ကမ္ဘာကျော် ရုပ်ရှင်မင်းသမီး မီရှဲလ်ယိုး သရုပ်ဆောင်ထားသည့် ဒေါ်အောင်ဆန်းစုကြည်၏ ဘဝအကြောင်း ရိုက်ကူးထားသော ဇာတ်ကားအား “The Lady” ဟု အမည် သတ်မှတ်မည်ဖြစ်ကြောင်း  Guardian အင်တာနက် စာမျက်နှာတွင် ယနေ့ ဖော်ပြထားသည်။ အဆိုပါ ဇာတ်ကားကို ရိုက်ကူးသည့် ပြင်သစ်နာမည်ကြီး ဒါရိုက်တာ Luc Besson က ဒေါ်အောင်ဆန်း စုကြည်သည် ပြင်သစ်အမျိုးသမီး သူတော်စင် Joan of Arc ထက်ပင် သူရဲကောင်း ပိုဆန်ကြောင်း ပြောထားသည်။

ကရင်ပြည်နယ် မြ၀တီမြို့နယ် ဖလူးကြီး၊ ဖလူးလေး ရွာဝန်းကျင်၌ တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်မဟာ(၅)နှင့် စစ်အစိုးရတပ် ခမရ (၅၄၇) တို့ ယမန်နေ့ နံနက်ပိုင်းက တိုက်ပွဲဖြစ်ပွားရာ ခမရ (၅၄၇)မှ ၇ ဦးကျဆုံး၍ ၁၃ ဦး ခန့် ဒဏ်ရာရရှိပြီး DKBA က ၁ ဦး ကျဆုံး၍ ၅ ဦးခန့် ဒဏ်ရာရရှိကြောင်း သိရသည်။ ထိုသို့ တိုက်ပွဲ ဖြစ်ပွားမှုကြောင့် ဒေသ ခံများမှာ နီးစပ်ရာ တောထဲတောင်ထဲ ၌လှည့်လည် ပုန်းရှောင်နေရပြီး စစ်ပြေး ဒုက္ခသည် ၁၀၀ ခန့် သည်လည်း ထိုင်းနိုင်ငံ ဘက်သို့ ထပ်မံ တိမ်းရှောင်လာရသည်ဟု ယင်းဒုက္ခသည်များအား ကူညီနေသူများက ပြောသည်။

ယမန်နေ့ကအထိ လွတ်ရက် ပြည့်မြောက်သဖြင့် နိုင်ငံတဝန်း အကျဉ်းထောင် အသီးသီးမှ ပြန်လွတ်လာသော နိုင်ငံရေး အကျဉ်းသား ၁၇ ဦး အထိ ရှိသွားပြီ ဖြစ်ကြောင်း သိရသည်။ မြန်မာနိုင်ငံတွင် နိုင်ငံအကျဉ်းသား ၂၀၀၀ ကျော် ရှိနေဆဲ ဖြစ်သည်။

ယခင် အမေရိကန် သမ္မတ ကတော်ဟောင်း လော်ရာဘုရ်ှသည် ဒေါ်အောင်ဆန်းစုကြည်နှင့် ယမန်နေ့က တယ်လီဖုန်းဖြင့် စကားပြောခဲ့ကြသည်။ ဒေါ်အောင်ဆန်း စုကြည်သည် နှစ်ပေါင်းများစွာ နေအိမ် အကျယ်ချုပ် ကျခဲ့သည့်တိုင် မျှော်လင့်ချက် ပျောက်မသွားကြောင်း၊ မြန်မာပြည် လွတ်မြောက်ရေး အတွက် ယုံကြည်နေဆဲ ဖြစ်ကြောင်း၊ တက်ကြွမှု အပြည့်ရှိသော အသံကို ကြားရသဖြင့် အားရမိကြောင်း လော်ရာဘုရ်ှက ပြောသည်။

အိန္ဒိယပြည်ထဲရေးဝန်ကြီး မစ္စတာ ပီ ချီဒမ်ဘရမ်က အိန္ဒိယ-မြန်မာနယ်စပ် မဏိပူရ်ပြည်နယ် ချူရာချန်ပူ ခရိုင်ရှိ မြန်မာနှင့် အိန္ဒိယ နိုင်ငံသား ဇိုမီး တိုင်းရင်းသားများ ပါဝင်သည့် ဇိုမီး တော်လှန်ရေးတပ်မတော် တပ်ရင်း ၁၉၃ နှင့်၂၀၃ အခြေစိုက်ရာ မူဗမ်းလိုင်အရပ် သို့ ပထမဆုံး အကြိမ်အဖြစ် ဗုဒ္ဓဟူးနေ့ က သွားရောက်ခဲ့သည်။ နှစ်ဘက်ခေါင်းဆောင်များ၏ မိနစ် ၅၀ နီးပါး ဆွေးနွေးပွဲတွင် ဇိုမီး ကိုယ်ပိုင် အုပ်ချုပ်ရေးဒေသ အရေးတွင် ငြိမ်းချမ်းစွာ ပူးပေါင်းဖြေရှင်းရေးအတွက် ဆွေးနွေးပြောဆိုကြကြောင်း ဇိုမီး အမျိုးသား ပြန် လည်သွေးစည်း ညီညွတ်ရေးအဖွဲ့ ပြောခွင့်ရ ဦးဒယ်နီက ဆိုသည်။

ဒေါ်အောင်ဆန်းစုကြည်နှင့် တွေ့ဆုံမေးမြန်းခန်းများကို ပြည်တွင်း သတင်းဂျာနယ်များတွင် ဖော်ပြခွင့်ပြုမည် မဟုတ်ကြောင်း စစ် အစိုးရ စာပေ စိစစ်ရေးက ပြောသည်။ လက်ရှိတွင် ပြည်တွင်းသတင်းဂျာနယ်များက ဒေါ်အောင်ဆန်းစုကြည်နှင့် တွေ့ဆုံမေးမြန်း ခန်းများဖော်ပြရန် စာပေစိစစ်ရေးသို့ တင်ပြမှုများရှိလာကြောင်းလည်း စာပေစိစစ်ရေး ရုံးမှ စာစစ်မှူး တဦးက ဆိုသည်။ မကြာသေး ခင်က ပြည်သူ့ခေတ် ဂျာနယ် နှင့် ဗီးနပ်စ် ဂျာနယ် တို့က ဒေါ်အောင်ဆန်းစုကြည်နှင့် တွေ့ဆုံမေးမြန်းခွင့် ရရှိထားပြီး ဂျာနယ်တွင် ဖော်ပြရန် ကြိုးစားနေကြောင်း သိရသည်။

ဒီဇင်ဘာ ၁၄ ရက်နေ့က ရခိုင်ပြည်နယ် ကျောက်ဖြူမြို့ ကွင်းချောင်းကျေးရွာမှ မအီရွာသို့ သွားသည့် မော်တော်သည် ရမ်းဗြဲမြို့နယ်အပိုင် မင်းချောင်း တံတားအရောက်တွင် ကျောက်ဖြူ အခြေစိုက် တပ်ရင်း အမှတ် ၅၄၂ မှ အရက်မူးနေသည့် တပ်ကြပ်တဦးက လှမ်းခေါ်ပြီး မော်တော် ဆိုက်ကပ်ချိန် ကြာသည်ဟုဆို၍ သေနတ်နှင့် လှမ်းပစ်လိုက်သောကြောင့် မော်တော်ပေါ်တွင် ပါရှိသည့် ကွင်းချောင်းရွာသား ကိုမောင်ဝင်းကို ထိမှန် သေဆုံးသွားကြောင်း ဒေသခံများက ပြောသည်။

NLDပါတီ နှင့် CRPPအဖွဲ့ တို့က ဂီရိမုန်တိုင်း ဒဏ်သင့် ရခိုင်ပြည်နယ် ကျောက်ဖြူ မြို့နယ်ရှိ မင်းပြင် ရွာသို့ ယမန်နေ့က သွား ရောက်ပြီး ဆန်နှင့် အစားအသောက်များ ဝေငှသည်ဟု NLD က ပြောသည်။ အဆိုပါ မင်းပြင်ရွာ၌ တအိမ်ထောင်လျှင် ဆန် ၅ ပြည်နှုန်း ဝေငှခဲ့ကြောင်း၊ မင်းပြင်ရွာသည် အိမ်ခြေ ၄၀၀ ကျော် ရှိပြီး ဂီရိ မုန်တိုင်းကြောင့် အိမ်ခြေ ၁၂၀ ခန့် ပျက်စီးသွားကြောင်း သိရ သည်။

စင်ကာပူ၏ သြဇာတိက္ကမ ကြီးမားသည့် နိုင်ငံရေး ခေါင်းဆောင် လီကွမ်ယုက ဗိုလ်ချုပ်မှူးကြီး သန်းရွှေနှင့် ဗိုလ်ချုပ်ကြီးများအား “မိုက်မဲသူများ”၊ “ထုံပေပေများ” ဟု ပြောကြောင်း ဝီကီလိစ်က ပေါက်ကြားသည့် ပေးစာတွင် ဖော်ပြထားသည်။ ၂၀၀၇ ခုနှစ်က အမေရိကန်အရာရှိများနှင့် တွေ့ဆုံရာတွင် မစ္စတာ လီကွမ်ယုက ထိုသို့ ပြောဆိုလိုက်ခြင်းဖြစ်ပြီး မြန်မာစစ်ဗိုလ်ချုပ်များနှင့် ဆက်ဆံရခြင်းသည် “လူသေနှင့် စကားပြောရသလိုပဲ” ဟုလည်း ပြောဆိုထားသည်။

ရခိုင်ပြည်နယ်တွင် ရက္ခပူရ ယူနိုက်တက် ဘောလုံး အသင်းအတွက် ခရိုင်တခုလျှင် ကျပ် သိန်း ၃၀၀၀ စီ ထည့်ဝင်ရန် တိုင်းမှူး ဗိုလ်မှူးချုပ်စိုးသိန်းက ညွန်ကြားထားကြောင်း၊ ထို့ကြောင့် လုပ်ငန်းတခုလျှင် ကျပ် သိန်း ၂၀ မှ သိန်း ၅၀ အထိ ကောက်ခံမည် ဖြစ်ကြောင်း သိရသည်။ အဆိုပါ ငွေကို ဂီရိ ဆိုင်ကလုန်း ဒဏ်သင့် ဒေသများတွင်ပါ ကောက်ခံမည်ဖြစ်သောကြောင့် ဒေသခံများ အခက်အခဲနှင့် ကြုံတွေ့နေရသည်။