တေးရေးတေးဆို ဒါရိုက်တာ အောင်ကိုလတ်၏ သမီး ဖြစ်သူ မီရှဲလ်က ကိုယ်တိုင် ဇာတ်ညွှန်းခွဲ၍ ဒါရိုက်တာ အဖြစ် ရိုက်ကူးနေကြောင်း သိရသည်။“လူ့အဖွဲ့အစည်းတွေထဲမှာ ဘယ်လိုမျိုး ရုန်းကန်နေရတယ်၊ မိဘရဲ့ အုပ်ထိန်းမှုအောက်မှာ တင်းကျပ်စွာ နေနေရတဲ့ လူငယ်တွေမှာ လူမှုဆက်ဆံရေး ပြဿနာတွေ ဘယ်လို ကြုံတွေ့ရတယ်၊ နောက် အဆိုးဆုံး ဖြစ်တဲ့ မူးယစ်ဆေးဝါး ပြဿနာမျိုးကို ကိုယ်မသိဘဲ ကြုံတွေ့လိုက်ရတယ်၊ အဲဒီလိုမျိုး ကြုံတွေ့လာရတဲ့အခါမှာ ဘယ်လို ဖြတ်သန်း နေထိုင်သွားရမယ် ဆိုတာကို လူငယ်တွေ သင်ခန်းစာ အနေနဲ့ သိအောင် ရိုက်ပြတဲ့သဘောပါ” ဟု ၎င်းဇာတ်ကား ဒါရိုက်တာမီရှဲလ်က ဧရာဝတီကို ပြောသည်။
အဆိုပါ ဇာတ်ကားကို လူငယ်များ သွားလေ့ သွားထရှိသော နေရာများသို့ သွားရောက်ပြီး ဇွန်လမှ စတင် ရိုက်ကူးနေသည်ဟု သိရသည်။ အောက်တိုဘာ လကုန်ပိုင်းတွင် အပြီးသတ်ရိုက်ကူးမည်ဟု မီရှဲလ်က ပြောသည်။
မီရှဲလ်သည် လူငယ်တဦး ဖြစ်သော်လည်း ဗီဒီယိုရိုက်ကူးသည့် အတွေ့အကြုံ အများအပြားရှိသူ ဖြစ်သည်။ ၂၀၀၆ ခုနှစ်မှ စတင်၍ ဖခင်ဖြစ်သူ ဒါရိုက်တာ အောင်ကိုလတ် ရိုက်ကူးသည့် ကြော်ငြာပေါင်း ၅၀ ကျော်တွင် လက်ထောက် ဒါရိုက်တာ အနေဖြင့် တာဝန်ယူခဲ့ဖူးသည်။
သရုပ်ဆောင်များ အဖြစ် ဂျေမီ ၊Ontrack ၊ Cyclone ၊ MHA(Myanmar Hip Hop Association)၊ ဂျင်းနီ၊ Z.အဘောက် ၊ အမျိုးသမီး ဟစ်ပ်ဟော့ပ်အဖွဲ့ ဖြစ်သော YAK ၊ ဖြိုး စသည်တို့ အဓိက ပါဝင်သည်။
“ဒီဇာတ်ကားက လူငယ်တွေရဲ့တကယ့် သဘာဝ ဇာတ်ကားမျိုး ဆိုတော့ ဒီကဈေးကွက်နဲ့လည်း အဆင် မပြေတော့ သိပ် မရိုက်ကြဘူးလေ။ ကိုယ်က အရင်ဆုံးစွန့်စားလိုက်တာပါ” ဟု မီရှဲလ်က ဆိုသည်။
လူငယ် ဟစ်ပ်ဟော့ပ်အဖွဲ့ Ontrack ၏ “ရန်ကုန်မြို့မှ ကြိုဆိုပါ၏” ဟူသော တေးသီချင်း ခေါင်းစဉ်ကို ဇာတ်ကားအမည် ပေးထားခြင်း ဖြစ်သည်။ ၎င်းသီချင်း နှင့် တခြားသော ဟစ်ပ်ဟော့ပ်သီချင်း တချို့ကို ဇာတ်ဝင်သီချင်းအဖြစ် ထည့်သွင်းထားကြောင်း မီရှဲလ်က ရှင်းပြသည်။
“ဒီဇာတ်ကားရဲ့ ဒါရိုက်တာရော သရုပ်ဆောင်တွေရောက လူငယ်တွေလေ။ သရုပ်ဆောင်ရတဲ့ နေရာမှာလည်း ပေါ့ပေါ့ ပါးပါးနဲ့ လူငယ်တွေရဲ့ လွတ်လပ်တဲ့ ဘဝကို သရုပ်ဆောင်ထားကြတယ် ဆိုတော့ လူငယ်တွေ စိတ်ဝင်စားမယ့် ဇာတ်ကားတကားပါ” ဟု ၎င်းဇာတ်ကားတွင် ပါဝင် သရုပ်ဆောင်ထားသော အဆိုတော် ဂျင်းနီက ဧရာဝတီကို ပြောသည်။
မီရှဲလ်သည် အနုပညာလောကသို့ မော်ဒယ်အနေဖြင့် ဝင်ရောက်လာခဲ့ခြင်း ဖြစ်ပြီး ယခု “ရန်ကုန်မြို့မှကြိုဆိုပါ၏ ” ဇာတ်ကားသည် ကိုယ်တိုင် တာဝန်ယူ ရိုက်ကူးသည့် ပထမဆုံးသော ဇာတ်ကား ဖြစ်သည်။
| < Prev | Next > |
|---|
