တင်းမာမှုဆိုတာ ချိန်းခြောက်နိုင်တဲ့အခြေအနေတခုကြမှ ဖြစ်ပေါ်နိုင်တာပါ။ ဥပမာ အတိုက်အခံပါတီက အာဏာရပါတီနဲ့ ထိပ်တိုက်ရင်ဆိုင်နိုင်လောက်တဲ့ အင်အားကြီးထွားလာရင်တော့ တင်းမာမှုရှိနိုင်တာပေါ့။ အခုကျနော်တို့ မြင်ရတာကတော့ အာဏာရပါတီဖြစ်လာမယ့် ကြံ့ခိုင်ရေးပါတီက အားလုံးကို နောက်ခပ်လှမ်းလှမ်းမှာ ချန်ထားခဲ့ပြီး ရှေ့ကနေပြေးတော့ သူ့အနေနဲ့ ချိန်းခြောက်မှုဆိုတာ ခံစားရမယ်မထင်ပါဘူး” ဟု သူက ဆက်ပြောသည်။

မကြာမီပေါ်ထွက်လာတော့မည့် နိုင်ငံရေးမျက်နှာစာတွင် ကြံ့ဖွံ့ပါတီခေါင်းဆောင်များသည် ပြည်သူများ၏ နိစ္စဓူဝလိုအပ် ချက်များ၊ နိုင်ငံတ၀န်းရှိ ၎င်းတို့ ပါတီရုံးပေါင်း ၄၀၀ ကျော်ရှိ အဖွဲ့ဝင်များနှင့် ကင်းကွာပြီး နေပြည်တော်တွင် အထီးတည်း အခြေစိုက်ရန် ရွေးချယ်ခဲ့သည်။

မြို့တော်၏၀ိညာဉ်ကင်းမဲ့နေသော နေပြည်တော်သည် တိုင်းပြည်၏အသဲနှလုံးသဖွယ် မည်ကဲ့သို့ မျှော်လင့်နိုင်မည်နည်း။ ခေတ်မီမှု၊ ငွေကြေးနှင့် အာဏာတို့ဖြင့် သူ့ကိုယ်သူ ခမ်းနာအောင် လုပ်ဆောင်ထားသော်လည်း မြို့တော်သစ်သည် ယဉ်ကျေးမှုအရ၊  သမိုင်းကြောင်းအရ၊ ဘာသာရေးအရနှင့် လူ့အဖွဲ့အစည်းတခု၏ ဇစ်မြစ်ကင်းမဲ့လျက်ရှိသည်။

ရန်ကုန်မြို့တော်နှင့်မတူသည့် နေပြည် တော်သည် မြန်မာပြည်သူတို့၏ ဂုဏ်ယူဝံ့ကြွားစရာတခုအဖြစ် ရှိမနေပါ။

တိုင်းပြည်၏ အမြင့်မြတ်ဆုံးနှင့် အထင်ကရအဖြစ်ဆုံး အထိမ်းအမှတ်ဖြစ်သော ရွှေတိဂုံဘုရားသည် ဘခင်ကြီးကဲ့သို့ ရန်ကုန်မြို့ကို အပေါ်စီးမှာအုပ်မိုးကာ ထားခဲ့သည်မှာ ခရစ်သက္ကရာဇ် ၆ ရာစု ကတည်းက ဖြစ်ပါသည်။ ခပ်ပေါပေါ အတုအပ လုပ်သူ တဦးကဲ့သို့ ဗိုလ်ချုပ်မှူးကြီး သန်းရွှေသည် မြန်မာရှင်ဘုရင်တို့၏ အတုကိုယူပြီး မြို့တော်သစ်တွင် ရွှေတိဂုံဘုရားပုံတူကို တည်ဆောက်ရန် ညွှန်ကြားခဲ့ပါသည်။

“ဗိုလ်ချုပ်မှူးကြီး သန်းရွှေက သူ့ကိုယ်သူ ဘုရင်တပါးလို့ ထင်နေတယ်” ဟု သခင်ချန်ထွန်းက ပြောပါသည်။ “ဒီဘုရားကို သူတည်ရတဲ့ ရည်ရွယ်ချက်ကတော့ သူ့ရဲ့သြဇာအာဏာကို ပြချင်တာနဲ့ သူရဲ့ အမွေတခုကို ချန်ခဲ့ချင်တာကြောင့်ပါ” ဟု သူက ဆိုသည်။

ထက်အောင်၏ Torn Between Two Capitals ကို ဆီလျောင်အောင် ဘာသာပြန်ဆိုသည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်