ဗဟိုဝန်ထမ်းတက္ကသိုလ်၌ ဖွင့်လှစ်သည့် အခြေခံ ဆရာ၊ ဆရာမများ အထူးမွမ်းမံသင်တန်း အပတ်စဉ် ၃၄ သင်တန်းဆင်းပွဲကို သြဂုတ် ၁ ရက်နေ့က ကျင်းပခဲ့စဉ် ဦးသောင်းက အထက်ပါအတိုင်း ပြောဆိုခဲ့ခြင်း ဖြစ်သည်။
၎င်းက ယခင်ကကဲ့သို့ ဆရာဗဟိုပြု သင်ကြားမှု ပုံစံအတိုင်း ဆက်လက် သင်ကြားခြင်း မပြုသင့်ဟုလည်း ဆိုသည်။
ရန်ကုန်အရှေ့ပိုင်းတက္ကသိုလ်မှ လက်ထောက်ကထိက တဦးက ယခုလက်ရှိတွင် အခြေခံပညာနှင့် တက္ကသိုလ် အဆင့်များ၌ သင်္ခန်းစာကို အလွတ်ကျက်မှတ်သည့် ပုံစံဖြင့်သာ သင်ကြားနေကြကြောင်း၊ ဆရာ ဆရာမ များမှာလည်း ထိုကဲ့သို့ အလွတ်ကျက်သည့် စနစ်ကိုသာ အသားသေ၍ ရင်းနှီးနေကြောင်း ပြောသည်။
ထိုင်းနိုင်ငံအခြေစိုက် ရွှေ့ပြောင်းအလုပ်သမားများ၏ ပညာရေးအတွက် အစဉ်ဆောင်ရွက်လျှက်ရှိသူ ဒေါက်တာ သိန်းလွင်က မြန်မာနိုင်ငံအတွင်းရှိ အစိုးရ အခြေခံပညာ ကျောင်းများတွင် ကျောင်းသားဗဟိုပြု ပုံစံဖြင့် စာသင် ကြားခြင်းမှာ ယခုအချိန်ထိ ကျင့်သုံးနိုင်ခြင်း၊ အောင်မြင်နိုင်ခြင်း မရှိသေးသော်လည်း ဝန်ကြီးဦးသောင်း၏ ထုတ်ဖော်ပြောကြား ချက်ကိုမူ ကြိုဆိုသည်ဟု ပြောသည်။
ဆက်လက်၍ ၎င်းက “ကျောင်းသားဗဟိုပြု ပုံစံနဲ့ စာသင်ကြားဖို့ဆိုတာက ဆရာတွေကို ဒီထက်ပိုပြီး သင်တန်းတွေ ပေးရမယ်၊ ကျောင်းသားတွေရဲ့ ကိုယ်ပိုင် ဖန်တီးမှု၊ ရှာဖွေဖော်ထုတ်မှု၊ တီထွင်မှုတွေကိုလည်း ဒီထက်ပိုပြီး အားပေးရမယ်၊ ကြိုဆိုရမယ်” ဟု ဆိုသည်။
လွန်ခဲ့သည့် ၂၀၀၇ ခုနှစ်ကတည်းက ကျောင်းသားဗဟိုပြု သင်ကြားရေးစနစ်ကို ရန်ကုန်မြို့တွင်း အခြေခံ ပညာကျောင်း ၂၄ ကျောင်းတွင် စတင်ခဲ့သော်လည်း ထင်ရှားသည့် အောင်မြင်မှု မရရှိခဲ့ကြောင်း ရန်ကုန်တက္ကသိုလ် ကထိကဟောင်း တဦးဖြစ်သူ ဒေါ်ငြိမ်းခက်ခက်က သုံးသပ်သည်။
ဆက်လက်၍ ၎င်းက “တကယ်ဆိုရင်တော့ ဒီစနစ်ကို နိုင်ငံတကာမှာ စခဲ့တာ ၁၀ စုနှစ် တခု မကတော့ဘူး။ မြန်မာနိုင်ငံမှာ ဒီစနစ် စသင့်တာ ကြာပြီ” ဟု ဆိုသည်။
ကျောင်းသားဗဟိုပြု စနစ်နှင့်စာသင်ကြားပါက ဆရာ၊ ဆရာမများတွင် ပိုမို တာဝန်ရှိသွားမည် ဖြစ်သောကြောင့် ထိုစနစ်နှင့် ရင်းနှီးမှုမရှိသော ဆရာ၊ ဆရာမများကို သင်တန်းများစွာ ပေးရန်လိုအပ်ကြောင်းလည်း ၎င်းက ပြောသည်။
“ရင်းနှီးလာတဲ့ ဆရာဗဟိုပြု ပုံစံကနေ ရုတ်တရက်ပြောင်းလဲလိုက်မယ်ဆိုရင် အဓိကက အဲဒီဆရာတွေမှာ ဝမ်းစာ ပြည့်ဝနေဖို့လိုတယ်။ ကျောင်းသားဗဟိုပြု ပုံစံဆိုတာက ကျောင်းသားတွေကို သင်ပေးတာမဟုတ်တော့ဘဲ သူတို့ဟာ သူတို့ လေ့လာခိုင်းတာ။ အဲဒီမှာ ကျောင်းသားတွေဆီက မေးခွန်းတွေ အများကြီးထွက်လာလ်ိမ့်မယ်၊ အဲဒီမေးခွန်းတွေကို ဖြေနိုင်တဲ့ ဝမ်းစာ ဆရာတွေမှာ ရှိနေရမယ်” ဟု ဒေါ်ငြိမ်းခက်ခက်က ဆက်ပြောသည်။
မြန်မာပြည် ပညာရေးစနစ်သည် အစမ်းသပ်ခံ အဆင့်တွင်သာရှိနေပြီး သင်ရိုးညွှန်းတမ်းများကို မကြာခဏ ပြောင်းလဲ သတ်မှတ်နေသဖြင့် သင်ကြားသူ ဆရာ၊ ဆရာမများကော သင်ယူသူ ကျောင်းသူ၊ ကျောင်းသားများပါ အခက်အခဲနှင့် တွေ့ကြုံကြရကြောင်း ပညာရေးနှင့်ပတ်သက်၍ ကျွမ်းကျင်သူများက သုံးသပ်ကြသည်။
“ကျောင်းသားဗဟိုပြု ပုံစံနဲ့ စာသင်ကြားမယ်ဆိုရင် ဆရာ၊ ဆရာမ အင်အားက ဒီထက်မက အများကြီး လိုအပ်မယ်။ ဒီလို လုပ်နိုင်ရင်တော့ တကယ်ကောင်းပါတယ်။ ဒါပေမယ့် မြို့ပေါ်တွေမှာသာ မကဘဲ ကျေးလက် တောရွာတွေမှာပါ အဲဒီစနစ်ကို အကောင်အထည် ဖော်ရမယ်” ဟု ဒေါက်တာ သိန်းလွင်က ဆိုသည်။
| < Prev | Next > |
|---|
