မေးကြည့်ချင်တယ်

မြန်မာပြည်က မဲဆန္ဒရှင်တွေ အခုကြုံနေရတဲ့ အခြေအနေ အတိုင်း ခင်ဗျားတို့နိုင်ငံ (ဥပမာ - အမေရိကန် ပြည်ထောင်စု၊ ဗြိတိန်၊ သြစတြေးလျ စသဖြင့်) မှာ ရွေးကောက်ပွဲ ကျင်းပတယ်ဆိုရင် ခင်ဗျားတို့ ဘာလုပ်ကြမလဲ။

ရွေးကောက်ပွဲနီးလာပေမယ့် နိုင်ငံရေးအကျဉ်းသား ၂၀၀၀ ကျော်ကို စစ်အစိုးရက လွှတ်မပေးသေးဘူး၊ မဲဆန္ဒရှင်တွေ ခြိမ်းခြောက်ခံနေရတယ်၊ နိုင်ငံရေးပါတီတွေ အနှောင့်အယှက်ခံနေရတယ်၊ ပါတီဝင်စာရင်းတွေကို ရဲသတင်း အထူးတပ်ဖွဲ့ဆီ ပို့ထားတယ်၊ မီဒီယာကို နှုတ်ပိတ်ထားတယ်။ ခင်ဗျားတို့ နိုင်ငံမှာ ရွေးကောက်ပွဲကျင်းပမယ့်အချိန် ဒီလိုအခြေအနေတွေ ဖြစ်နေတယ်ဆိုရင် ခင်ဗျားတို့ ဘာပြောမလဲ။

စစ်အစိုးရက ပြီးခဲ့တဲ့လမှာ ဗေဒင်ဆရာတွေရဲ့ “အကြံပေးချက်” အတိုင်း နိုင်ငံတော်အလံအသစ်၊ တံဆိပ်တုံးအသစ်နဲ့ သီချင်း အသစ်တွေ ပြောင်းခဲ့တယ်။ ဗိုလ်ချုပ်မှူးကြီး သန်းရွှေရဲ့ အမိန့်နဲ့ ညွှန်ကြားချက်အတိုင်း အလံဟောင်းကို အင်္ဂါသားက ဖြုတ်ချပြီး အလံသစ်ကို ဗုဒ္ဓဟူးသားက လွှင့်တင်ခဲ့တယ်။ ပြီးတော့ အလံဟောင်းတွေ အကုန်လုံးကိုလည်း မီးရှို့ဖျက်ဆီး ခဲ့ တယ်။ ဝါရှင်တန်ဒီစီမှာ ဒီလို အမိန့်မျိုးထုတ်တယ်ဆိုရင် ခင်ဗျားတို့ ဘာပြောမလဲ။

စစ်အစိုးရ ၁၉၉၃ မှာ ဖွဲ့ခဲ့တဲ့ လူထုအဖွဲ့အစည်းအမည်ခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းက ရုတ်တရက် နိုင်ငံရေးပါတီ ဖြစ်လာတယ်၊ ပါတီဝင်အင်အား သန်း၂၀ လောက်ရှိတယ်လို့ ဆိုတယ်၊ နိုင်ငံရေးအမြတ်ရဖို့ နိုင်ငံတော်ဘဏ္ဍာနဲ့ စီးပွားရေး လုပ်ငန်းရှင်တွေဆီက အလှူငွေတွေကိုသုံးပြီး လမ်းဖောက်၊ တံတားဆောက်၊ ဘုရားတည်၊ အလကားဆေးကုပေး၊ ဆေးခန်းဖွင့်၊ စိုက်ပျိုးစရိတ် ချေးငွေထုတ်ပေး၊ မှတ်ပုံတင်ထုတ်ပေး စတာတွေ လုပ်တယ်။ ဗြိတိန်မှာ ဒါမျိုးတွေ ဖြစ်မယ်ဆိုရင်  ခင်ဗျားတို့ ဘာလုပ်မလဲ။

“စည်းကမ်းပြည့်ဝသော ဒီမိုကရေစီ” ဆိုပြီး စစ်အစိုးရက ဝါဒဖြန့်တယ်၊ ဒါကိုလည်း နိုင်ငံတော်ပိုင် ရေဒီယိုနဲ့ ရုပ်သံကနေ အဆက်မပြတ် လွှင့်တယ်။ သြစတြေးလျနိုင်ငံသားတွေ ဒီလိုမျိုး ရွေးကောက်ပွဲ အစီအစဉ်တွေချည်း နားထောင်ရမယ်ဆိုရင် သူတို့ ဘယ်လိုလုပ်ကြမလဲ။

တကယ်တော့ စစ်အစိုးရဲ့ ၂၀၀၈ ဖွဲ့စည်းပုံဟာ ဒီမိုကရေစီနည်းမကျဘူး၊ အရပ်သားအစိုးရပုံစံနဲ့ စစ်အုပ်ချုပ်ရေးကို တရားဝင် ဖြစ်အောင်လုပ်ဖို့ ဆွဲထားတာလို့ အများက မြင်ကြတာဖြစ်တယ်။ ရွေးကောက်ပွဲ ဥပဒေတွေကလည်း ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ရှမ်းတိုင်းရင်းသားခေါင်းဆောင် ဦးခွန်ထွန်းဦးတို့လို နိုင်ငံအတွက် အရေးပါတဲ့သူ အတော်များများကို ရွေးကောက်ပွဲမှာ ပါဝင်ခွင့်မရအောင်၊ မဲပေးခွင့်မရအောင် ဖယ်ထုတ်ထားတာ ဖြစ်တယ်။

စစ်အစိုးရက ရွေးကောက်ပွဲအတွက် လွတ်လပ်တဲ့ နိုင်ငံရေးဝန်ကျင်ကို အခုထိဖန်တီး မပေးသေးဘူး။ နိုင်ငံရေးပါတီနဲ့ မဲဆန္ဒ ရှင် တွေမှာ လွတ်လပ်စွာ ပြောဆိုခွင့်၊ စုစည်းခွင့်နဲ့ အသင်းအပင်း တည်ထောင်ခွင့်တွေ မရှိဘူး။

ရွေးကောက်ပွဲအတွက် လိုအပ်တာတွေ ပြင်ဆင်တာနဲ့ စီစဉ်ဆောင်ရွက်တာတွေအားလုံးကို စစ်အစိုးရ စိတ်ကြိုက်ရွေးချယ် ထားတဲ့ အဖွဲ့ဝင် ၁၈ ဦးပါ ပြည်ထောင်စု ရွေးကောက်ပွဲ ကော်မရှင်က ချုပ်ကိုင်ထားတာဖြစ်တယ်။ ရွေးကောက်ပွဲ ကော်မရှင်ရဲ့ သမာသမတ်ကျမှုနဲ့ အမှီအခိုကင်းမှုတွေဟာ နိုင်ငံတကာစံညွှန်းနဲ့ ကြည့်မယ်ဆိုရင် အနိမ့်ဆုံးအဆင့်တောင် မရှိဘူး။

မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် သောမတ်စ် အိုဟေး ကင်တာနာဟာ မကြားသေးခင်က  အစီအရင်ခံစာတစောင်ထုတ်ပြီး ထောင်ထဲက နိုင်ငံရေးအကျဉ်းသားအချို့ရဲ့ အကျပ်အတည်းကို မီးမောင်းထိုးပြခဲ့တယ်။ 
ကိုမြအေး ရင်ခေါင်းအောင့်ပြီး နှလုံးရပ်သွားနိုင်တဲ့ အန္တရာယ်ရှိနေတယ်၊ အစာအိမ် အနာ ဖြစ်နေတယ်။ ဗိုလ်ချုပ် ဆေထင်ဟာ ဆီးချိုနဲ့ နှလုံးရောဂါ ခံစားနေရတယ်။ အရှင်ဂမ္ဘီရ အရေးပေါ်ဆေးကုသမှုခံဖို့ လိုနေတယ်တဲ့။

ဒီအဖြစ်အပျက်တွေကို ဘရပ်ဆဲလ်မှာ တင်ပြရင် ဥရောပက သံတမန်တွေ ဘယ်လိုများလုပ်ကြမလဲ ကျနော်တွေးမိတယ်။

ရွေးကောက်ပွဲ နီးလာလေလေ မြန်မာပြည်က စိတ်မချမ်းသာစရာ သတင်းတွေ နေ့စဉ်နဲ့ အမျှ ထွက်လာလေလေပဲ။ အခုဆိုရင် ပြည်တွင်းပြည်ပက စာနယ်ဇင်းသမားတွေ ရွေးကောက်ပွဲနဲ့ပတ်သက်ပြီး သတင်းပို့တာကို ဟန့်တားဖို့ အာဏာပိုင်တွေက အင်တာနက်လိုင်းတွေ နှေးသွားအောင် လုပ်နေတယ်။

ရွေးကောက်ပွဲသတင်း ယူချင်တဲ့ နိုင်ငံခြားသတင်းထောက်တွေလည်း ပြည်ဝင်ခွင့် ငြင်းခံနေရတယ်။ နိုင်ငံခြား သတင်းဌာနတွေအတွက် အလုပ်လုပ်နေတဲ့ ပြည်တွင်းက သတင်းထောက်တွေဆိုရင်လည်း စစ်အစိုးရက သေသေချာချာ စီစဉ်ထားတဲ့အတိုင်း လက်တဆုပ်စာ မဲရုံတွေကိုပဲ သွားကြည့်ခွင့်ရမှာ ဖြစ်တယ်။ ဒါပေမယ့် သတင်းသမား အတော်များများက အဲဒီခရီးစဉ်တွေမှာ လိုက်ပါဖို့ ဝန်လေးနေကြတယ်။ ဘာဖြစ်လို့လဲဆိုတော့ သူတို့ အဖြစ်မှန်အတိုင်း သတင်းပို့လိုက်ရင် စစ်အစိုးရရဲ့ အငြိုးအတေးစာရင်းထဲ ပါသွားမှာ ကြောက်လို့။

ကန္တာရဝတီ သတင်းဂျာနယ်က အယ်ဒီတာ ကိုညီညီထွန်းတယောက် မီဒီယာ အမှုအမျိုးမျိုးနဲ့ ပြီးခဲ့တဲ့လက ထောင်ဒဏ် ၁၃ နှစ် ချခံရတယ်။ သူ့အမှုတွေထဲမှာ ပြည်ပက သတင်းအဖွဲ့တဖွဲ့နဲ့ ဆက်သွယ်မှု၊ ခွင့်ပြုချက်မရဘဲ ရုပ်သံအစီအစဉ်လုပ်မှု စတာတွေပါတယ်။ သူ အနှိပ်စက် ခံနေရတယ်လို့လည်း ကြားရတယ်။

စစ်အစိုးရရဲ့ လူမဆန်မှုတွေကတော့ ထောင်ထဲမှာသာ မဟုတ်ဘူး။ ထောင်အပြင်မှာလည်း ပြုကျင့်နေကျပဲ။

စစ်ဆင်ရေး ကွပ်ကဲမှု ဌာနချုပ် (စကခ) ၁၀ လက်အောက်ခံ အမှတ် ၃၆၉ ခြေမြန်တပ်ရင်းက စစ်သားတွေ မတ်လတုန်းက ကောထရွာထဲဝင်ပစ်၊ အိမ် ၁၁ လုံးကို မီးရှို့ပြီး ရွာသား ၃ ယောက် (နော်လားပွယ်၊ နော်ဖောဘိုနဲ့ စောလှပလာထူ) ကို သတ်သွားတယ်လို့ မစ္စတာ ကင်တာနာက သူ့ အစီရင်ခံစာထဲမှာ ဖော်ပြထားတယ်။ ဒီလိုလုပ်တာဟာ ကရင်ပြည်နယ်ထဲက ဒေသတွေမှာ ဇန်နဝါရီလကတည်းက လုပ်လာခဲ့တဲ့ စစ်အစိုးရရဲ့ စစ်ရေးလှုပ်ရှားမှုပုံစံ အစိတ်အပိုင်းဖြစ်တယ်လို့လည်း မစ္စတာ ကင်တာနာက ထောက်ပြထားတယ်။ လူပေါင်း ၃၀၀၀ ကျော်ဟာလည်း သူတို့ရဲ့ နေရာတွေကို ပစ်ခွာထွက်ပြေးခဲ့ရပြီလို့ သူကဆို တယ်။

မြန်မာတွေ တော်တော်များများက ဒေါသတကြီးနဲ့ မေးကြတယ်။ ခင်ဗျားမိန်းမနဲ့ သမီးကို ခင်ဗျားရှေ့မှာ သတ်ရင် ဒါမှမဟုတ် လူအုပ်နဲ့ မတရားပြုကျင့်ရင် ခင်ဗျားဘာလုပ်မလဲ၊ လမ်းပေါ်ထွက်ပြီး ဆန္ဒပြမလား … တဲ့။

“မြန်မာစစ်အစိုးရက ပြည်သူတွေရဲ့ ဒုက္ခကို စိတ်မဝင်စားတာ ဆယ်စုနှစ်နဲ့ချီနေပြီ။ ရွေးကောက်ပွဲပြီး မကြာခင်မှာလည်း ဒီအခြေအနေက ပြောင်းလဲမယ့် အရိပ်အယောင်မရှိဘူး” လို့ Thailand Burma Border Consortium (TBBC) ရဲ့ ဦးဆောင် ညွှန်ကြားရေးမှူး ဂျက်ဒန်းဖို့ (Jack Dunford) က ပြောခဲ့ဖူးတယ်။

ပြီးခဲ့တဲ့နှစ်မှာ အနည်းဆုံး လူ ၇၃၀၀၀ သူတို့ အိမ်တွေကနေ ထွက်ပြေးခဲ့ရတယ်။ မြန်မာပြည် အရှေ့ပိုင်းတခုတည်းမှာပဲ အိမ် ခြေနေရာ အတည်တကျ မရှိသူ ၄၄၆၀၀၀ ကျော်ရှိနေတယ်။ လက်နက်ကိုင် ပဋိပက္ခနဲ့ စစ်အစိုးရရဲ့ တိုက်ခိုက်မှုတွေကြောင့် အိုးအိမ်စွန့်ခွာ ထွက်ပြေးမှုတွေကို ကရင်ပြည်နယ် မြောက်ပိုင်းမှာ အများဆုံးတွေ့ရတယ်။

မစ္စတာ ဂျက် ဒန်းဖို့က ပြောတယ်။ အိုးအိမ်စွန့်ခွာထွက်ပြေးရတာတွေ ဆင်းရဲနွမ်းပါးမှုတွေ ရှိနေပေမယ့် ပဋိပက္ခဒဏ်ခံနေရတဲ့ ဒေသတွေက ရွာသူရွားသားတွေဟာ အရမ်းကို ဒူပေနာပေ ခံနိုင်တယ်တဲ့။ စစ်အစိုးရဘက်ကလိုက်ပြောပြီး မြန်မာပြည် အသစ်ပေါ်လာတော့မယ်လို့ ခပ်နုံနုံယူဆနေကြတဲ့ ကိုယ့်ကိုယ်ကိုယ် မြန်မာ့ရေးရာ ကျွမ်းကျင်သူလို့ သတ်မှတ်ထားသူတွေမှာ ဒီလို ဒဏ်ခံနိုင်မှုမျိုး ရှာတွေ့နိုင်ပါ့မလား။

မြန်မာပြည်ရွေးကောက်ပွဲအပြီး ပေါ်ပေါက်လာမယ့် အစိုရသစ်အပေါ် မျှော်လင့်ချက်အားလုံး ပုံအပ်ထားတဲ့ အနောက်ကမ္ဘာက ခပ်နုံနုံ လေ့လာဆန်းစစ်သူတွေ၊ ဗျူရိုကရက်တွေ ကမ္ဘာတဝန်းမှာ ရှိနေကြလေရဲ့။ သူတို့လည်း မြန်မာ့အရေးနဲ့ ဒဏ်သင့်ပြီး ထွက်ပေါက်ပိတ်ကောင်း ပိတ်နေကြမှာပေါ့။

ဘာပဲဖြစ်ဖြစ်ပါ။ တကယ်လို့ ခင်ဗျားတို့သာ မကြာခင်ကျင်းပမယ့် မြန်မာပြည်ကလိုမျိုး အတုအယောင် ရွေးကောက်ပွဲမှာ မဲပေးကြမယ်ဆိုရင် ခင်ဗျားတို့ရဲ့ မျှော်လင့်ချက်တွေကို အဲဒီရွေးကောက်ပွဲ ရလဒ်ပေါ်မှာ အားလုံးပုံအပ် ထားနိုင်ပါ့မလား။

အောင်ဇော်၏ Election Questions in Search of Answers ကို ဆီလျော်အောင် ပြန်ဆိုသည်။
 
Facebook Video Blog
ကာတွန်း
ကာတွန်း
စစ်သည်တော် စာမျက်နှာ
Ads-for-Cmnat224tg
  • အယ်ဒီတာ့အာဘော်
  • သူ့အတွေး သူ့အမြင်

ဒီမိုကရက်တစ် ယဉ်ကျေးမှု တည်ဆောက်ကြပါစို့

မြန်မာပြည် စာနယ်ဇင်းလောက အတွက် အံ့အားသင့်စရာကောင်းသော၊ သို့သော် ဝမ်းမြောက်ဖွယ်ကောင်းသော သတင်းတပုဒ်ကို ယခုရက်ပိုင်းတွင် ကြားလိုက်ရသည်။ ပြည်ပအခြေစိုက်

အပြည့်အစုံသို့

ဆန္ဒမစောကြပါနှင့်

ဧရာဝတီမြစ်ဆုံ ရေအားလျှပ်စစ် စီမံကိန်းကြီးအား သမ္မတ ဦးသိန်းစိန်မှ ဆိုင်းငံ့ကြောင်း ကြေညာချက်သည် မြန်မာ တမျိုးသားလုံး၏ ညီညွတ်မှုကြောင့် အောင်မြင်မှုရသည်ဟု ပြောရပါမည်။

အပြည့်အစုံသို့

Donate to Irrawaddy

ငွေလဲနှုန်း

အောက်တိုဘာ ၀၆၊ ၂၀၁၁
us ဒေါ်လာ = ၈၃၀ ကျပ်
th ဘတ် = ၂၅.၆ ကျပ်