မကွေး ဒေသခံ သတင်းထောက် ကိုအောင်သူငြိမ်းသည် စက်တာဘာလ ၁၃ ရက်နေ့က မကွေးမြို့တွင် မိုးကြီးပြီး ရေလျှံကာ သစ်ပင်များကျိုးကျခြင်းကို ဓာတ်ပုံရိုက်ယူနေစဉ် ရဲများက မေးမြန်းကာ ကင်မရာထဲမှ ပုံများကို ဖျက်ခိုင်းခြင်း၊ ကင်မရာအား သိမ်းဆည်းခြင်းများ ပြုလုပ်ခဲ့ပြီး နောက်တနေ့တွင် မြို့နယ်မှူးရုံးသို့ လာရောက်ရန် ပြောကြားခဲ့ကြောင်း အဆိုပါဂျာနယ်၏ အွန်လိုင်းစာမျက်နှာတွင် ဖော်ပြထားသည်။
စက်တင်ဘာလ ၁၄ ရက်နေ့တွင် မြို့နယ်မှူးရုံးသို့ သွားရောက် တွေ့ဆုံရာ မြို့နယ်မှူးက ယခုကဲ့သို့ နောက်ထပ် မပြုလုပ်တော့ပါ ဆိုသည့် ခံဝန်ချက်ကို လက်မှတ်ထိုးခိုင်းကြောင်း၊ ဂျာနယ်တိုက်သို့ အကြောင်းကြားရန် ပြန်သွားပြီးနောက် ကိုအောင်သူငြိမ်းက လက်မှတ်မထိုးနိုင်ကြောင်း အကြောင်းပြန်သော်လည်း မြို့နယ်မှူးမှာ ရုံးတွင် ရှိမနေကြောင်းနှင့် ၁၅ ရက်နေ့ ရုံးသို့ ထပ်သွားသည့်အခါ မြို့နယ်မှူးရုံးတွင် ပြန်မလွှတ်တော့ဘဲ ထိန်းသိမ်းထားခြင်း ဖြစ်ကြောင်း သိရသည်။
အဆိုပါကိစ္စနှင့် ပတ်သက်၍ Eleven Media Group က မြို့နယ်မှူး ဒုရဲမှူး ကြည်ဝင်းကို တိုက်ရိုက်ဆက်သွယ်၍ မရကြောင်း အင်တာနက်စာမျက်နှာတွင် ဖော်ပြထားသည်။
Weekly Eleven ဂျာနယ်မှ တာဝန်ခံ အယ်ဒီတာ ကိုဝေဖြိုးကလည်း “ သတင်းထောက်အနေနဲ့ ရာသီဥတု သတင်းဖြစ်စဉ်ကို သတင်းရယူ ဓာတ်ပုံရိုက်ကူးတာကလွဲလို့ ဘာမှ အပြစ်ကျူးလွန်ထားတာ မရှိဘူး။ ငယ်တဲ့အမှု ပပျောက်စေအောင် လုပ်ရမှာကို လက်ခံနိုင်စရာ မရှိတဲ့ ခံဝန်တွေ ထိုးခိုင်းပြီး မထိုးရင် ပြန်လို့မရဘူးဆိုတဲ့ အနေအထားကတော့ မဖြစ်သင့်ပါဘူး။ သတင်းထောက်ကတော့ သတင်းယူရမယ့် တာဝန်ရှိပါတယ်” ဟု မှတ်ချက်ပေးထားသည်။
ကိုအောင်သူငြိမ်းသည် ယခုအချိန်အထိ မလွတ်မြောက်သေးကြောင်း သိရပြီး ဆက်လက်ထိန်းသိမ်းထားပါက Eleven က ဥပဒေကြောင်းအရ ဆောင်ရွက်သွားမည်ဟု သိရသည်။
< Prev | Next > |
---|