ပြီးခဲ့သည့် မေလ ၁၆ ရက်နေ့ကစတင် ကျင်းပခဲ့သော ပထမ အကြိမ် MNL CUP Grand Royal 2009 ပြိုင်ပွဲ ကို ပတ်လည် စနစ်ဖြင့် ကျင်းပခဲ့သော်လည်း လာမည့်ပွဲစဉ်များတွင် နှစ်ကျော့ ပုံစံဖြင့်ကျင်းပမည်ဖြစ်သည်။
ပထမအကျော့ ကို စက်တင်ဘာ ၅ ရက်နေ့ မှ အောက်တိုဘာလ ၁၈ ရက်ထိ လည်းကောင်း၊ ဒုတိယ အကျော့ ပွဲစဉ်များကို အောက်တိုဘာလ ၃၁ ရက်မှ ၂၀၁၀ ခု နှစ် ဇန်န၀ါရီလ အထိ ကျင်းပမည်ဖြစ်ကြောင်း သိရသည်။
ပထမအကျော့ ပွဲစဉ်များကို မန္တလေးမြို့ရှိ ဗထူးကွင်းနှင့် ရန်ကုန်မြို့ ရှိ သုဝဏကွင်းတို့တွင် ကျင်းပမည်ဖြစ် ကာ ဒုတိယပွဲစဉ်များကို ရန်ကုန်မြို့ရှိ သုဝဏကွင်းနှင့် အောင်ဆန်းကွင်းတို့တွင် ကျင်းပမည် ဖြစ်သည်ဟု MNL ဥက္ကဌ ဦးဇော်ဇော်ကပြောသည်။
ယင်းသို့ မန္တလေးမြို့နှင့် ရန်ကုန်မြို့တွင် ကျင်းပသောပွဲစဉ်များအတွက် ရန်ကုန်ယူနိုက်တက် ပိုင်ရှင် ဦးတေဇ က ရန်ကုန်ယူနိုက်တက်၏ ပရိသတ်များကို မန္တလေးမြို့သို့ လိုက်လံအားပေးရန် မော်တော်ယာဉ်များ၊ ရထား များ စီစဉ်ပေးမည်ဟု ပြောသည်။
ရတနာပုံ ပရိသတ် တဦးဖြစ်သူ ဦးအောင်ရွှေ က “ကျနော်တို့ မန္တလေးမှာ လာကန်မယ်ဆိုတော့ ၀မ်းသာ တယ်၊ ကျနော်တို့ ရတနာပုံအသင်းကို ကိုယ့်မြေမှာ အားပေးရတော့မှာပေါ့၊ ဗထူးကွင်းက အများဆုံး ပရိ သတ် ၁၅၀၀၀ လောက်ပဲဆံ့တယ်၊ အဲဒီလို ကန်မယ်ဆိုလဲ ကြိုပြီးကွင်းကိုပြန်ပြင်သင့်တယ်၊ မြန်မာလိဂ်က အများကြီးလိုအပ်ပါသေးတယ်”ဟု ပြောသည်။
ပရိုကလပ်များပြိုင်ပွဲမစမီ ခြေစမ်းပွဲများကို အိန္ဒိယ ကလပ် အရှေ့ဘင်ဂေါ အသင်းနှင့် ရတနာပုံF.C ၊ ရန်ကုန် ယူနိုက်တက်၊ မကွေးF.C ၊ ဥဿာယူနိုက်တက် F.C တို့ မှာ သြဂုတ်လ ၁၆၊ ၁၉၊ ၂၁၊ ၂၃ ရက်နေ့များတွင် ခြေစမ်း ကစားမည်ဖြစ်သည်။
အိန္ဒိယအသင်းနှင့် ခြေစမ်းခွင့်မရသော အသင်းလေးသင်းမှာ သြဂုတ်လ ၂၀ရက်တွင် ကမ္ဘောဇ နှင့် Southern Myanmar ၊ သြဂုတ်လ ၂၂ရက်နေ့တွင် ဇေယျာရွှေမြေနှင့် Delta United တို့ ခြေစမ်းရန်စီစဉ် ထားသည်ဟု ဦးစိုးမိုး ကပြောသည်။
လာမည့် MNL CUP ပြိုင်ပွဲတွင် ကွင်းဝင်ကြေး များမှာ ရိုးရိုးတန်း ၅၀၀ နှင့် အထူးတန်း ၂၀၀၀ ဖြစ်ပြီး လတ်မှတ် ၀ယ်ယူနိုင်သည့် နေရာများကို မကြာမီ ထုတ်ပြန် ကြေညာ ပေးမည်ဟု မြန်မာနိုင်ငံဘောလုံး အဖွဲချုပ်မှ ပြန်ကြားရေးတာဝန်ခံဦးစိုးမိုးက ဆိုသည်။
မြန်မာနေရှင်နယ်လိဂ် ပြိုင်ပွဲများယခုကဲ့ သို့ အပြိုင်အဆိုင်ဖြစ်လျက်ရှိနေပြီး ငွေပေါများစွာသုံးနေခြင်းများက မြန်မာဘောလုံးလောကအတွက် အကျိုးရှိလာနိုင်သည်ဟု ယူဆသူများရှိသကဲ့သို့ ဝေဖန်သူများလည်း ရှိကြောင်း သိရသည်။
သို့သော် ဘောလုံးအသင်းတချို့မှာ ဝင်ငွေ ဘတ်ဂျက် လိုအပ်နေသောကြောင့် ပြိုင်ပွဲဝင်ရန် အခက်အခဲရှိ ကြောင်း ရန်ကုန်အခြေစိုက် အားကစား ဂျာနယ် အယ်ဒီတာ တဦးက ပြောသည်။
“ဘောလုံးအသင်း တသင်း ကုန်ကျစရိတ်က ကျပ် သန်း ချီတယ် ဆိုတတော့ အစိုးရ အထောက်အပံ့ ရှိမှဖြစ်မယ်၊ အသင်းထောင်ပြီး ၄ လလောက်မှာပဲ ဘတ်ဂျက် လိုအပ်ချက်ရှိနေကြပြီ၊ အဲဒါ အခု တချို့ ပြိုင်ပွဲဝင်ဖို့ အခက်အခဲရှိတယ်”ဟု ၎င်းက ပြောပြသည်။
ယင်း ဘောလုံးအသင်း တသင်းသည် အနည်းဆုံး ကျပ် သန်း ၂၀၀ ခန့် မြုပ်နှံရပြီး တချို့သော အသင်းများ မှာ ဘောလုံး သမားများအတွက် လစာ၊ ဝတ်စုံ ၊ သယ်ယူပို့ဆောင် စရိတ်နှင့် ကန်ထရိုက် စာချုပ်ကြေးများ အပါအဝင် ကျပ် သန်း ၁၀၀၀ ကျော် ကုန်ကျမှု ရှိကြောင်း သိရသည်။
ဘောလုံးပြိုင်ပွဲများနှင့်ပတ်သက်ပြီး လက်မှတ်ရောင်းချ ခြင်း၊ အစားအသောက် ရောင်းချခြင်း၊ သက်ဆိုင်ရာ ဘောလုံးအသင်း အင်္ကျီများနှင့် ပိုစတာများ ရိုက်ထုတ် ရောင်းချခြင်းများမှ ဝင်ငွေများ ရရှိကြောင်း မြန်မာနိုင်ငံ ဘောလုံး အဖွဲ့ချုပ်နှင့် နီးစပ်သူ တဦးက ပြောဆိုသည်။
ရန်ကုန် သင်္ဃန်းကျွန်းမြို့နယ် သုဝဏ အားကစားရုံတွင် ကျင်းပသော ပထမ အကြိမ် MNL CUP ပြိုင်ပွဲ ဖွင့်ပွဲနေ့တွင် အားပေးကြည့်ရှုသူ ၄၀၀၀၀ ခန့်ရှိကြောင်း၊ ဒုတိယနေ့တွင် ၁၀၀၀၀ ခန့်ရှိကြောင်း ၎င်းက ပြောပြသည်။
အဆိုပါ ပထမ အကြိမ် မြန်မာလိဂ် ဗိုလ်လုပွဲတွင် ရတနာပုံအသင်း ဖလားရရှိခဲ့သည်။ ရန်ကုန် ယူနိုက်တက် အသင်း နှင့် ဗိုလ်လုကြရာတွင် နှစ်ဂိုးစီ သရေကျနေသဖြင့် ပင်နယ်လ်တီ ဆုံးဖြတ်ချက်ဖြင့် ရတနာပုံအသင်း က ၆ ဂိုး ၃ ဂိုးနှင့် အနိုင်ရရှိသွားခြင်း ဖြစ်သည်။
ယင်း အသင်း ၈ သင်း ပါဝင်သည့် ပထမအကြိမ် မြန်မာလိဂ် ပွဲစဉ်များကို မေလ ၁၆ ရက်နေ့မှ ဇူလိုင်လ ၅ ရက်နေ့အထိ ကျင်းပခဲ့ခြင်းဖြစ်သည်။ ပါဝင်သည့် အသင်းများမှာ ရတနာပုံ F C ၊ ရန်ကုန် ယူနိုက်တက် F C ၊ မကွေး F C ၊ ကမ္ဘောဇ F C ၊ ဇေယျာရွှေမြေ F C ၊ ဥဿာ ယူနိုက်တက် F C ၊ ဆောက်သမ်း မြန်မာ F C ၊ ဒဲလ်တာ ယူနိုက်တက် F C တို့ဖြစ်သည်။
အာဏာပိုင်တို့က ၂ဝ၁ဝ ရွေးကောက်ပွဲအတွက် မဲဆွယ်လိုသောကြောင့် ဤသို့သော ဘောလုံး ကြေးစား ကလပ် အသင်းများ ဖွဲ့စည်းစေပြီး ပြိုင်ပွဲများ ပြုလုပ်စေခြင်းဖြစ်သည်ဟု သုံးသပ်သူများလည်း ရှိသည်။ မြန်မာ ပြည်၏ နိုင်ငံရေးအခြေအနေများကို အာရုံလွှဲရန် ပြုလုပ်သည့် အစီအစဉ်များတွင် ဘောလုံးပွဲများလည်း ပါဝင် သည်ဟုလည်း ယူဆ နေကြသည်။
| < Prev | Next > |
|---|
