အဆိုပါ တွေ့ဆုံခွင့် ရရှိရေးကို လာမည့် စက်တင်ဘာလ ၁၈ ရက်နေ့ ရုံးချိန်း မတိုင်ခင် တွေ့ဆုံခွင့် ပြုရန် စာရေး တောင်းဆိုခြင်း ဖြစ်သည်ဟု ဆိုသည်။
ဦးဉာဏ်ဝင်းက “ဒေါ်အောင်ဆန်းစုကြည်နဲ့ တွေ့ခွင့်ရဖို့ စာတင်ထားပါတယ်၊ သူ့ဆီက ညွှန်ကြားချက် ရဖို့လည်း လိုတယ်၊ ဒါပေမယ့် တွေခွင့်ရ မရ အခုထိ မသိရသေးဘူး” ဟု ဧရာဝတီသို့ ပြောသည်။
ဒေါ်အောင်ဆန်း စုကြည်အမှု အယူခံကို ရန်ကုန်တိုင်း တရားရုံးက စက်တင်ဘာ ၄ ရက်နေ့ တွင် လက်ခံခဲ့ပြီး လျှောက်လဲချက် ကြားနာရန် စက်တင်ဘာလ ၁၈ ရက်နေ့ နံနက် ၁၀ နာရီတွင် ရုံးချိန်းပေးထားခြင်းဖြစ်သည်။
ဒေါ်အောင်ဆန်းစုကြည်ကို ပြီးခဲ့သော သြဂုတ်လ ၁၁ရက်နေ့တွင် တိုင်းတရားရုံးက နေအိမ် အကျယ်ချုပ် ၁နှစ်ခွဲ ချမှတ်ခဲ့သည့် အပေါ် ယခုကဲ့သို့ အယူခံဝင်ခြင်း ဖြစ်သည်။ု
တချိန်တည်းမှာပင် ဘန်ကောက်နှင့် မြန်မာပြည်ရှိ နိုင်ငံခြား သံတမန်များကလည်း ဒေါ်အောင်ဆန်းစုကြည်နှင့် တွေ့ဆုံခွင့် ရရှိရေး အတွက် စစ်အစိုးရကို တောင်းဆိုကြောင်း သံတမန် အသိုင်းအ၀န်းက ဆိုသည်။
ဒေါ်အောင်ဆန်းစုကြည်ကို တရားရုံးက ပြစ်ဒဏ် ချမှတ်ခဲ့ရာ၌ နေအိမ်ခံဝန်ချက် စည်းကမ်း ၈ချက်တွင် သက်ဆိုင်ရာ ခွင့်ပြုချက်ဖြင့် ဧည့်သည် တွေ့ခွင့် ရှိမည် ဆိုသောအချက်ပါရှိသည်။
ဒေါ်အောင်ဆန်းစုကြည်သည် မေလအတွင်း ၎င်း၏နေအိမ်သို့ တိတ်တဆိတ် ဝင်ရောက်ခဲ့သော အမေရိကန် နိုင်ငံသားကြောင့် ရုံးတင် တရားစွဲခံခဲ့ရခြင်းဖြစ်သည်။
ထိုအမှုတွင် အင်းစိန်ထောင်တွင်း အထူးတရားရုံးက ဒေါ်အောင်ဆန်းစုကြည်ကို ထောင်ဒဏ် ၃ နှစ် ချမှတ်ခဲ့ သည်။ သို့သော် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ၏ အမိန့်ဖြင့် ကျခံရမည့် ထောင်ဒဏ်ကို ထက်ဝက် လျှော့ချကာ နေအိမ် အကျယ်ချုပ် ၁ နှစ်ခွဲ စီရင်ချက် ချမှတ်ခံခဲ့ရသည်။
ပြစ်ဒဏ်လျှော့ပေါ့ရခြင်း အကြောင်းအရင်းမှာ ဒေါ်အောင်ဆန်းစုကြည်သည် ဗိုလ်ချုပ်အောင်ဆန်း၏ သမီး ဖြစ်၍ လည်းကောင်း၊ ရပ်ရွာ အေးချမ်း သာယာရေးနှင့် တည်ငြိမ်ရေးကို ရှေးရှု၍ လည်းကောင်း၊ အာဃာတ မရှိစေရေး အတွက် လည်းကောင်း၊ ဒီမိုကရေစီ လမ်းကြောင်းတွင် အနှောင့်အယှက် မဖြစ်စေရေး အတွက် လည်းကောင်း ဖြစ်သည်ဟု ဆိုသည်။
ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည့် ၆ နှစ်ပြည့်ခါနီး အချိန်တွင် ယခုကဲ့သို့ တရားစွဲဆို ခံရခြင်းဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၃ နှစ်ကျော်ပြီ ဖြစ်သည်။
| < Prev | Next > |
|---|
