မနက်ဖြန်ဆိုပါက မြန်မာပြည်တွင် ရွေးကောက်ပွဲကျင်းပမည်ဖြစ်သောကြောင့် မဲပေးပိုင်ခွင့်ရှိသည့် ပြည်သူ ၂၉ သန်းသည် မဲပေး ခွင့်ရတော့မည်ဖြစ်သည်။ ယခုရွေးကောက်ပွဲသည် လွတ်လပ်၊ တရားမျှတပြီး အားလုံးပါဝင်နိုင်မည့် ရွေးကောက်ပွဲမဟုတ်ပါ။ ရွေးကောက်ပွဲဖြစ်စဉ်တခုလုံးသည် အပြစ်အနာအဆာများနှင့် ပြည့်နေသည့်အပြင် ဒီမိုကရေစီနည်းလည်းမကျပါ။ အကြောက် တရား ဖုံးလွှမ်းနေသည့် ဝန်းကျင်၊ ခြိမ်းခြောက်မှု၊ နှောင့်ယှက်မှု၊ လွတ်လပ်သည့် မီဒီယာနှင့် ရွေးကောက်ပွဲ စောင့်ကြည့် လေ့လာ ရေး အဖွဲ့များ မရှိမှု၊ ကြိုတင်မဲများ နေရာအနှံ့ ကောက်ယူနေမှု စသည်တို့သည် ရွေးကောက်ပွဲတွင် စစ်အစိုးရနှင့် ၎င်း၏လက်ဝေခံ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(ကြံ့ဖွံ့ပါတီ)ကပဲ နိုင်လိမ့်မည်ဆိုသည့် သင်္ကေတများပင် ဖြစ်ပါသည်။
လေ့လာဆန်းစစ်သူများကတော့ ယခုရွေးကောက်ပွဲသည် စစ်အုပ်ချုပ်ရေးကို အရပ်ဝတ်နှင့် ရေရှည်တည်တံ့စေမည့် အတု အယောင် ဘရုတ်ဘယက် ရွေးကောက်ပွဲဖြစ်သည်ဟု ဆိုပြီး အသိအမှတ်မပြုကြပါ။ ဟုတ်သည်။ စစ်တပ်က စစ်တန်းလျားကို ပြန်မည့် အစီအစဉ်မရှိပါ။
အမှန်တွင် ယခုရွေးကောက်ပွဲသည်“စည်းကမ်းပြည့်ဝသော ဒီမိုကရေစီ”ကို စတင် အသက်သွင်းမည့် စစ်အစိုးရ“လမ်းပြ မြေပုံ”၏ အချက်အချာဖြစ်သည်။ စစ်အစိုးရသည် အဓိကနိုင်ငံရေးခေါင်းဆောင် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသား ၂၀၀၀ ကျော်ကို ထိန်းသိမ်းထားဆဲဖြစ်ပြီး ဒေါ်အောင်ဆန်းစုကြည်ကို ရွေးကောက်ပွဲအပြီး ရက်ပိုင်းအတွင်းလွှတ်ပေးမည် ဆိုသည့် ကောလဟာလများလည်း ထွက်နေပါသည်။
ဒေါ်ဆောင်ဆန်းစုကြည်နှင့် ၎င်း၏ ၁၉၉၀ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်(NLD)သည် ယခု ရွေးကောက်ပွဲကို သပိတ်မှောက်ခဲ့သည်။ ရွေးကောက်ပွဲမဝင်ရန် ဆုံးဖြတ်ချက်နှင့် ပတ်သက်ပြီး တစုံတရာ အငြင်းပွားစရာရှိနိုင်သော်လည်း ယင်း ဆုံးဖြတ်ချက်သည် ရဲရင့်သည့် ဆုံးဖြတ်ချက် ဖြစ်ပါသည်။ အကယ်၍ NLD အနေနှင့် ရွေးကောက်ပွဲဝင်ရန် ဆုံးဖြတ်ခဲ့လျှင်လည်း စစ်အစိုးရ ပြည်ထောင်စု ရွေးကောက်ပွဲ ကော်မရှင်(EC) က မှတ်ပုံတင်ခွင့် ပေးမည့် အလားအလာနည်းပါသည်။
အနောက်နိုင်ငံအစိုးရများကတော့ ရွေးကောက်ပွဲရလဒ်သည် နိုင်ငံတကာအသိုင်းအဝိုင်းတွင် တရားဝင်မည် မဟုတ်ကြောင်း၊ ထို့ကြောင့် ရွေးကောက်ပွဲအပြီးကာလများတွင် မြန်မာနိုင်ငံအပေါ် သံတမန်အဆက်အသွယ်ဖြတ်တောက်မှုနှင့် ဒဏ်ခတ် ပိတ်ဆို့မှု များရှိလာနိုင်ကြောင်း စစ်အစိုးရကို သတိပေးခဲ့ပါသည်။
စစ်အစိုးရအနေနှင့် ရွေးကောက်ပွဲရလာဒ်ကို ယုံကြည်စိတ်ချမှုရှိသည်ဆိုလျှင် ရွေးကောက်ပွဲဖြစ်စဉ်ကို မည်သို့မျှ ကြိုးကိုင် ချယ် လှယ် နေရန် မလိုပါ။ ရွေးကောက်ပွဲရလဒ်ကို လိုသလိုပြင်နိုင်ရန် အရှက် သိက္ခာမရှိဗြောင်ကျကျ ကြိုတင်မဲကောက်ခြင်းများနှင့် မဲဆန္ဒရှင်များကို ပိုမို ခြိမ်းခြောက်နေခြင်းများက ဗိုလ်ချုပ်ကြီးများကို လူကြိုက်မများခြင်းများကို ပေါ်လွင်စေသည့်အပြင် စစ်အစိုးရ အနေနှင့် ရွေးကောက်ပွဲရှုံးမည်ကို ကြောက်ရွံ့နေကြောင်း ထင်ရှားစေပါသည်။ မည်သို့ပင် ဖြစ်စေ စစ်အစိုးရအနေနှင့် ယခု ရွေးကောက်ပွဲတွင် ၎င်း၏ ကြံ့ဖွံ့ပါတီ အနိုင်ရရန် ဆုံးဖြတ်ချက်ချပြီးသားဖြစ်သည်။
ထို့ကြောင့်ပင် ကြံ့ဖွံ့ပါတီကိုမထောက်ခံလျှင် မည်သို့ဖြစ်မည်ဆိုသော မဲဆန္ဒရှင်များကို ခြိမ်းခြောက်ခြင်းများ အပါအဝင် မတရားမှု များနှင့် ပတ်သက်သည်များမှာ ပြည်တွင်း၌ စဉ်ဆက်မပြတ် ကြားနေရသည်။
စစ်အစိုး၏ ထုတ်ပြန်ကြေညာချက်များတွင်လည်း ပြည်သူကို ဆန္ဒမဲပေးရန်နှင့် နိုင်ငံတကာနှင့် ပြည်ပအခြေစိုက် သတင်းဌာနများ ၏ သတင်းများကို နားမယောင်ကြရန် တိုက်တွန်းထားသည်။
မနက်ဖြန်တွင် လူမည်မျှပင် မဲပေးပေး၊ မည်သူ့ကိုပဲပေးပေး စစ်အစိုးရက တိုင်းပြည်ကို ဆက်အုပ်ချုပ်နေမည်ဖြစ်သည်။ ထို့ကြောင့် ရွေးကောက်ပွဲရလဒ်သည် မယုံကြည်ရသည့်အပြင် လူထုဆန္ဒကို ထင်ဟပ်သည့် ရလဒ်လည်း မဟုတ်ပါ။ သို့သော် ၁၉၉၀ ရွေးကောက်ပွဲ ကဲ့သို့ပင် ၂၀၁၀ ရွေးကောက်ပွဲ ရလဒ်သည်လည်း လွယ်လွယ်နှင့် ပျောက်သွားမည် မဟုတ်ပါ။ စစ်အစိုးရသည် ရွေးကောက်ဖြစ်စဉ်ကို ကြိုးကိုင် လိမ်လည်သူအဖြစ် အမြဲတမ်း စွပ်စွဲခံနေရမည်ဖြစ်သည်။
သေချာသည်ကတော့ မနက်ဖြန်ရွေးကောက်ပွဲတွင် မဲသွားပေးကြမည့်သူ အရေအတွက်သည် ၁၉၉၀ ရွေးကောက်ပွဲထက် နည်း လိမ့်မည် ဆိုသည်ပဲ ဖြစ်သည်။ ၁၉၉၀ က ဆန္ဒမဲပေးနိုင်သူဦးရေ၏ ၇၀ ရာခိုင်နှုန်းက မဲပေးခဲ့ခြင်းဖြစ်သည်။ ယခုတကြိမ်တွင် ပြည်တွင်းပြည်ပက ဆန့်ကျင်လှုပ်ရှားသည့် အဖွဲ့များကလည်း လူထုကို မဲပေးရေး၊ မပေးရေး၊ ကြားနေရေး စသဖြင့် တိုက်တွန်း နေသည်များလည်း ရှိသည်။ လူထုအနေဖြင့်မူ ရွေးချယ်စရာ အမှန်တကယ် နည်းပါးလှပါသည်။
ရွေးကောက်ပွဲဝင်ရန် ဆုံးဖြတ်သည့်အတွက် ရွေးကောက်ပွဲထောက်ခံသူများဟု အမြင်ခံရသည့် လူငယ်များနှင့် တချို့သော နိုင်ငံရေး သမားများသည် စစ်အစိုးရကို ထောက်ခံသူများဟု ပြော၍ မရပါ။ ၎င်းတို့သည်လည်း စစ်မှန်သည့် အပြောင်းအလဲကို မြင်ချင်နေသူများဟု ယူဆပါသည်။
ရွေးကောက်ပွဲရလဒ်ကို ကျနော်တို့ သိနေသော်လည်း တိုင်းပြည်အပြောင်းအလဲကို မြင်လိုသောကြောင့် အပြောင်းအလဲအတွက် ၎င်းတို့ ဆန္ဒကို ထုတ်ဖော်ခွင့်ရှိသည်၊ ရွေးကောက်ပွဲဝင်ခွင့်ရှိသည်ဟု ယုံကြည်ပြီး အင်တိုက်အားတိုက် စိတ်ရောကိုယ်ပါ လှုပ်ရှား ခဲ့ကြသည့် လူနည်းစု အတိုက်အခံအဖွဲ့များ တိုင်းရင်းသားပါတီများနှင့် လူပုဂ္ဂိုလ်များကို ဂုဏ်ပြုလိုပါသည်။ ၎င်းတို့၏ သတ္တိနှင့် နိုးကြား တက်ကြွမှုကို အသိအမှတ်ပြုပါသည်။
တချိန်တည်းမှာလည်း “မဲမပေးရေး”နှင့် ရွေးကောက်ပွဲသပိတ်မှောက်ရေးကို ကိုင်စွဲသည့် အတိုက်အခံများ မှားသည်ဟု မယူဆပါ။ ယခု ရွေးကောက်ပွဲသည် စစ်အာဏာရှင်စနစ် ရေရှည်တည်တံ့ရန် ဆိုသည်မှာ ရှင်းပါသည်။ ထို့ကြောင့် ၎င်းတို့ အမြင်နှင့် ရပ်တည် ချက်သည်လည်း မှန်ပါသည်။
မည်သို့ပင်ဖြစ်စေ စစ်အာဏာရှင်များ၏ ဆယ်စုနှစ် ချီ၍ ဖိနှိပ်အုပ်ချုပ်ခံခဲ့ရသည့် မြန်မာနိုင်ငံက ပြည်သူများအနေနှင့် မည်သည့် အခွင့်အရေးရရ ရသည့်အခွင့်အရေးကို အမိဖမ်းဆုပ်ပြီး ရက်စက်ယုတ်မာသော ပဒေသရာဇ် အာဏာရှင်များကို ဖြုတ်ချသင့် သည်ဟု ယုံကြည်ပါသည်။
ထို့ကြောင့် မြန်မာပြည်က မဲဆန္ဒရှင်အများစုက မနက်ဖြန် ရွေးကောက်ပွဲတွင် ကြံ့ဖွံ့ပါတီနှင့် စစ်အစိုးရလက်ဝေခံများကို မဲပေးကြ မည် မဟုတ်ဟု မျှော်လင့်ပါသည်။ တိုင်းရင်းသားဒေသများ တွင်လည်း စစ်အစိုးရနှင့် မပတ်သက်သည့် တိုင်းရင်းသားပါတီများကိုပဲ မဲပေးကြလိမ့်မည်ဟု မျှော်လင့်ရသည်။ ပြည်သူများအနေနှင့် ဤသို့ပင် ပြုလုပ်သင့်သည်ဟုလည်း ယုံကြည်ပါသည်။ ၎င်းတို့တွင် မဲပေးခွင့်အပြင် ခြိမ်းခြောက်မှု၊ အကျပ်ကိုင်မှုများကိုလည်း ဖီဆန်နိုင်သည့် အခွင့်အရေး အပြည့်အဝရှိပါသည်။ အမြဲတမ်းယုံကြည် သည်ကတော့ ဘရုတ်ဘယက် အတုအယောင် ရွေးကောက်ပွဲကနေ မြန်မာပြည်အပြောင်းအလဲ ဖြစ်လာမည် မဟုတ်ပါ။ အပြောင်း အလဲကို လိုချင်သည့် ပြည်သူများ နိုးကြားတက်ကြွမှုနှင့်သာ အပြောင်းအလဲဖြစ်လာမည်ဖြစ်သည်။ ပြည်သူလူထုအနေနှင့် စစ် အာဏာ ရှင်ကို ကိုင်လှုပ်ရန် အချိန်ရောက်ပြီဖြစ်သည်။
| < Prev | Next > |
|---|
