ရန်ကုန်မြို့တွင်း နေရာအနှံ့တွင် လက်နက်ကိုင် စစ်သား၊ ရဲများသည် ကားစီးရေ အများ အပြားဖြင့် လှည်လည်အင်အား ပြနေခြင်းကြောင့် မြို့ခံလူထုမှာ စိုးရိမ်ထိန့်လန့် နေကြကြောင်း သိရသည်။ ၂၀၀၇ ရွှေဝါရောင် တော်လှန်ရေးအား နှိင်နင်း ခဲ့သည့် စစ်သားနှင့် လုံထိန်းရဲများနှင့် ပုံစံတူ ဖြစ်နေသောကြောင့် မဲမပေးပါက အနိုင်အထက် ပြုမည်ကို ပြည်သူများက စိုးရိမ်နေ ကြကြောင်း ဒေသခံများက ပြောသည်။

ကြည့်မြင်တိုင်၊ အလုံ၊ မြောက်ဒဂုံမြို့နယ် များတွင် ရပ်ကွက် တာဝန် ရှိသူများက အိမ်အလိုက် သန်းခေါင် စာရင်းများ တောင်းယူ၍ မဲစာရင်းအမှတ်များနှင့် လိုက်လံ တိုက်ဆိုင် စစ်ဆေးပြီး ရွေးကောက်ပွဲ နေ့တွင် မဲသွားပေးရန် ပြောကာ သိရှိကြောင်း လက်မှတ် ထိုးခိုင်းခဲ့ကြောင်း အဆိုပါမြို့နယ်တွင် နေထိုင်သူများထံမှ သိရသည်။

ရန်ကုန်မြို့တွင်းရှိ မြို့နယ်များတွင် ရပ်ကွက် တာဝန်ရှိသူများမှ ပြည်ထောင်စု ရွေးကောက်ပွဲ ကော်မရှင်၊ မဲရုံအမှတ်၊ မဲအမှတ်စဉ်၊ မဲရုံလိပ်စာ၊ အမည်၊ မှတ်ပုံတင်၊ နေရပ်လိပ်စာများ ပါဝင်သော မဲစလစ် စာရွက်များလိုက်လံပေးခဲ့ပြီး ၇ ရက်နေ့ နံနက် ၆ နာရီ မှ ညနေ ၄ နာရီအတွင်း အဆိုပါ မဲစာရွက်နှင့် အတူ နိုင်ငံသား စိစစ်ရေးကတ် ယူဆောင်လာကာ မဲရုံသို့ လာရောက် မဲပေးရန် ပြောခဲ့ကြောင်း သိရသည်။

ရွေးကောက်ပွဲ၌ မဲထည့်နိုင်ရန် အတွက် ၁၈ နှစ် ပြည့်သူတိုင်းကို ကျပ် ၃၀၀၀ ဖြင့် မှတ်ပုံတင် နာရီပိုင်းအတွင်း လုပ်ဆောင် ပေးနေကြောင်း သိရသည်။ တောင်ဥက္ကလာ၊ မြောက်ဥက္ကလာနှင့် ရန်ကုန်မြို့တွင်းမှ မြို့နယ် အများအပြားတွင် ယခုရက် ပိုင်းအတွင်း စာရင်းကောက်၍ အတင်းအကျပ် လုပ်ဆောင် ခိုင်းနေကြောင်း ဒေသခံများက ပြောသည်။ နိုင်ငံသားကတ် ထုတ်ပေးပြီး သူများကိုလည်း ကြံ့ဖွံ့ပါတီ ကိုသာ မဲပေးရန် ပြောဆိုကြောင်း သိရသည်။

ယနေ့ထုတ် စစ်အစိုးရပိုင် သတင်းစာများ၏ အယ်ဒီတာ့ အာဘော်တွင် လွတ်လပ်ပြီး တရားမျှတသည့် ရွေးကောက်ပွဲ ဖြစ်စေရန် ထောင့်စေ့စွာ စီစဉ်ပေး ထားကြောင်း၊ ထို့ကြောင့် ပြည်ပမီဒီယာ များ၏ သွေးထိုးမှုကို နားမယောင်ဘဲ၊ ဒီမိုကရေစီ အခွင့်အရေး တရပ် အနေဖြင့် ပြည်သူ့အကျိုး ဆောင်ရွက်သည့် ကိုယ်စားလှယ်ကို မဲပေးရန် တိုက်တွန်း ထားသည်။ ထို့ပြင် ဝန်ကြီးချုပ် ဦးသိန်းစိန်နှင့် ကြံ့ဖွံ့ ခေါင်းဆောင် ဝန်ကြီးများ၏ နိုင်ငံတဝန်း လှည့်လည်၍ နိုင်ငံ့အကျိုး ဆောင်နေမှု များကိုလည်း ဖော်ပြထားသည်။

ရှမ်းပြည်နယ် မြောက်ပိုင်း မူဆယ်ခရိုင် ကွတ်ခိုင်မြို့နယ် မဲဆန္ဒနယ်တွင် မဲဆွယ်စည်းရုံးမှုပြုလုပ်နေသော ပလောင် အမျိုးသား ပါတီ ပြည်သူ့ လွှတ်တော် ကိုယ်စားလှယ် ဦးအိုက်ဆန်ကို ကြံ့ဖွံ့ ပါတီ ပြည်သူ့ လွှတ်တော် ကိုယ်စားလှယ် ဦးတီခွန်မြတ်က ပြည်သူ့စစ် အဖွဲ့ဝင် ၃ ဦးကို စေလွှတ်၍ မဲဆွယ် စည်းရုံးမှု ဆက်မလုပ်ရန် လက်နက်ဖြင့် ခြိမ်းခြောက် ခဲ့ကြောင်း၊ ပလောင် အမျိုးသား ပါတီက ဖြန့်ဝေသော ပါတီရေးရာ သဘောထား စာရွက်စာတမ်းများနှင့် ပါတီ အမှတ် တံဆိပ် အလံများ ကိုလည်း လိုက်လံ သိမ်းယူ ဖျက်ဆီး ခဲ့ကြောင်း ပြည်ပ အခြေစိုက် ပလောင်အဖွဲ့၏ ပြောကြားချက် အရ သိရသည်။