ယနေ့ ပြုလုပ်သည့် ပဲခူးနေ့ချင်းပြန်ခရီးစဉ်အတွင်း ဒေါ်အောင်ဆန်းစုကြည်သည် အောင်ဆန်းဂျာမွန်း အမည်ရှိ စာဖတ်ခန်း ၂ ခုကို ဖွင့်လှစ်ပေးလိုက်သည်။နံနက် ၁၁ နာရီခွဲခန့်က ပဲခူးမြို့ အောင်ဆန်းဂျာမွန်း စာဖတ်ခန်းဖွင့်ပွဲသို့ ဒေါ်အောင်ဆန်းစုကြည် ရောက်ရှိသွားပြီး ဖွင့်ပွဲရှိ ရာနှင့်ချီသော ဒေသခံတို့ကို မိန့်ခွန်းပြောခဲ့သည်။နံနက် ၁၀ နာရီခန့်ကလည်း အနီးရှိ သနပ်ပင်မြို့နယ်သို့သွားရောက်ပြီး အောင်ဆန်းဂျာမွန်း စာဖတ်ခန်းဖွင့်ပွဲသို့ တက်ရောက်ကာ ဒေသခံ ၃၀၀ ခန့်ကို ၁၅ မိနစ်ခန့် မိန့်ခွန်းပြောသည်။ခရီးစဉ်တလျှောက် အာဏာပိုင်တို့က လမ်းရှင်းလင်းရေး လုပ်ဆောင်ထားသဖြင့် ဒေါ်အောင်ဆန်းစုကြည်၏ ယာဉ်တန်း အဆင်ပြေစွာ သွားလာနိုင်သည်ဟု သိရသည်။

ဒေါ်အောင်ဆန်းစုကြည်သည် ဗဟိုအစိုးရ ကိုယ်စားလှယ် ဝန်ကြီး ဦးအောင်ကြည်နှင့် မနက်ဖြန်တွင် ဒုတိယအကြိမ်အဖြစ် ထပ်မံတွေ့ဆုံမည်ဟု NLD နှင့် နီးစပ်သူတဦးထံမှ သိရသည်။ တွေ့ဆုံမှုသည် ဒေါ်အောင်ဆန်းစုကြည် ပဲခူးသို့ ပထမဆုံးနိုင်ငံရေးခရီးစဉ် မတိုင်မီ ၂ ရက်အလိုတွင် ဖြစ်သည်။ နေအိမ်အကျယ်ချုပ်မှ လွတ်မြောက်ပြီးနောက် ပထမဆုံးအကြိမ်အဖြစ် ဒေါ်အောင်ဆန်းစုကြည်သည် ဇူလိုင်လ ၂၅ ရက်နေ့တွင် ဝန်ကြီး ဦးအောင်ကြည်နှင့် ပထမဆုံးအကြိမ် တွေ့ဆုံပြီး ပူးတွဲကြေညာချက် ထုတ်ပြန်ခဲ့သည်။

ဧရာဝတီကို ကယ်တင်ကြရန် ဒေါ်အောင်ဆန်းစုကြည်က “ဧရာဝတီအတွက် ပန်ကြားချက်” ကို ယနေ့ ထုတ်ပြန်လိုက်သည်။ ယင်းကြေညာချက်တွင် ဆည်များဆောက်လုပ်ခြင်း၏ ဆိုးကျိုးများကိုလည်း ဖော်ပြထားပြီး စိုက်ပျိုးရေး၊ လူမှုရေးနှင့် စီးပွားရေး ပြဿနာများ ပေါ်ပေါက်နိုင်မှုကိုလည်း ထောက်ပြထားသည်။ မြန်မာအစိုးရနှင့် တရုတ်တို့သည် နောက်ဆက်တွဲ ပြဿနာများကို ရှောင်ရှားမည်ဟု ယုံကြည်ကြောင်းနှင့် ကချင်တိုင်းတိုင်းသားများ၏ အစိုးရအပေါ် ယုံကြည်မှု ပျောက်ဆုံးနေကြောင်း ထောက်ပြထားသည်။ ဧရာဝတီမြစ်နှင့် ဆက်စပ်ဖြစ်ပေါ်လာသည့် အန္တရာယ်များကို ပူးပေါင်းဖြေရှင်းရန်လည်း နှိုးဆော်ထားသည်။

ဦးအောင်ဆန်းဦးနှင့် မော်နီတာ ဂျာနယ်တို့ အင်တာဗျူးတွင် အမွေဆိုင် အိမ်အမှုနှင့် ပတ်သက်၍ ဦးအောင်ဆန်းဦးက တရားရုံးဆုံးဖြတ်ချက်မချမီ ကျော်လွန်ပြောဆိုသောကြောင့် ဦးအောင်ဆန်းဦး၊ အင်တာဗျူး ဂျာနယ် အယ်ဒီတာချုပ် ဦးမြတ်ခိုင်နှင့် ထုတ်ဝေသူတို့ကို ဒေါ်အောင်ဆန်းစုကြည်က တရားစွဲလိုက်သည်။ တရားရုံးကို မထီမဲ့မြင်ပြုမှုဖြင့် ဒေါ်အောင်ဆန်းစုကြည်က စွဲဆိုမှုကို တရားရုံးက ယနေ့ လက်ခံလိုက်ကြောင်း သိရသည်။ ဦးအောင်ဆန်းဦးက ၂၀၀၀ ပြည့်နှစ်တွင် နေအိမ်နှင့် ခြံ ပိုင်ဆိုင်လိုမှုဖြင့် ဒေါ်အောင်ဆန်းစုကြည်အား စတင်တရားစွဲဆိုခဲ့သည်။

သမ္မတ ဦးသိန်းစိန် အစိုးရက ပထမဆုံးအကြိမ် သတင်းစာရှင်းလင်းပွဲကို သြဂုတ်လ ၁၂ ရက်နေ့ မနက် ၁၀ နာရီတွင် နေပြည်တော်၌ ကျင်းပမည်ဟု စာပေစိစစ်ရေးဌာနက ပြည်တွင်း သတင်းမီဒီယာများသို့ တရားဝင်အကြောင်းကြားချက် ထုတ်ပြန်ထားသည်။ ဂျာနယ်တတိုက်လျှင် အယ်ဒီတာတဦးနှင့် သတင်းထောက်တဦး တက်ရောက်ခွင့်ပြုသည်ဟု သိရှိရသည်။

အစိုးရ၏ အဖွဲ့ဝင် ၁၁ ဦးပါ ပြောရေးဆိုခွင့်နှင့် သတင်းထုတ်ပြန်ရေးအဖွဲ့ ဖွဲ့စည်းကြောင်း ယနေ့ အစိုးရသတင်းစာများတွင် ထုတ်ပြန်ကြေညာသည်။ ပြန်ကြားရေးဝန်ကြီး ဦးကျော်ဆန်းက အဖွဲ့ခေါင်းဆောင် ဖြစ်ပြီး ပြည်ထဲရေး၊ နိုင်ငံခြားရေး စသည့်ဝန်ကြီးဌာနများမှ ဒုဝန်ကြီးများနှင့် ရဲတပ်ဖွဲ့၊ ကာကွယ်ရေးဦးစီးချုပ်ရုံးတို့မှာ တာဝန်ရှိသူများ ပါဝင်သည်။

ရှမ်းပြည်နယ် မြောက်ပိုင်းတွင် ရှမ်းပြည်တပ်မတော် မြောက်ပိုင်းနှင့် အစိုးရတပ်များအကြား တိုက်ပွဲများကြောင့် နေရပ်စွန့်ခွာ ထွက်ပြေးရသူ ၃ သောင်းကျော် ရှိနေပြီး အကူအညီများ လိုအပ်နေကြောင်း သိရသည်။ မတ်လအတွင်း စတင်ခဲ့သော တိုက်ပွဲများကြောင့် မြို့နယ် ၉ ခုမှ ဒေသခံများသည် တရုတ်နယ်စပ်၊ ထိုင်းနယ်စပ်နှင့် တောတောင်များတွင် ထွက်ပြေးခိုလှုံနေကြောင်း၊ နိုင်ငံတကာ အကူအညီများ မရောက်ရှိနိုင်ဘဲ ရိက္ခာနှင့် သောက်သုံးရေ ပြတ်လပ်ခြင်း၊ မိုးသည်းထန်ပြီး အကာအကွယ် လုံလောက်စွာ မရှိခြင်းကြောင့် သက်ကြီးရွယ်အိုနှင့် ကလေးသူငယ်များ ဝမ်းလျှောဝမ်းပျက်နှင့် ငှက်ဖျားကြောင့် ၂၄ ဦး သေဆုံးကြောင်း ရှမ်းအမျိုးသမီးရေးရာ ဆက်သွယ်လှုပ်ရှား ဆောင်ရွက်ရေးအသင်းနှင့် ရှမ်းလူ့အခွင့်အရေး ဖောင်ဒေးရှင်းတို့က သတင်းထုတ်ပြန်ထားသည်။

သြဂုတ်လ ၉ ရက်နေ့ထုတ် အစိုးရသတင်းစာပါ ဧရာဝတီမြစ်ကြောမှ ရေအားလျှပ်စစ်စီမံကိန်းများအပေါ် ခုခံကာကွယ်ရေးသားမှုကို Eleven Media Group နှင့် သတင်းစာ ဆရာကြီး လူထုဦးစိန်ဝင်းတို့က ပြင်းပြင်းထန်ထန် ဝေဖန်လိုက်သည်။ သတင်းစာ ဆောင်းပါးအပါ အချက်အလက်များအပေါ် ပြန်လည် ထောက်ပြထားပြီး လတ်တလော ဧရာဝတီမြစ်၏ သဘာဝ ဂေဟစနစ် ပျက်စီးနေခြင်းများအပေါ် ဆွေးနွေးဝေဖန်ထားသည်။

မြန်မာနိုင်ငံတွင် နိုင်ငံခြားငွေ လဲလှယ်မှုစနစ် ပြုပြင်ပြောင်းလဲရေး နိုင်ငံတကာ ငွေကြေးရံပုံငွေအဖွဲ့ (IMF) ၏ အကူအညီရယူလိုလျှင် IMF ၏ စည်းမျဉ်းစည်းကမ်းများကို လိုက်နာရမည်ဟု အမေရိကန်က ယနေ့ ပြောဆိုလိုက်သည်။ နိုင်ငံခြားငွေလှဲလှယ်မှုစနစ် ပြောင်းလဲရေး အထောက်အကူပေးရန် မြန်မာအစိုးရက မေတ္တာရပ်ခံထားကြောင်း IMF တာဝန်ရှိသူများက အတည်ပြု ပြောဆိုသော်လည်း ယင်းကိစ္စအတွက် ဆုံးဖြတ်ချက် မချရသေးကြောင်း သိရသည်။

ထိုင်းနိုင်ငံ ရနောင်းခရိုင် ရေပိုင်နက်အတွင်း ဝင်ရောက်လာသော မြန်မာနိုင်ငံသား ၅၅ ဦးကို ယမန်နေ့တွင် ထိုင်းအာဏာပိုင်များက ဖမ်းဆီးလိုက်သည်။ ကော့သောင်းမြို့မှ တဘက်ကမ်းရှိ ရနောင်းမြို့သို့ ရေလမ်းခရီးဖြင့် ဖြတ်သန်းနေစဉ် တရားဝင် ခရီးသွားလာခွင့် စာရွက်စာတမ်း မရှိ၍ ဖမ်းဆီးခြင်းဖြစ်ကြောင်း ထိုင်းသတင်းများတွင် ဖော်ပြထားသည်။ အဖမ်းခံရသူများတွင် အမျိုးသား ၄၃ ဦး၊ အမျိုးသမီး ၉ ဦးနှင့် ကလေး ၃ ဦး ပါဝင်ကြောင်း၊ လှေသမားက ထွက်ပြေးရန် ကြိုးစားခဲ့သေးကြောင်း သိရသည်။