“ပထမဆုံးအကြိမ်ဆိုတော့ တက်ရောက် နားထောင်သူအဆင့်နဲ့ပဲ နေကြရမယ်ထင်တယ်” ဟု မွန်ဒေသ လုံးဆိုင်ရာ ဒီမိုကရေစီပါတီ (AMDP) ၏ ဥက္ကဋ္ဌ နိုင်ငွေသိန်းက ဧရာဝတီကို ပြောသည်။
လွှတ်တော်နှင့် ပတ်သက်၍ ၂၀၀၈ ဖွဲ့စည်းပုံပါ အချက်တချို့မှလွဲ၍ မည်သို့ လုပ်ဆောင်သွားမည် ဆိုသော အကြောင်းအရာများကို တာဝန်ရှိသူများက နိုင်ငံရေးပါတီများကို ကြိုတင်အသိပေးခြင်း မရှိ၍ မည့်သည့်အနေအထားဖြင့် ဆွေးနွေးရမည်ကို မသိကြသေးကြောင်း ၎င်းက ဆက်ပြောသည်။
လွှတ်တော်သစ်နှင့်ပတ်သက်၍ နိုင်ငံရေးပါတီများက တိကျသော အစီအစဉ်များ မရှိသော်လည်း ပြည်ထောင်စုကြံ့ခိုင်ရေးနှင့် ဖွံဖြိုးရေးပါတီ (ကြံ့ဖွံ့ပါတီ) ကမူ လာမည့်အစိုးရသစ်အတွက် ကြိုတင်ပြင်ဆင်မှု အားလုံးကို ဆောင်ရွက်ထားသည်ဟု သိရသည်။
ပထမဆုံးအကြိမ် ခေါ်ယူမည့် လွှတ်တော်တွင် သမ္မတ၊ ဒုတိယ သမ္မတ များကို ရွေးချယ်မည်ဟု ခန့်မှန်းရကြောင်း ပါတီခေါင်းဆောင်များက ဆိုသည်။
အစိုးရသစ်တွင် တာဝန်ထမ်းဆောင်မည့် သမ္မတသည် ၂၀၀၈ ဖွဲ့စည်းပုံအရ နိုင်ငံရေး၊ စီးပွားရေး၊ စစ်ရေး စသည့် အမြင်များ ရှိရမည်ဟု ဆိုထားသောကြောင့် ကြံ့ဖွံ့ကိုယ်စားလှယ်သာ သမ္မတဖြစ်လိမ့်မည်ဟု နိုင်ငံရေး အကဲခတ်များက ဆိုသည်။
၂၀၀၈ ဖွဲ့စည်းပုံအခြေခံ ဥပဒေအရ ပေါ်ပေါက်လာမည့် လွှတ်တော်တွင် စစ်တပ်မှ တဦး၊ အနိုင်ရ အရပ်သား ကိုယ်စားလှယ် များထဲမှ ၂ ဦးတို့ကို ဒုတိယ သမ္မတ အဖြစ်ရွေးချယ် တင်မြှောက်ကြမည် ဖြစ်ပြီး ထို ၃ ဦးထဲမှ တဦးကို သမ္မတ အဖြစ် ရွေးချယ်တင်မြှောက်ရမည် ဖြစ်သည်။
ပြည်နယ်၊ တိုင်းဒေသ များ၏ ၀န်ကြီးချုပ် ရာထူးများကိုလည်း ရွေးချယ် ထားပြီး ဖြစ်သည်ဟု နိုင်ငံရေးပါတီ ခေါင်းဆောင်များက ဆိုသည်။
“လွှတ်တော်သစ်မို့လို့ ကြံ့ဖွံ့ရဲ့ ဦးဆောင်မှုနောက်ကပဲ လိုက်ကြရမှာပါ။ ကျနော်တို့အတွက်လည်း ပြောဆိုနိုင်မယ့် အခွင့်အရေးတွေ နည်းနေဦးမှာ သေချာပါတယ်။ ပြည်နယ် ၀န်ကြီးချုပ်ကိုလည်း ကျနော်တို့ပါတီဝင်တွေက အဆိုပြုလို့မရဘူးလေ” ဟု ချင်းတိုးတက်ရေးပါတီ၏ တာဝန်ရှိသူ တဦးက ဧရာဝတီ ကို ပြောသည်။
မွန်ပြည်နယ်နှင့် ချင်းပြည်နယ်တို့၌ တာဝန်ယူမည့် ပြည်နယ် ၀န်ကြီးချုပ် ရာထူးများအား စစ်ဗိုလ်ချုပ်ဟောင်းများကို ရွေးချယ် ထားပြီး ဖြစ်သည်ဟုလည်း သူကဆိုသည်။
“လွှတ်တော်ကတနှစ်မှာ တကြိမ်ပဲ ခေါ်ယူမယ်ဆိုတော့ သူတို့ချမှတ်ထားတဲ့ စည်းကမ်းကို လိုက်နာရုံကလွဲပြီး ဘာမှဆွေးနွေးပိုင်ခွင့် ရမှာမဟုတ်ဘူး” ဟု နိုင်ငွေသိန်းက ပြောသည်။
စစ်အစိုးရ ဦးဆောင်ခေါ်ယူမည့် လွှတ်တော်သစ်ကို တနှစ်လျှင် တကြိမ်သာ ခေါ်ယူမည်ဟု သတင်းများ ထွက်ပေါ်နေကြောင်း ၎င်းက ဆက်ပြောသည်။
ရခိုင်တိုင်းရင်းသားများတိုးတက်ရေးပါတီ (RNDP) သည် လွှတ်တော်ထဲတွင် ဆွေးနွေးသွားမည့် ကိစ္စကို ယခုရက်ပိုင်းတွင် အစည်းအဝေးများ ခေါ်ယူမည် ဖြစ်သော်လည်း ပထမအကြိမ် လွှတ်တော်ပြီးမှသာ တိကျသော ဆွေးနွေးမှု လုပ်နိုင်မည်ဟုပါတီ ဥက္ကဋ္ဌ ဒေါက်တာအေးမောင် က ပြောသည်။
“ပထမဆုံး အခင်းအကျင်းအပေါ်မှာ မူတည်ပြီးတော့မှ အဆိုပြုတာတွေ လုပ်သွားရမှာပါ” ဟု သူက ဆိုသည်။
တိုင်းရင်းသားပါတီများ အနေနှင့် လွှတ်တော်တွင် ဆွေးနွေးရမည့် အကြောင်းအရာများ သေချာမှု မရှိသေးသည့် အပြင် ပြည်နယ်အဆင့် လွှတ်တော် အစည်းအဝေးများ ပြုလုပ်ရန် နေရာများကို လည်းတိတိကျကျ မသိရသေးကြောင်း၊ ပြည်နယ်ခန်းမ များ၌ ကျင်းပရန်သတင်းများ ထွက်ပေါ် နေသော်လည်း မသေချာသေးကြောင်း ပါတီခေါင်းဆောင်များ ကဆိုသည်။
အမျိုးသား လွှတ်တော်နှင့် ပြည်သူ့လွှတ်တော် အစည်းအဝေးများကို စစ်အစိုးရ ရုံးစိုက်ရာ နေပြည်တော် မြို့တော်သစ်၌ ကျင်းပမည်ဖြစ်ပြီး ပြည်နယ်၊ တိုင်းဒေသကြီး လွှတ်တော်များကို သက်ဆိုင်ရာ ပြည်နယ်၊ တိုင်းများ၌ တပြိုင်တည်း လုပ်ဆောင်မည်ဟု စစ်အစိုးရ သတင်းစာများတွင် ဖော်ပြထားသည်။
၂၀၀၈ ဖွဲ့စည်းပုံအရ ပေါ်ပေါက်လာမည့် လွှတ်တော်သစ်အား ၂၀၁၁ ခုနှစ်၊ ဇန်န၀ါရီလ ၃၁ ရက်နေ့ နံနက် ၈ နာရီ ၅၅ မိနစ်တွင် ခေါ်ယူသွားမည်ဟု စစ်အစိုးရ မီဒီယာများက ဇန်န၀ါရီလ ၁၀ ရက်နေ့က ကြေညာထားသည်။
| < Prev | Next > |
|---|
