မန္တလေးမြို့တွင် ယမန်နေ့ ညနေ ၃ နာရီခန့်က မဟာအောင်မြေမြို့နယ် ၃၅လမ်းနှင့်၃၆လမ်းအကြားရှိ ဒေါ်မြ ပစ္စည်းအဟောင်း ရောင်းဝယ်ရေးဆိုင်အတွင်း ပေါက်ကွဲမှုဖြစ်ပွားခဲ့ရာ သံတိုသံစ လာရောက်ရောင်းချသော သိန်းသန်း ဆိုင်ကယ် ပြင်ဆိုင်မှ အောင်ရဲ ကို ၁၉ နှစ်၏ ခြေထောက် ထိမှန်ခဲ့ပြီး ပြေငြိမ်းဦး ၂၁ နှစ်၏ ခန္ဓာကိုယ်လည်း ထိမှန်ခဲ့ကြောင်း ဒေသခံ တဦးက ပြောသည်။“၀ုန်းခနဲ ပေါက်ကွဲသံကြားရပြီး တဆိုင်လုံး မီးခိုးလုံးတွေနဲ့ ပြည့်သွားတယ်။ ပစ္စည်းအဟောင်းတွေထဲက ထ ကွဲတာ။ ဘာမှန်း မသိရဘူး။ ဆိုင်ရှင်တွေကိုတော့ ရဲ စခန်း ခေါ်သွားတယ်"ဟု၎င်းကဆိုသည်။ သက်ဆိုင်ရာ ရဲစခန်းကို ဆက်သွယ်မေးမြန်းရာတွင် တိတိကျကျ ပြန်လည်ဖြေကြားခြင်းမရှိချေ။

မြန်မာ၊ တရုတ်၊ မြောက်ကိုရီးယား၊ အီရန်၊ ဆော်ဒီ အာရေးဗီးယား၊ ဆူဒန်၊ ဥဇဘက် ကစ္စတန်၊ အီရစ္စထရီးယား နိုင်ငံ များသည် ဘာသာရေး လွတ်လပ်ခွင့် မရှိသည့် နိုင်ငံများ ဖြစ်ကြောင်း အမေရိကန် နိုင်ငံခြား ရေး ဌာန က ယမန်နေ့ တွင် ထုတ်ပြန် လိုက် သည်။ အမေရိကန် နိုင်ငံခြားရေးဝန်ကြီး မစ္စ ဟီလာရီ ကလင်တန်က “ မြန်မာပြည်ထဲမှာ ဗုဒ္ဓဘာသာ လှုပ်ရှားမှုတွေကို ဖိနှိပ်တာ အပြင် တခြားသော ဘာသာဝင်တွေနဲ့ သူတို့ရဲ့ဘာသာရေးလှုပ်ရှားမှုတွေကို ဖိနှိပ်တာတွေ၊ ခွဲခြားဆက်ဆံတာတွေကို စစ်အစိုးရက ဆက်လက် လုပ်ဆောင်နေဆဲ ဖြစ်ပါတယ်”ဟုလည်း ယင်း ထုတ်ပြန်ချက်တွင် ပြောဆိုထားသည်။

ကြံ့ဖွံ့ပါတီက ၂၀၁၀ ရွေးကောက်ပွဲတွင် လွှတ်တော် နေရာအများစု အနိုင် ရရှိသွားပြီးနောက် လမ်းခင်းခြင်း၊ ရေတွင်းတူးခြင်း၊ ငွေချေးခြင်း  မျက်စိဝေဒနာရှင်များအား ဆေးကုသပေးပြီး မျက်မှန်များ အလကားပေးဝေခြင်း အပါအ၀င် လူမှုရေး လုပ်ငန်းများ အားလုံး ဆက်မလုပ်တော့ဘဲ ရပ်ဆိုင်း လိုက်ပြီဖြစ်ကြောင်း သတင်းရရှိသည်။

ဒေါ်အောင်ဆန်းစုကြည် လွတ်မြောက်သည့် သတင်းသည် စစ်သားများနှင့် အစိုးရ ၀န်ထမ်းများ အကြားတွင် အပြော အများဆုံး သတင်းဖြစ်နေပြီး ဒေါ်အောင်ဆန်းစုကြည် ပြန်လည် လွတ်မြောက် မှုအတွက် အလွန် ၀မ်းသာနေကြကြောင်း သတင်းရရှိသည်။ စစ်တပ် မိသားစုများအတွင်း ဒေါ်အောင်ဆန်းစုကြည် ဓာတ်ပုံပါ ဂျာနယ်များ ၀ယ်ယူစုဆောင်းနေပြီး အစိုးရ၀န်ထမ်း အများစုကလည်း ဒေါ်အောင်ဆန်းစုကြည်ကို ကိုယ်တိုင် ကိုယ်ကျ မြင်တွေ့ချင်သည်ဟု ပြောဆို နေကြသည်။

ရွေးကောက်ပွဲတွင် လွှတ်တော် သုံးရပ်ရှိ နေရာပေါင်း ၁၁၅၄ နေရာတွင် ကြံ့ဖွံ့ပါတီက ၈၈၃ နေရာ အနိုင်ရပြီး ရာခိုင်နှုန်း အားဖြင့် ၇၆.၅ ရာခိုင်နှုန်းဖြစ်ကြောင်း၊ တစည ပါတီက ၆၃ နေရာ၊ ရှမ်းတိုင်းရင်းသားများ ဒီမိုကရက်တစ်ပါတီက ၅၇ နေရာ၊ ရခိုင် တိုင်းရင်း သား များ တိုးတက်ရေး ပါတီက ၃၅ နေရာ၊ NDF နှင့် မွန်ဒေသလုံးဆိုင်ရာ ဒီမိုကရေစီပါတီတို့က ၁၆ နေရာစီ အနိုင်ရရှိ ကြောင်း တရုတ် People Daily အင်တာနက် စာမျက်နှာတွင် ယနေ့ ရေးသားထားသည်။

ရန်ကုန်မြို့တော်ခန်းမ အနီးရှိ Sky Net အင်တာနက်ဆိုင်တွင် ယမန်နေ့ ညနေက ဖျက်အားပြင်း ဗုံးများ တွေ့ရှိကြောင်း သတင်းရရှိသည်။ ရန်ကုန်တိုင်းရဲတပ်ဖွဲ့က ဗုံးတွေ့ရှိမှု သတင်းမှာ မှန်ကန်သော်လည်း အသေးစိတ်ကို စုံစမ်းဆဲ ဖြစ်သည့် အတွက် ထုတ်ဖော် မပြောနိုင်သေးဟု ဆိုသည်။  ရန်ကုန် တမြို့လုံးရှိ အင်တာနက် ဆိုင်များ လုံခြုံရေး သတိရှိကြရန်နှင့် ထူးခြားဖြစ်စဉ်များ ရှိလျှင် အာဏာပိုင်များအား အကြောင်းကြားရန် ခေါ်ယူ ညွှန်ကြား ထားကြောင်းလည်း သိရသည်။

ပြီးခဲ့သည့် ရွေးကောက်ပွဲတွင် ဖြစ်ပေါ်ခဲ့သည့် မဲလိမ်၊ မဲခိုး၊ မဲမသမာမှုများနှင့် ပတ်သက်လျှင် ရွေးကောက်ပွဲ ကော်မရှင်ကိုသာ တိုင်ကြားရန် ၊ ပြည်တွင်း၊ ပြည်ပ မီဒီယာများတွင် ပြောဆိုနေခြင်းသည် ရွေးကောက်ပွဲ ဆိုင်ရာ ဥပဒေ ပုဒ်မ ၆၄ ပါ ပြဋ္ဌာန်းချက်များ နှင့် ငြိစွန်းနေကြောင်း ယမန်နေ့ထုတ် စစ်အစိုးရ သတင်းစာများတွင် ဖော်ပြထားသည်။

NLDပါတီ ဆက်လက်ရပ်တည်ခွင့်နှင့် ပတ်သက်၍ ယနေ့ နေပြည်တော်ရှိ တရားရုံးချုပ်တွင် ကြားနာမည်ဖြစ်ရာ NLDပါတီ ရှေ့နေ များဖြစ်သော ဦးဉာဏ်ဝင်း၊ ဦးကြည်ဝင်း၊ ဦးကျော်ဟိုးတို့ သွားရောက်ကြောင်း သတင်းရသည်။

တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) ၉၀၉ တပ်ဖွဲ့သည် ကရင် အမျိုးသား လွတ်မြောက်ရေး တပ်မတော် (KNLA) နှင့် ယနေ့ လာရောက် ပူးပေါင်းကြောင်း သတင်းရရှိသည်။ အင်အား ၁၀၀ ခန့်ရှိသည့် DKBA တပ်ရင်း ၉၀၉ ၏ တပ်ရင်းမှူး ဒု ဗိုလ်မှူးကြီး စတီးက ဦးဆောင်၍ လာရောက် ပူးပေါင်းခြင်းဖြစ်ပြီး ၎င်းတပ်ဖွဲ့သည် ကရင်ပြည်နယ် ကော့ ကရိတ် ဒေသ တ၀ိုက်တွင် အခြေချသည့် တပ်ဖွဲ့ဖြစ်ကြောင်း၊ နိုဝင်ဘာ ၇ ရက်နေ့က မြ၀တီမြို့တွင် စစ်အစိုးရ တပ်နှင့် တိုက်ပွဲဖြစ်ခဲ့သည့် ဗိုလ်မှူးကြီး စောလားပွယ် ၏ DKBA တပ်မဟာ ၅ မှ တပ်ဖွဲ့တဖွဲ့ဖြစ်ကြောင်း သိရသည်။

ဖိလစ်ပိုင်နိုင်ငံရှိ မြန်မာသံရုံးရှေ့တွင် ဖိလစ်ပိုင်ရောက်မြန်မာ ၅၀ ကျော်တို့က ဒေါ်အောင်ဆန်းစုကြည်၏ မျက်နှာဖုံးများ ဝတ်ဆင်ကာ ယနေ့ ဆန္ဒပြပွဲတရပ် ကျင်းပကြသည်။ ဆန္ဒပြသူများသည် မြန်မာနိုင်ငံကို စစ်မှန်သော ဒီမိုကရေစီပေးရေး၊ နိုင်ငံရေးအကျဉ်းသားများ လွှတ်ပေးရေး၊ မဲမသမာမှုများ ရှိခဲ့သောကြောင့် ရွေးကောက်ပွဲကို ပယ်ဖျက်ပေးရေးနှင့် UN၊ အာဆီယံတို့က အထက်ပါကိစ္စများအတွက် ဝင်ရောက် စေ့စပ်ပေးရေးတို့ကို တောင်းဆိုခဲ့သည်။