ဧရာဝတီ

မြန်မာနိုင်ငံတွင် အစိုးရသစ်ဖွဲ့စည်းပြီး ရက်ပိုင်းအကြာ အမေရိကန်နိုင်ငံက မြန်မာနိုင်ငံဆိုင်ရာ အထူး ကိုယ်စားလှယ် ခန့်ထားရန် အစီအစဉ်ကို အမျိုးသား ဒီမိုကရေစီ အဖွဲ့ချုပ် (NLD) အပါအ၀င် နိုင်ငံရေးပါတီများ၊ ဒီမိုကရေစီ အင်အားစုများက ကြိုဆိုကြကြောင်း သိရသည်။

လက်ရှိ အမေရိကန်နိုင်ငံ အာရှနှင့်ပစိဖိတ်ရေးဆိုင်ရာ ဒု လက်ထောက် ကာကွယ်ရေးဝန်ကြီး Mr. Derek J.Mitchell ကို မြန်မာနိုင်ငံဆိုင်ရာ အထူးကိုယ်စားလှယ်ခန့်အပ်ရန် စီစဉ်နေခြင်းဖြစ်သည်။ ၄င်းသည် ဒေါ်အောင်ဆန်းစုကြည်နှင့် လည်း လူပုဂ္ဂိုလ်ချင်း တွေ့ဆုံဖူးသူ တဦးဖြစ်သည့် အပြင် တရုတ်၊ အန္ဒိယ၊ အာဆီယံ နိုင်ငံများ အပါအ၀င် ဒေသတွင်း သက် ဆိုင်ရာ နိုင်ငံ့ခေါင်းဆောင်များနှင့် ရင်းနှီးသိကျွမ်းသူ တဦးဖြစ်သည်ဟု သတင်းများက ဆိုသည်။

NLD ပြောရေးဆိုခွင့်ရှိသူ ဦးအုန်းကြိုင်က“အမေရိကန် အစိုးရရဲ့ မြန်မာနိုင်ငံဆိုင်ရာ အထူးကိုယ်စားလှယ်တဦး အခုလို ခန့်အပ်မည့် ကိစ္စဆိုတာ NLD ပါတီအနေနဲ့ အလွန်ကြိုဆိုရမယ့် အချက်ပဲဖြစ်ပါတယ်လို့ ပြောချင်တယ်”ဟု ဧရာဝတီ သို့ ပြောသည်။

“ဗမာနိုင်ငံကို အရှေ့အာရှနှင့် ပစိဖိတ် ရေးရာ လက်ထောက်နိုင်ငံခြားရေးဝန်ကြီး မစ္စတာ ကာ့တ် ကမ်းဘဲလ်(Mr. Cart Cambell) ပထမဆုံးလာပြီး နအဖ နဲ့ရော ကျနော်တို့နဲ့ရောတွေ့ဆုံခဲ့စဉ်ကတည်းက မြန်မာနိုင်ငံမှာ အမေရိကန် အစိုးရ အနေနဲ့ အထူးကိုယ်စားလှယ်တဦး ခန့်ထားဖို့အတွက် NLD ဗဟိုအလုပ်အမှုဆောင် အဖွဲ့က တောင်းဆိုခဲ့ပါတယ်။ အခု လို အချိန် အခါကောင်းမှာ ခန့်ထားဖို့လုပ်တာကြားရတော့ ကျနော်တို့က အများကြီး အားတက်ပါတယ်”ဟုလည်း ၄င်း က ဆက်လက် ပြောကြားသည်။

ဒီမိုကရက်တစ် ပါတီ(မြန်မာပြည်)၏ ခေါင်းဆောင်တဦးဖြစ်သူ ဦးသုဝေက“အခုလို အထူးကိုယ်စားလှယ်ခန့်မယ် ဆို တာ က ဒါ သူတို့ ဗမာပြည်နဲ့ အသေအချာလေ့လာပြီးတော့ ပိုပြီးကောင်းအောင်လုပ်မယ်လို့ ရည်ရွယ်တယ်နဲ့ တူပါတယ်၊ ကျနော်တို့ကပိုပြီး သဘောကျတာပေါ့ ၊ အခု အစိုးရသစ်နဲ့ရော၊ NLD နဲ့ရော ကျန်တဲ့အားလုံးသော နိုင်ငံရေးမှာ ရှိနေကြ သူတွေ အားလုံးနဲ့ နီးနီးကပ်ကပ် ထိတွေ့ပြီး လုပ်မယ်ဆိုရင် ပိုကောင်းတယ်၊ အဲဒါကြောင့် ကျနော်တို့က သဘောကျတယ်”ဟု ဆိုသည်။

အမျိုးသား ဒီမိုကရေစီအင်အားစု(NDF) ပါတီခေါင်းဆောင်တဦးဖြစ်သူ ဦးခင်မောင်ဆွေကလည်း“အခုလို အမေရိကန် က အထူးကိုယ်စားလှယ် ခန့်အပ်တာကို ကျနော်တို့က ကြိုဆိုတယ်၊ ဒါပေမယ့် မြန်မာနိုင်ငံ အခြေအနေကို ပိုပြီး သေ သေ ချာချာ သိဖို့တော့လိုတယ်၊ ဒီလိုမှ မဟုတ်ဘဲ အပေါ်ယံနှမ်းဖြူးရုံလောက်ပဲ ဆိုရင်တော့ အလကားပဲ”ဟု ပြော သည်။

အမေရိကန်ပြည်ထောင်စုအနေနှင့် တဖက်က ဒီမိုကရေစီပြုပြင်ပြောင်းလဲရေး ဖြစ်ပေါ်လာစေရေးအတွက် စီးပွားရေး ဒဏ်ခတ် ပိတ်ဆို့အရေးယူခြင်းများကို ဆက်လက်ထားမည်ဟု မကြာသေးခင်က ဦးသိန်းစိန် သမ္မတအဖြစ် ကျမ်းကျိန် ဆိုပြီး နာရီပိုင်း အတွင်းပင် ထုတ်ဖော်ပြောဆိုထားသည်။

“စီးပွားရေးစီမံခန့်ခွဲမှု ညံ့ဖျင်းတာကြောင့်ဆိုပြီး စီးပွားရေးဒဏ်ခတ် ပိတ်ဆို့မှုတွေ ထပ်ထပ်ပိတ်ဆို့နေတာဟာ ပိုကောင်း လာနိုင်သလား၊ မကောင်းလာဘူးလား ဆိုတာ မှန်မှန်ကန်ကန် သိဖို့လိုပါတယ်၊ အာဏာပိုင်အဖွဲ့အစည်းကို ပစ်မှတ် ထား တဲ့ Sanction( စီးပွားရေးဒဏ်ခတ်မှု) ကလည်း ယားကျိကျိဖြစ်ရုံလောက်ပဲ လို့သူတို့ပြောတယ်၊ ဒါဆိုရင် Sanction ကြီးကို ၅၅ သန်းကျော်မြန်မာပြည်သူတွေအတွက် မျက်နှာကို မကြည့်ဘဲ ဆက်လုပ်ထားရင် သင့်တော် မတော် သူတို့စဉ်းစားဖို့လိုတယ်”ဟု ဦးခင်မောင်ဆွေ က ပြောဆိုသည်။ 

၎င်းက ဆက်လက်ပြီး“တရုတ်အစရှိတဲ့ နိုင်ငံတွေဟာ ကျနော်တို့နိုင်ငံတွေလိုပဲလူ့အခွင့်အရေး မှတ်တမ်းတွေမကောင်း လှပါဘူး၊ တရုတ်နိုင်ငံ လိုဟာမျိုးကျတော့ လူ့အခွင့်အရေးမှတ်တမ်းမကောင်းသော်လည်းပဲ အခွင့်ကျတော့ တန်းတူမရပါဘူး၊ အမေရိကန် အစိုးရဟာ အီဂျစ်အပါအ၀င် အာဏာရှင်အစိုးရတွေအပေါ်မှာတော့ ပေးကမ်းစွန့်ကျဲပြီးတော့ မြန်မာနိုင်ငံလိုဆင်းရဲမွဲတေ တဲ့ နိုင်ငံအပေါ်မှာ ဒီမိုကရေစီမပြောင်းရကောင်းလားဆိုပြီး၊ လူ့အခွင့်အရေးတွေမရ ရကောင်းလား ဆိုပြီး ဆက် လက် ပိတ်ဆို့နေတာဟာ Double Standard ဖြစ်မနေဘူးလားလို့ ကျနော်အမေရိကန်သံအဖွဲ့ကို ငြင်းချက် ထုတ်ခဲ့တယ်”ဟုလည်း ပြောသည်။

NLD အနေနှင့် စီးပွားရေးဒဏ်ခတ်ပိတ်ဆို့မှုသည် အမျိုးသားပြန်လည်သင့်မြတ်ရေးနှင့် တွေ့ဆုံဆွေးနွေးရေးဖြစ်စေရန် အတွက် ဆက်လက်ရှိနေသင့်ကြောင်း ဒေါ်အောင်ဆန်းစုကြည်က ဂျာမနီ သတင်းဋ္ဌာနနှင့် အင်တာဗျူးတခုတွင် ထုတ် ဖော် ပြောကြားထားသည်။

“မြန်မာ့နိုင်ငံရေးဟာ လမ်းဆုံလမ်းခွကိုရောက်နေပါပြီ၊ တဖက်ကလဲ အရှိတရားအတိုင်းပြောရမယ်ဆိုရင်၊ အခုဆိုရင် စစ် အုပ်ချုပ်ရေးပုံစံနဲ့ အုပ်ချုပ်လာတဲ့ခေတ်ဟာ အခုဆိုရင်ရပ်သွားပြီပေါ့၊ အခုရွေးကောက်ခံ အစိုးရတရပ် ပေါ်လာတဲ့ အချိန်ဖြစ်ပါတယ်၊ သမ္မတကြီး ဦးသိန်းစိန်ရဲ့မိန့်ခွန်းကလည်း ပြေလည်လိုတဲ့ဆန္ဒရှိတယ်ဆိုတဲ့ စေတနာတွေကပေါ်နေပါတယ်၊ ကျနော်တို့ အထွေထွေအတွင်းရေးမှူးက ပြောတာလည်း မြန်မာနိုင်ငံရေးပြောင်းလဲမှုဟာ တွေ့ဆုံဆွေးနွေးမယ်၊ တိုင်းပြည် အကျိုးရှေ့ရှုပြီး ဆွေးနွေးရင်ဘာမှ မပြေလည်နိုင်စရာအကြောင်းမရှိဘူးလို့ ပြောထားတယ်”ဟု ဦးအုန်းကြိုင် က ဆက်လက်ပြောဆိုသည်။

အမေရိကန်က မြန်မာနိုင်ငံနှင့်ဆက်ဆံရေးတွင် သံတမန်အဆင့်လျှော့ဆက်ဆံထားသည်မှာ ကြာမြင့်ပြီဖြစ်ပြီး မြန်မာနိုင်ငံ ဆိုင်ရာ အမေရိကန် သံအမတ် ခန့်ထားရေး ယခုအထိ မရှိသေးပေ။

ယခုကဲ့သို့ အမေရိကန်က အထူးကိုယ်စားလှယ်ခန့်အပ်ပြီး မြန်မာ့အရေးပိုမိုထိရောက်ရန် ဆောင်ရွက်မည့် အမေရိကန် ၏ ပေါ်လစီသည် ချဉ်းကပ်မှုအသစ်ဖြစ်သည့်အားလျှော်စွာ တွေ့ဆုံဆွေးနွေးရေးအတွက် လမ်းစများဖြစ်လာမည်လားဟု တခြားသော နိုင်ငံရေးပါတီများနှင့် လေ့လာသူများကလည်း မျှော်လင့်နေကြောင်း သိရသည်။

“တွေ့ဆုံဆွေးနွေးရေးလုပ်တယ်ဆိုတာ ကိုယ်ဖြစ်ချင်တာတွေချည်းလည်း ဖြစ်လာမှာမဟုတ်သလို၊ သူတို့လိုချင်တာတွေ ချည်းလည်း ဖြစ်လာမှာမဟုတ်ပါဘူးလို့ ဒေါ်အောင်ဆန်းစုကြည်က နိုင်ငံရေးခေါင်းဆောင်တွေနဲ့တွေ့ဆုံတုန်းမှာ ပြောခဲ့ပါတယ်၊ ဒီ့အပြင် ဒေါ်အောင်ဆန်းစုကြည်က အစိုးရသစ်နဲ့တွေ့ဆုံဆွေးနွေးရေး အတွက် အမြဲအဆင်သင့်ဖြစ်ကြောင်း လည်း ပြောဆိုထားပြီးသားပါ၊ ဒီအတွက် အကောင်းဘက်ကို ဖြစ်ပေါ်လာဖို့အတွက်မျှော်လင့်ပါတယ်”ဟု ဦးအုန်းကြိုင်က ဆက်လက် ပြောကြားသည်။

Mr. Derek J.Mitchell သည် သံတမန်ရေးဘက်တွင် မျှတသော မဟာဗျူဟာ အမြင်ရှိသူဖြစ်သည်ဟု မြန်မာ့ဒီမိုကရေစီ အရေး ဆောင်ရွက်နေကြသော အင်အားစုများက ပြောဆိုကြသည်။

ဦးသုဝေ ကလည်း“သူ့အနေနဲ့ရော၊ ကျနော်တို့ပါတီတွေ အနေနဲ့ရော သဘောထားတွေ အကုန်သိရတာပေါ့နော်၊ NLD ကလဲ သူ့သဘောထားတွေ သိမယ်၊ ကျနော်တို့ပါတီတွေကလည်း ကိုယ့်ရဲ့အမြင်၊ ကိုယ့်အယူအဆတွေ ပြောနိုင်မယ်၊ လက်ရှိအခြေအနေက ဘာလဲ၊ အစိုးရကဘာလဲဆိုတာ သူအားလုံးကို ဝေဖန်ပိုင်းခြားနိုင်တယ်ဆိုရင်တော့ သူအများကြီး အကူအညီပေးနိုင်တာပေါ့၊ သူ့ရည်ရွယ်ချက်က ကောင်းတော့ ကျနော်တို့လဲကူညီမှာပေါ့၊ ပူးပေါင်းဆောင်ရွက်မှာပေါ့၊ သူက သေချာနားလည်တဲ့သူ သေချာလေ့လာထားတဲ့သူဆိုတော့ ပိုကောင်းတာပေါ့”ဟု ဆိုသည်။

< Prev		Next >