မြစ်ဝကျွန်းပေါ်ဒေသတွင် Cyclone Shelter ရာပေါင်းများစွာလိုအပ်သော်လည်း စစ်အစိုးရ က စုစုပေါင်း အလုံး နှစ်ဆယ်ခန့် တည်ဆောက်ရန်သာ စီစဉ်ပေးထားပြီး ယခုအချိန်ထိ မြေတူးဆဲအဆင့်တွင်သာ ရှိနေ၍ အမြန် တည်ဆောက်သင့်ကြောင်း ဘိုကလေးနှင့် လပွတ္တာဒေသခံများက ပြောသည်။ “မုန်တိုင်းတိုက်ပြီးတာ တနှစ်ပြည့်ပြီ။ ကျနော်တို့ ချောင်းဝကျေးရွာမှာ ရွှေသံလွင်က ဆောက်နေတဲ့ ဆိုင်ကလုန်း နားခိုတဲ့ အဆောက်အဦးက ဘာမှအကောင်အထည်မပေါ်သေးဘူး။ မုန်းတိုင်းဆိုရင် ကျနော်တို့ရွာသူရွာသား တွေ ဘယ်ပြေးလို့ပြေးရမှန်းမသိဘူး”ဟု လပွတ္တာမြို့နယ်၊ ချောင်းဝ ရွာသားတဦးက ပြောသည်။
ယမန်နှစ် မေလ ၂ ရက်က ဧရာဝတီတိုင်း မြစ်ဝကျွန်းပေါ်နှင့် ရန်ကုန်တိုင်းတို့တွင် တိုက်ခတ်ခဲ့သော နာဂစ် ဆိုင် ကလုန်း မုန်တိုင်းကြောင့် အနည်းဆုံး လူပေါင်း ၁၄၀၀၀၀ နီးပါးသေဆုံး ခဲ့ရသည်။
မြစ်ဝကျွန်းပေါ်ဒေသတွင် Cyclone Shelter များတည်ဆောက်ရန် စစ်အစိုးရက ဆောက်လုပ်ရေးကုမ္ပဏီများကို ကန်ထရိုက်ပေးခဲ့ခြင်းဖြစ်သည်။(တာဝန်ယူဆောက်လုပ်နေသည့် ကုမ္ပဏီ စာရင်းကို အောက်တွင်ဖော်ပြထားပါ သည်)
ယခုတည်ဆောက်သော Cyclone Shelter အရေအတွက်မှာ မြစ်ဝကျွန်းပေါ်ဒေသတခုလုံးရှိ လူဦးရေ သန်းပေါင်း များစွာအတွက်မလုံလောက်ဘဲ အနည်းဆုံး တရာ တည်ဆောက်ပေးမှသာ လုံလောက်နိုင်မည်ဖြစ်ကြောင်း အေ၀မ်း ဆောက်လုပ်ရေး ကုမ္ပဏီမှ အင်ဂျင်နီယာတဦးကပြောသည်။
“ခုဆောက်တဲ့နှုန်းက Cyclone Shelter တလုံးကို ရွာပေါင်း ၅၀ က လူတွေခိုလှုံရမဲ့သဘောဖြစ်နေတယ်။ ရွာတိုင်း မဟုတ်ရင်တောင် ကျေးရွာအုပ်စုကြီးတခုမှာ တခုဆောက်သင့်တယ်။ဒါပေမယ့် အစိုးရက မဆောက်ပေးဘူး”ဟု အဆိုပါ အင်ဂျင်နီယာကပြောသည်။
လူ ၅၀၀ ဆံ့ Cyclone Shelter တခုလျှင် ငွေကျပ် သိန်းတစ်သောင်းလေးထောင် ကုန်ကျပြီး ဆောက်လုပ်ရေး ကုမ္ပဏီများအနေဖြင့် ဆောက်လုပ်ပြီးစီးသည့်အဆင့်ကိုလိုက်၍ အစိုးရထံမှ လေးရစ်ခွဲကာ ငွေပြန် လည်ထုတ်ယူ ရမည်ဖြစ်သည်ဟု သိရှိရသည်။
ဧပြီလလယ်က ဘစ်ဂျလီ မုန်တိုင်း မြစ်ဝကျွန်းပေါ်ဒေသသို့ ၀င်ရောက်မည်ဆိုသောသတင်းများပေါ်ထွက်ခဲ့ရာ နားခိုရာနေရာမရှိသည့်အတွက် ထိတ်လန့်ခဲ့ကြရသည်ဟု လပွတ္တာ ဒေသခံများက ပြောသည်။
ယခုနှစ်၊ မုတ်သုံရာသီမတိုင်မီနှင့် မုတ်သုံရာသီအတွင်း ဘင်္ဂလားပင်လယ်အော်တွင် မုန်တိုင်း အနည်းဆုံး ခြောက် လုံး ဖြစ်ပေါ်နိုင်ပြီး မြန်မာနိုင်ငံသို့ ၀င်ရောက်နိုင်ကြောင်း မိုးလေ၀သနှင့်ဇလဗေဒဦးစီးဌာနညွှန်ကြားရေး မှုးချူပ် ဦးထွန်းလွင်က ဧပြီလလဆန်းပိုင်းအတွင်း ကျင်းပသော စာတမ်းဖတ်ပွဲတခုတွင် ခန့်မှန်းပြောဆို ထားသည့် အတွက် မြစ်ဝကျွန်းပေါ်ဒေသခံများမှာ ပိုမိုထိတ်လန့်လျက်ရှိသည်ဟု သိရှိရသည်။
မုန်တိုင်းဒဏ်အဆိုးရွားဆုံးခံခဲ့ရသော ဘိုကလေးမြို့နယ်တွင် ကျေးရွာပေါင်း ၅၈၉ ရွာရှိကာ လပွတ္တာမြို့နယ်တွင် ကျေးရွာပေါင်း ၅၀၀ နီးပါးရှိသည်။
| စဉ် | ကုမ္ပဏီ | မြို့နယ်/ကျေးရွာ | Shelter | ဆံ့သည့်လူဦးရေ |
| ၁ | ရွှေသံလွင် | လပွတ္တာ/ချောင်းဝရွာ | ၂ | လူ ၅၀၀ ဆံ့ |
| ၂ | FMI | လပွတ္တာ/သင်္ကန်းကုန်းရွာ | ၁ | လူ ၅၀၀ ဆံ့ |
| ၃ | တက်လမ်း | လပွတ္တာ/သက်ကယ်သောင်ရွာ | ၁ | လူ ၅၀၀ ဆံ့ |
| ၄ | TZTM | လပွတ္တာ/သင်္ကန်းကြီးရွာ | ၁ | လူ ၅၀၀ ဆံ့ |
| ၅ | ဧရာ ရွှေဝါ | လပွတ္တာ/ဇင်ရွဲကြီးရွာ | ၁ | လူ ၅၀၀ ဆံ့ |
| ၆ | မိုးကြယ်စင် | လပွတ္တာ/စလူဆိပ်ရွာ | ၁ | လူ ၅၀၀ ဆံ့ |
| ၇ | မက်စ် မြန်မာ | လပွတ္တာ/ပြင်စလူကျေးရွာ | ၁ | လူ ၅၀၀ ဆံ့ |
| ၈ | အေဝမ်း | လပွတ္တာ/ပြင်စလူကျေးရွာ | ၁ | လူ ၅၀၀ ဆံ့ |
| ၉ | ဝါဝါဝင်း | လပွတ္တာ/ပိုးလောင်းရွာ | ၁ | လူ ၅၀၀ ဆံ့ |
| ၁၀ | ဝါဝါဝင်း | လပွတ္တာ/သစ်ပုတ်ရွာ | ၁ | လူ ၅၀၀ ဆံ့ |
| ၁၁ | မြတ်နိုးသူ | လပွတ္တာ/ပိုးလောင်းရွာ | ၁ | လူ ၅၀၀ ဆံ့ |
| ၁၂ | မြတ်နိုးသူ | လပွတ္တာ/သစ်ပုတ်ရွာ | ၁ | လူ ၅၀၀ ဆံ့ |
| ၁၃ | ထူး | ဘိုကလေး/ကဒုံကနိကျေးရွာ | ၁ | လူ ၅၀၀ ဆံ့ |
| ၁၄ | ဒိုင်းမွန်းမာကျူရီ | ဘိုကလေး/ဧရာကျေးရွာ | ၂ | လူ ၅၀၀ ဆံ့ |
| ၁၅ | Original | ဖျာပုံ/ဒေါ်ညိမ်းကျေးရွာ | ၁ | လူ ၅၀၀ ဆံ့ |
| ၁၆ | ယုဇန | ဖျာပုံ/ဓမင်းဆိပ်ကျေးရွာ | ၁ | လူ ၅၀၀ ဆံ့ |
| ၁၇ | ဒဂုန်အင်တာနေရှင်နယ် | ဖျာပုံ/အမာကျေးရွာ | ၁ | လူ ၅၀၀ ဆံ့ |
| ၁၈ | မြနန္ဒာ | ဒေးဒရဲ/သောကြာကျေးရွာ | ၁ | လူ ၅၀၀ ဆံ့ |
| ၁၉ | ဧဒင် | ဒေးဒရဲ/ကျုံဒါးရွာ | ၁ | လူ ၅၀၀ ဆံ့ |
| ၂၀ | ရွှေတောင် | ဒေးဒရဲ/တိုးရွာ | ၁ | လူ ၅၀၀ ဆံ့ |
| ၂၁ | အေးရှားဝေါ | ကွမ်းခြံကုန်း/လက်ခုပ်ကုန်းရွာ | ၁ | လူ ၅၀၀ ဆံ့ |
| < Prev | Next > |
|---|
