သောက်ရေခပ် ရေအားလျှပ်စစ် စီမံကိန်းတွင် ဗုံး ၃ လုံးပေါက်ပြီး လူလေးယောက် ဒဏ်ရာရကြောင်း အမည်မဖော်လိုသည့် တာဝန်ရှိသူ တဦးက ပြောသည်ဟု အေအက်ဖ်ပီ သတင်းဌာနတွင် ဖော်ပြထားသည်။
ယင်း သောက်ရေခပ် ဆည်စီမံကိန်းသည် အမှတ်(၁)လျှပ်စစ်စွမ်းအား ဝန်ကြီးဌာနမှ သီးခြား တာဝန်ယူလုပ်ကိုင်လျက် ရှိပြီး မဂ္ဂါဝပ် ၁၄၀ ထုတ်လုပ်နိုင်သော စိုက်ပျိုးရေးအတွက် ဆည်ရေပေးဝေနိုင်သည့် စီမံကိန်း ဖြစ်ကြောင်း သိရသည်။သောက်ရေခပ် ဆည်ဆောက်လုပ်ရေးကို အနာဂတ်စွမ်းအား ကုမ္ပဏီလီမိတက်နှင့် မင်းအနော်ရထာ အုပ်စု ကုမ္ပဏီ လီမိတက် တို့က တာဝန်ယူထားပြီး B.O.T (တည်ဆောက်၊ မောင်းနှင်၊ လွှဲပြောင်း စနစ်) ဖြင့် လက်ခံတည်ဆောက်ရန် သဘောတူထား ခြင်း ဖြစ်ကြောင်း Eleven Media Group ၏ အင်တာနက် စာမျက်နှာတွင် ဖော်ပြထားသည်။
မေခ နှင့် မေလိခ မြစ်ဆုံ ရေအားလျှပ်စစ် စီမံကိန်းဒေသ နေရာ ၄ ခုတွင် ဧပြီ ၁၇ ရက်နေ့ကလည်း ပေါက်ကွဲမှုများ ဖြစ်ခဲ့ရာ အဆောက်အအုံနှင့် ယာဉ်များ ပျက်စီးခဲ့ပြီး လူတဦး ဒဏ်ရာရခဲ့သည်။
ဧပြီလ ၁၅ ရက်၊ သင်္ကြန်အတက်နေ့တွင်လည်း ရန်ကုန်မြို့ ကန်တော်ကြီးပတ်လမ်းရှိ X2O မဏ္ဍပ်တွင် ဗုံး ၃ လုံးပေါက်ကွဲ မှုကြောင့် ၁၀ ဦးသေဆုံးပြီး ၁၇၀ ကျော် ဒဏ်ရာရခဲ့ကြောင်း အစိုးရက ထုတ်ပြန်သည်။
| < Prev | Next > |
|---|
