မန္တလေး အောင်မြေသာဇံမြို့နယ် ၊ ဘူတာဈေး ၊ ညောင်ပင်ဈေး ၊ ပိုက်ကျုံးနှင့် သီရိမင်္ဂလာ ကားကွင်းတို့တွင် ကြံ့ဖွံ့ပါတီ လွှတ်တော် ကိုယ်စားလှယ်လောင်း မြို့တော်ဝန် ဦးဖုန်းဇော်ဟန်ကို မဲမပေးရေး ဗီစီဒီနှင့် စာရွက်များ ဖြန့်ဝေနေရာ လက်ရှိ မြို့တော်ဝန် ဖုန်းဇော်ဟန် သို့မဟုတ် ဘုံးဇော်ဟန် မြို့တော်ဝန်ဖြစ်ပြီးနောက် ပြည်သူပိုင်ပစ္စည်းများကို ဘုံးပြီး ပိုင်ဆိုင်ထားသော ပစ္စည်းများ စာရင်းဟု ၄င်းပိုင်ဆိုင်သော အိမ်ရာခြံမြေ ဓာတ်ပုံများနှင့်တကွ ဖော်ပြထားကြောင်း တွေ့မြင်ခဲ့ရသူ တဦးကပြောသည်။

ပဲခူးတိုင်း ဇီးကုန်းမြို့နယ်နှင့် မန္တလေးတိုင်း၊ မကွေးတိုင်း မိထ္ထီလာ၊ သာစည်၊ ၀မ်းတွင်း၊ မလှိုင်၊ တောင်သာ၊ မြင်းခြံ၊ ပျော်ဘွယ်၊ ရမည်းသင်း၊ လယ်ဝေး၊ ကျောက်ပန်းတောင်း၊ ချောက်၊ ညောင်ဦး၊ ဆိပ်ဖြူ၊ စလေ စသည့် မြို့နယ် ပေါင်း ၂၀ ကျော်တွင် NLD အဖွဲ့ဝင်များက မဲမပေးရေး လှုပ်ရှားမှုကို ယနေ့တွင် ပြုလုပ်ကြောင်း သတင်းရရှိသည်။ တနင်္သာရီတိုင်း မြိတ်မြို့နယ်တွင်လည်း မဲမပေးဘဲ နေနိုင်ခွင့်ရှိသည် ဆိုသော လက်ကမ်း စာစောင် ၁၀၀၀၀ ကျော်ဖြန့်မည်ဖြစ်ကြောင်း သိရသည်။

ရှမ်းပြည် မြောက်ပိုင်း နမ့်ဆန်နှင့် မိုင်းတုံ မြို့နယ်ရှိ မဲဆန္ဒနယ် များတွင် ပလောင် (တအောဝ်း) အမျိုးသား ပါတီသည် ယှဉ်ပြိုင်ရန် မလိုဘဲ အနိုင်ရရှိသွားကြောင်း သိရသည်။ မူလက ကြံ့ဖွံ့ပါတီနှင့် ၎င်းတို့ ပါတီသာ ရှိကြောင်း၊ နောက်ပိုင်းတွင် ကြံ့ဖွံ့ပါတီက မပြိုင်တော့ သောကြောင့် ၎င်းတို့ပါတီ တပါတီတည်းသာ ကျန်တော့ကြောင်း ပလောင် အမျိုးသား ပါတီ ဥက္ကဋ္ဌ ဦးအိုက်ဖုန်းက ပြောသည်။

စစ်ကိုင်းတိုင်း ဟုမ္မလင်းမြို့နယ် ကက်သာရွာတွင် မဲထည့်ရန် လာရောက် ပေးပို့ထားသည့် မဲပုံးများကို ရွာသားများက ယမန်နေ့ညက ဖျက်ဆီးလိုက်ကြောင်း သတင်းရရှိသည်။

ဂီရိလေဘေးဒဏ် ခံခဲ့ရသော ရခိုင်ပြည်နယ်ရှိ ပေါက်တော မြို့နယ်တွင် ရပ်ကွက်၊ ကျေးရွာ တာဝန် ရှိသူများက ကြံ့ဖွံ့ပါတီ အတွက် ကြိုတင်မဲ များကို နိုဝင်ဘာ ၁ ရက်မှစ၍ အတင်းအကျပ် ကောက်ခံ နေကြောင်း သိရသည်။ မဲရုံမှူး လက်မှတ် မပါ သော ကြိုတင်မဲ များကို ကြံ့ဖွံ့ပါတီအား အမှန်ခြစ် ခိုင်းကြောင်း၊ မဲထည့်ပြီး စာအိတ် များကိုလည်း ဖွင့်ထား ခိုင်းကြောင်း၊ ကြိုတင်မဲ ထည့်စရာ မလိုသည့် သာမန် ပြည်သူ များကိုပါ ခြိမ်းခြောက်၍ မဲပေး ခိုင်းနေကြောင်း ဒေသခံများက ပြောသည်။

မန္တလေးနှင့် ကျောက်ဆည်တွင် ကျန်းမာရေး ၀န်ကြီး ဒေါက်တာ ကျော်မြင့်၊ သိပ္ပံနှင့် နည်းပညာ ဝန်ကြီး ဦးသောင်း ဦးဆောင်သည့် အဖွဲ့ဝင် တချို့က လက်ဖက်ရည်ဆိုင် များအတွင်း ၀င်ထိုင်၍ မဲဆွယ် စည်းရုံးနေကြောင်း နိုင်ငံရေး ပါတီများနှင့် နီးစပ်သူ မျက်မြင် တဦးက ဧရာဝတီသို့ ပြောသည်။