ဧရာဝတီ

မြန်မာ စစ်ခေါင်းဆောင် ဗိုလ်ချုပ်မှူးကြီး သန်းရွှေ ဦးစီးတည်သည့် နေပြည်တော် ဥပ္ပါတသန္တိ စေတီကြီး၌ ယနေ့ တွင် နိုင်ငံတ၀န်းရှိ သံဃာတော်များကို ပင့်ဖိတ်၍ ဘွဲ့တံဆိပ်များ ဆက်ကပ်ကာ ဆွမ်းဆန်စိမ်းလောင်းလှူကြောင်း သိရသည်။

အဆိုပါ စေတီကြီး ဆွမ်းဆန်စိမ်း လောင်းလှူပွဲသို့ သွားရောက်ခဲ့သော ပျဉ်းမနားမြို့ခံတဦးက ယမန်နေ့တွင် စေတီကြီးကို ထီးတင်ပြီး၍ ယနေ့တွင် ဆွမ်းဆန်စိမ်း လောင်းလှူခြင်း ဖြစ်သည်ဟု ပြောသည်။

“ထီးက မနေ့ကတည်းက တင်တာ၊ ဒီနေ့ ဆွမ်းဆန်စိမ်း လောင်းပွဲပါ၊ သံဃာတော် တွေကိုလည်း ဘွဲ့တဆိပ်တွေ ကပ်တယ်၊ ကျောက်ပန်းတောင်းက ကိုယ်တော်တွေတောင် ပါတယ်၊ အခု ဆွမ်းဆန်စိမ်း လောင်းပြီးလို့ ခဏပြန်လာတာ၊ သံဃာတွေက ဗမာတပြည်လုံးက၊ မနည်းဘူး၊ ၂၀၀ ကျော်လောက် ရှိတယ်”ဟု ၎င်းက ဧရာဝတီသို့ ပြောပြသည်။

ယခုပေးသည့် သာသနာတော်ဆိုင်ရာ ဘွဲ့တံဆိပ်၊ လူပုဂ္ဂိုလ်ဆိုင်ရာ ဘွဲ့တံဆိပ် အများစုသည် သက်ဆိုင်ရာ အာဏာပိုင်ထံသို့ ကာယကံရှင်များက တင်ပြလျှောက်ထားခြင်းဖြစ်သည်ဟု ရန်ကုန်မြို့မှ စာချ ဓမ္မာစရိယ သံဃာတော် တပါးက ပြောသည်။

“၅ လ လောက်ကတည်းက ကြိုပြီးလျှောက်လွှာတင်ရတာ၊ သက်ဆိုင်ရာ အဆင့်ဆင့်ရဲ့ ထောက်ခံချက် ယူရ တယ်၊ အက်စ်ဘီ တို့ ၊ ပြည်ထဲရေးတို့ကလည်း စုံစမ်းစစ်ဆေးတာတွေ ရှိတယ်၊ ဟိုတုန်းက အဂ္ဂမဟာ ပဏ္ဍိတ ဘွဲ့ရ သံဃာဆိုတာ တနိုင်ငံလုံး တပါး ၂ ပါးရှိတယ်၊ အခုက မှိုလိုပေါက်နေတာ”ဟုလည်း ၎င်းက မိန့်ဆိုသည်။

{slimbox images/multimedia/Pagoda/01.jpg,images/multimedia/Pagoda/01-sm.jpg, နေပြည်တော် ဥပ္ပါတသန္တိ စေတီတွင် ရောက်ရှိနေသော ထောင်နှင့်ချီသည့် လူပရိသတ်များ (ဓာတ်ပုံ - အေအက်ဖ်ပီ);images/multimedia/Pagoda/02.jpg,images/multimedia/Pagoda/02-sm.jpg, နေပြည်တော် ဘုရား ထီးတင်ပွဲ၊ စိန်ဖူးတော်ကပ်လှူပွဲတွင် အစောင့်အကြပ်များနှင့် တွေ့ရသည့် ဗိုလ်ချုပ်မှူးကြီးသန်းရွှေ၊ ဇနီး ဒေါ်ကြိုင်ကြိုင်နှင့် စစ်အစိုးရ စစ်ခေါင်းဆောင်များ (ဓာတ်ပုံ - အေအက်ဖ်ပီ); images/multimedia/Pagoda/03.jpg,images/multimedia/Pagoda/03-sm.jpg, ဗိုလ်ချုပ်မှူးကြီးသန်းရွှေ နှင့် ဒု ဗိုလ်ချုပ်မှူးကြီး မောင်အေးတို့ ဘုရားကို ဂါရ၀ ပြု ပူဇော်နေစဉ် (ဓာတ်ပုံ - အေအက်ဖ်ပီ); images/multimedia/Pagoda/04.jpg,images/multimedia/Pagoda/04-sm.jpg, ငွေ စက္ကူများကို ကြဲနေသည့် ဒေါ်ကြိုင်ကြိုင် (ဓာတ်ပုံ - အေအက်ဖ်ပီ); images/multimedia/Pagoda/05.jpg,images/multimedia/Pagoda/05-sm.jpg, ရတနာ စိန်ဖူးတော်ကို သယ်ယူလာနေစဉ် (ဓာတ်ပုံ - ကြေးမုံ); images/multimedia/Pagoda/06.jpg,images/multimedia/Pagoda/06-sm.jpg, ဗိုလ်ချုပ်မှူးကြီးသန်းရွှေ နှင့် မိသားစုဝင်များက စိန်ဖူးတော်ကို ဘုရားအထွတ်သို့ ကပ်လှူပူဇော် (ဓာတ်ပုံ - ကြေးမုံ); images/multimedia/Pagoda/07.jpg,images/multimedia/Pagoda/07-sm.jpg, ဥပ္ပါတသန္တိ စေတီ ထီးတင်၊ စိန်ဖူးတင် မင်္ဂလာအခမ်းအနား အထိမ်းအမှတ် ပွဲလမ်းသဘင်များ ညပိုင်းတွင် ကျင်းပ နေစဉ် (ဓာတ်ပုံ - ကြေးမုံ)}
ယင်း ဘွဲ့တံဆိပ်ရစာရင်းများကို ပြီးခဲ့သည့် ဇန်န၀ါရီ (၄)ရက် လွတ်လပ်ရေးနေ့က ကြေညာခဲ့ပြီး ယနေ့ တပေါင်း လပြည့်နေ့တွင် ပေးအပ်ခြင်းဖြစ်ကြောင်း၊ ယခင်က ရန်ကုန်မြို့ ကမ္ဘာအေးဘုရား မဟာပါသာဏလှိုင်ဂူတွင် ပေးအပ်ခဲ့ ခြင်းဖြစ်ကြောင်း၊ ယခု နေပြည်တော်တွင် စတင်၍ပေးအပ်ခြင်းဖြစ်ပြီး နောင်နှစ်များတွင်လည်း နေပြည် တော်တွင်ပင် ပေးအပ်ဖွယ် အလားအလာရှိကြောင်းလည်း ဆိုသည်။

ယနေ့ထုတ်အစိုးရ သတင်းစာများတွင် ယမန်နေ့ နံနက်ပိုင်းက ဥပ္ပါတသန္တိ စေတီ ဗုဒ္ဓါ ဘိသေက အနေ ကဇာတင် မဟာမင်္ဂလာ အခမ်းအနားကျင်းပပြီး ဗိုလ်ချုပ်မှူးကြီးသန်းရွှေ နှင့် ဇနီး ဒေါ်ကြိုင်ကြိုင် မိသားစု၊ သားမြေးများ တက်ရောက်ကြည်ညိုကြကြောင်း ဓာတ်ပုံများဖြင့် ဝေဆာစွာဖော်ပြထားသည်။

ယင်း ဗုဒ္ဓါ ဘိသေက အနေကဇာတင် မဟာမင်္ဂလာ အခမ်းအနားကို နိုင်ငံတော် သံဃမဟာနာယက အဖွဲ့ ဥက္ကဌ မကွေးဆရာတော်ကြီး ဘဒ္ဒန္တ ကုမာရ အမှူးပြုသည့် သံဃာတော် အပါး ၁၀၈၀ တို့က ဗုဒ္ဓါ ဘိသိက် သွန်းလောင်း ကြောင်းလည်း သတင်းစာတွင်ပါရှိသည်။

ဥပ္ပါတသန္တိ စေတီ မဟာမင်္ဂလာ အခမ်းအနားများ ကျင်းပအောင်မြင်ခြင်း အထိမ်းအမှတ်အဖြစ် ဗိုလ်ချုပ်မှူးကြီး သန်းရွှေ၊ ဒု ဗိုလ်ချုပ်မှူးကြီးမောင်အေး၊ ၀န်ကြီးချုပ် ဗိုလ်ချုပ်ကြီး သိန်းစိန်၊ အတွင်းရေးမှူး(၁) ဒု ဗိုလ်ချုပ်ကြီး သီဟ သူရ တင်အောင်မြင့်ဦး၊ ဗိုလ်ချုပ်ကြီးသူရရွှေမန်း စသည့် စစ်အစိုးရ ထိပ်ပိုင်းခေါင်းဆောင်များနှင့် မိသားစုဝင်များ က ဆွမ်း၊ သစ်သီး၊ ပန်း၊ ရေချမ်းများနှင့် အဖိုးတန် ကျောက်မျက်ရတနာ လှူဖွယ်ဝတ္ထုများလှူဒါန်းကြပြီး အဘယ ဒါန၊ ဇီဝိတဒါန ၊ အာယုဒါန အနေဖြင့် လိပ်နှင့် ငါးများကို ဘေးမဲ့လွှတ်ကြသည်ဟု သတင်းစာများက ဖော်ပြသည်။

ယမန်နေ့ ညပိုင်းတွင်လည်း ရွှေထီးတော်၊ စိန်ဖူးတော် တင်လှူပွဲနှင့် ဗုဒ္ဓါ ဘိသေက အနေကဇာတင် မဟာ မင်္ဂလာ အခမ်းအနား ကျင်းပသည့် အထိမ်းအမှတ်အဖြစ် ကြည့်ချင်ပွဲများဖြင့် ဆက်လက်ပြသဖျော်ဖြေကြောင်း သတင်းစာတွင် ရေးသားထားသည်။

အဆိုပါ ဥပ္ပါတသန္တိ ဟူသော ဘွဲ့အမည်ကိုသတ်မှတ်ခြင်းသည် ဘေးအန္တရာယ် ကင်းဝေးခြင်း အဓိပ္ပာယ်ကို ယူ၍ သတ်မှတ်ခြင်းဖြစ်သည်ဟု သိရသည်။

စစ်ခေါင်းဆောင် ဗိုလ်ချုပ်မှူးကြီးက ရှေးခေတ် ပဒေသရာဇ် ရှင်ဘုရင်များ အလားသဏ္ဍန် ခံယူကျင့်သုံးနေသူဟု ယူဆရကြောင်းနှင့် ယခု စေတီတော်ကြီးကိုလည်း ရှင်ဘုရင်များက နန်းဦးစေတီ၊ နန်းတက်ဘုရားသဖွယ် တည် သကဲ့သို့ တည်ထားခြင်းလည်း ဖြစ်နိုင်သည်ဟု အထက်ပါ သံဃာတော်က မိန့်ဆိုသည်။

နေပြည်တော်ရှိ ဥပ္ပါတသန္တိ စေတီကို တည်ရခြင်းအကြောင်းအရင်းသည် စစ်အစိုးရအနေဖြင့် သံဃာတော်များကို နှိပ်စက်သတ်ဖြတ်မှုများ အပါအ၀င် မြန်မာ ပြည်သူများအပေါ် ကျူးလွန်ထားသည့် ပြစ်မှုများစွာအတွက် ယတြာ ချေသည့် အနေဖြင့် တည်ခြင်း ဖြစ်နိုင်သည်ဟု မြန်မာပြည်သူများအကြားတွင် ပြောဆိုနေကြကြောင်း သိရသည်။

ယင်း ဥပ္ပါတသန္တိ စေတီတော်ကြီးကို လွန်ခဲ့သည့် ၂၀၀၆ ခုနှစ်က စတင်၍ တည်ခဲ့ပြီး နေပြည်တော်ကို လက်ရှိ စစ်အစိုးရက ၂၀၀၅ ခုနှစ် နိုဝင်ဘာလအတွင်း၌ ပြောင်းရွှေ့၍ ၂၀၀၆ ခုနှစ်အတွင်းတွင် မြန်မာနိုင်ငံ၏ မြို့တော် အဖြစ် သတ်မှတ်ကြေညာခဲ့သည်။

< Prev		Next >