၂၀၁၀ ရွေးကောက်ပွဲကို သပိတ် မှောက်ကြရန် မြန်မာနိုင်ငံလုံး ဆိုင်ရာ သံဃာ့ တပ်ပေါင်းစု အဖွဲ့၊ ၈၈ မျိုးဆက် ကျောင်းသားများနှင့် ဗမာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ်တို့က ယနေ့ ပူးတွဲကြေညာချက် ထုတ်ပြန် လိုက်သည်။ စစ်အစိုးရ၏ ရွေးကောက်ပွဲသည် ကြံ့ဖွံ့ပါတီက အုပ်စိုးရန်ဖြစ်ပြီး တခြားပါတီများမှာ အသုံးချခံ အဆင့်သာ ရှိကြောင်း၊ သံဃာအား ညှဉ်းဆဲ သတ်ဖြတ်ပြီး တိုင်းပြည်ကို ဆင်းရဲတွင်း နက်စေခဲ့သော နအဖ နှင့် ကြံ့ဖွံ့ကို ဆန့်ကျင်သော အားဖြင့် မဲသွားမပေးကြရန်တိုက်တွန်းထားသည်။

ရန်ကုန်တွင် ရွေးကောက်ပွဲ ၀င်ရောက် ယှဉ်ပြိုင်မည့် ကြံ့ဖွံ့ပါတီမှ အမတ်လောင်းများ၏ ဇနီးနှင့် သားသမီးများပါ လိုက်လံပြီး မဲဆွယ် စည်းရုံးမှုများ ပြုလုပ်လျက် ရှိကြောင်း သိရသည်။ အမည်ကို ကြည့်မနေဘဲ ခြင်္သေ့ရုပ် ဘေးတွင်သာ အမှန်ခြစ်ရန် ကြံ့ဖွံ့ပါတီ အမတ်လောင်းများ၏ ဇနီးများက ရပ်ကွက် အတွင်းဆင်း၍ မဲဆွယ် နေကြောင်း ပုဇွန်တောင် မြို့နယ်တွင် ကြံ့ဖွံ့၏ မဲဆွယ်စည်းရုံးမှု ခံခဲ့ရသူ တဦးက ပြောသည်။

ရွေးကောက်ပွဲနေ့တွင် ရန်ကုန်၊ မန္တလေးနှင့် နေပြည်တော်ရှိ မဲရုံအတွင်းနှင့် ပတ်ဝန်းကျင် ကိုက် ၁၅၀ အကွာအထိ စွမ်းအားရှင်များကို ထားရှိရန် ငွေပေးကာ ငှားရမ်းထားကြောင်း၊ ရန်ကုန်တွင် လူစည်ကားရာ နေရာများ၌ စစ်တပ်နှင့်အတူ စွမ်းအားရှင်များ ထားရှိပြီး ရွေးကောက်ပွဲ ကျင်းပရေးပျက်ပြားအောင် နှောင့်ယှက်သည်ဟု ယူဆသူများအား တားဆီး ချုပ်နှောင်ခွင့် ပေးထားမည်ဖြစ်ကြောင်း သတင်းတပ်ဖွဲ့နှင့် နီးစပ်သည့် အသိုင်းအ၀န်းမှ သိရသည်။

ရွေးကောက်ပွဲ ကာလ နေပြည်တော်ရှိ အစိုးရရုံးများ အပါအ၀င် အစိုးရ ရုံးများရှိ ကွန်ပျူတာ၊ အင်တာနက်၊ မိတ္တူကူးစက်၊ Fax စသော ပစ္စည်းများကို သုံးပြီး ပြည်ပ မီဒီယာများသို့ သတင်း အချက် အလက်များ ပေးပို့လျှင် ထောင်ဒဏ် ၁၄ နှစ်အထိ ချမှတ်မည် ဟူသော သတိပေး စာများကို နိုဝင်ဘာ လဆန်းမှ စတင်ပြီး ရုံးများတွင် ကပ်ထားကြောင်း ၀န်ထမ်း အသိုင်းအ၀ိုင်းမှ သိရသည်။

ရွေးကောက်ပွဲ ကျင်းပရန် ရက်ပိုင်း လိုအပ်ချိန်၌ နေပြည်တော်နှင့် ပျဉ်းမနားမြို့ရှိ အင်တာနက်ဆိုင်၂၀ ခန့်တွင် အရပ်ဝတ်နှင့် ရဲများ၊ ထောက်လှမ်းရေးများ အပြင် သင်္ကန်း ၀တ်ထားသော ဘုန်းကြီး များကိုပါ ထည့်ထားကာ အင်တာနက် လာရောက် သုံးစွဲသူများကို စောင့်ကြည်မှုများ ပြုလုပ်နေပြီး နိုဝင်ဘာ ၅ ရက်နေ့မှစ၍ ရွေးကောက်ပွဲပြီး ကာလအထိ ပိတ်ထားရန် ညွှန်ကြား ထားသည်ဟု ဒေသခံ အင်တာနက် သုံးစွဲသူများက ပြောသည်။

ရွေးကောက်ပွဲအပြီး နိုင်ငံရေးမတည်မငြိမ်ဖြစ်မည်ကို စိုးရိမ်ကြသောကြောင့် ရွှေနှင့် ဒေါ်လာ ၀ယ်ယူမှုများလာကာ ဈေးတက်သွားကြောင်း ဈေးကွက်များမှ သိရသည်။ နိုဝင်ဘာ ၂ ရက်နေ့က ရွှေဈေးမှာ ကျပ် ၆၅၆၉၀၀ ရှိနေရမှ ၃ ရက်နေ့တွင် ၆၆၂၅၀၀ ကျပ်သို့ လည်းကောင်း။ နိုဝင်ဘာလ ၂ ရက်နေ့က အမေရိကန် တဒေါ်လာ ၉၀၈ ကျပ်ခန့်ရှိနေရာမှ ၃ ရက်နေ့တွင် တဒေါ်လာ ၉၂၅ ကျပ်အထိ လည်းကောင်း ဈေးများ ထိုးတက်သွားခဲ့သည်။