မန္တလေးတိုင်း မိတ္ထီလာမြို့တွင် ကြံ့ဖွံ့ပါတီက ဗီနိုင်းကြော်ငြာ ဆိုင်းဘုတ်များချိတ်ပြီး မဲဆွယ်စည်းရုံးရေးလုပ်ကာ မဲတပြား ကျပ် ၁၀၀၀၀ ဖြင့် မဲဝယ်မှုများရှိနေသော်လည်း အမျိုးသား မဟာမိတ် ပါတီ နိုင်ခြေ ၇၅ ရာနှုန်းခန့်ရှိကြောင်းသိရသည်။ မိတ္ထီလာမြို့ ပေါ်တွင် မဲရုံ ၂၇၈ ရုံရှိပြီး ကြံ့ဖွံ့၊ တစည၊ အမျိုးသားနိုင်ငံရေး မဟာမိတ်များ အဖွဲ့ချုပ် စသည့် ယှဉ်ပြိုင်မည့်ပါတီ ၃ ဖွဲ့ရှိကြောင်း မဲပေးနိုင်သူဦးရေ ၂၈၉၀၀၀ ရှိကြောင်း ဒေသခံ တဦး ကပြောသည်။

ရန်ကုန်မြို့ မင်္ဂလာတောင်ညွန့်မြို့နယ်တွင် ကြံ့ဖွံ့ပါတီက တအိမ်တက်ဆင်း ခြိမ်းခြောက်၊ မက်လုံးပေး မဲဆွယ်၍ ပေးခိုင်းနေသည့်တိုင် ဒီမိုကရက်တစ်ပါတီကိုသာ မဲပေးကြဖွယ်ရှိကြောင်း သိရသည်။ ကြံ့ဖွံ့ပါတီက ၎င်းတို့ကို မဲမပေးပါက ဝန်ထမ်းဆိုလျှင် နယ်ပြောင်းမည်၊ လမ်းဖောက်ခြင်းကို ရပ်ထားမည်ဟု ခြိမ်းခြောက်ကြောင်း၊ မှတ်ပုံတင် မရှိလျှင် ချက်ချင်းလုပ်ပေးမည်ဟု မက်လုံးပေးကြေင်း သတင်းရရှိသည်။

မန္တလေးတိုင်း၊ မိတ္ထီလာမြို့တွင် ကြံ့ဖွံ့ပါတီ၊ တစညနှင့် အမျိုးသား မဟာမိတ်များ အဖွဲ့ချုပ်တို့ ယှဉ်ပြိုင်ကြပြီး မဟာမိတ်များ အဖွဲ့ချုပ် ပါတီက နိုင်ခြေ ၇၅ ရာခိုင်နှုန်းရှိသည်ဟု သိရသည်။ တစညပါတီ၏ မဲဆွယ်ဆိုင်းဘုတ် ချိတ်ခြင်းကို ရဲက တားဆီးကြောင်း၊ ကြံ့ဖွံ့ပါတီက မဲဆွယ်ကြော်ငြာ အများဆုံး ချိတ်ဆွဲပြီး မဲများကို ကျပ် ၁၀၀၀၀ ပေး၍ မဲဝယ်နေကြောင်း သတင်းရရှိသည်။

ဧရာဝတီတိုင်း ဘိုကလေးမြို့နယ်ရှိ ကျေးရွာ၊ ရပ်ကွက်များ၌ လျှို့ဝှက်မဲပေးခန်းများမရှိ၊ ရပ်ကွက်ကော်မရှင် ရှေ့တွင်ပင် မည်သည့်အထောက်အထားမျှ ပြစရာမလိုဘဲ ကြိုတင်မဲ ပေးခိုင်းကြောင်း သိရသည်။ တချို့ကျေးရွာစုများတွင် ကလေးများက သွားရောက်ပြီး မိသားတစုလုံးကိုယ်စား မဲပြားများပေါ်တွင် ကြံ့ဖွံ့ပါတီကို အမှန်ခြစ်ပေးရကြောင်း၊ တခြားပါတီများက ထိုကိစ္စများကို မှတ်တမ်းတင်ထားပြီး ခရိုင်ကော်မရှင်သို့လည်း တိုင်ကြားမည်ဟု သိရှိရသည်။

ရန်ကုန် တိုင်း အင်းစိန် မြို့နယ်တွင် မဖြစ်မနေ မဲပေး ရမည် ဟု ဒေသခံ အာဏာပိုင် များ၊ ကြံ့ဖွံ့ဖွံ့ ပါတီဝင် များနှင့်  စွမ်းအား ရှင်များက အိမ်တိုင်ရာရောက် လှုံ့ဆော်မှုများအပြင် အသံချဲ့စက်များဖြင့် လိုက်လံနှိုးဆော်နေကြောင်း သတင်း ရရှိ သည်။ “ခင်ဗျားတို့ မဲ မပေးရင် ဒီမိုကရေစီ လုံးဝမရတော့ဘူး။ မပေး မနေရ။ အားလုံး လာကို လာရမယ် ဆိုပြီး အိမ်မှာ လာပြော တယ်။ ညက လည်း အသံချဲ့ စက်နဲ့ လိုက်အော် တယ်”ဟု အင်းစိန် မြို့ခံ တဦးက ပြောသည်။

သန်လျင်မြို့ ပြန်ကြားရေး ဝန်ကြီးဌာနပိုင် ဈေးဆိုင် တိုက်ခန်းများတွင် ဧည့်စာရင်းဖြင့် နေထိုင်သူ များအား မိမိဒေသသို့ မဲပြန်မပေးဘဲ ကြိုတင်မဲ ပေးကြရန်၊ မဲပေးရာတွင်လည်း ကြံ့ဖွံ့ပါတီကိုသာ ပေးရန် အာဏာပိုင် များက လာပြောကြောင်း သိရသည်။ ထိုနေရာတွင် နေထိုင်သူများက ကြိုတင်မဲ မပေးဘဲ မိမိ ဒေသ တွင်သာ မဲပြန်ပေးမည်ဟု ပြောဆိုရာ ယမန်နေ့ ညမှ စတင်၍ ဧည့်စာရင်း ထုတ်မပေးတော့ဘဲ ဈေးဆိုင်တန်းများမှ နှင်ထုတ်ခဲ့ကြောင်း ကိုယ်တွေ့ ကြုံရ သူများက ပြောသည်။