မန္တလေးမြို့ ၃၅လမ်းနှင့် ၃၆လမ်းကြား၊ ၈၃လမ်းနှင့် ၈၄လမ်းအကြား ဦးကျားကြီး ၀န်းအတွင်းရှိ စက်ဘီးနှင်တာယာများ သိုလှောင် ရာ ဂိုဒေါင်တခုတွင် ယနေ့ နံနက် ၉နာရီ ခွဲ ၀န်းကျင် က မီးလောင်မှု ဖြစ်ပွားကြောင်း သိရသည်။ တိုက် ၃ လုံးနှင့် အိမ် ၄ အိမ် မီးလောင်ရာတွင် ပါဝင်ကြောင်း၊ ၁၀း ၃၀ နာရီခန့်၌ အပြီးသတ် မီးငြှိမ်းသတ်နိုင်ခဲ့သော် လည်း မည်သို့ စတင်လောင်ကျွမ်းသည်ကို မသိရသေးကြောင်း ဒေသခံတဦးကပြောသည်။

၁၉၄၈ ခုနှစ်ကတည်း က စတင်ခဲ့သည့် ပြည်တွင်းစစ်သည် န၀တ ၊ နအဖ စစ်အစိုးရများ လက်ထက်နှင့် ယခုအထိ တိုင်းရင်းသား ဒေသများ၌ ဆက်လက်ဖြစ်ပွားနေပြီး စစ်မှန်သော ငြိမ်းချမ်းရေးမတည်ဆောက်ဘဲ ထိုးစစ်များဖြင့် ကျင့်သုံးနေခြင်းကို ရပ်တံ့ရန် ယမန်နေ့ ရက်စွဲဖြင့် မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်၊ ၈၈ မျိုးဆက် ကျောင်းသားများ အဖွဲ့အပါအ၀င် အဖွဲ့ပေါင်း ၉ ဖွဲ့က ကြေညာချက်ထုတ်၍ ဦးသိန်းစိန် အစိုးရကို တောင်းဆိုလိုက်သည်။ ကချင်ပြည်နယ်အတွင်း တည်ဆောက်နေသော ရေကာတာစီမံကိန်းကို အကြောင်းပြု၍ လတ်တလောဖြစ်ပွားနေသည့် အစိုးရနှင့် KIA တပ်များ၏ တိုက်ပွဲများကြောင့် ဒေသခံများ အိုးအိမ်စွန့်ခွာ ထွက်ပြေးကြရမှုများနှင့်ကြုံနေကြရသည့် အတွက် ယင်း ရေကာ တာ စီမံကိန်းများ ရပ်တံ့ပေးရန် တရုတ်အစိုးရသို့ တောင်းဆိုသည့် ကြေညာချက်လည်း ထုတ်ပြန်ထားသည်။

မြန်မာနိုင်ငံတွင် အကျဉ်းချခံနေရသည့် ရဟန်းသံဃာများအကြောင်း အင်္ဂလိပ်-မြန်မာ နှစ်ဘာသာဖြင့် ရေးသားထားသည့် “သံတိုင်နောက်က မှတ်တမ်းများ” စာအုပ်ကို ပြည်ပအခြေစိုက် သာသနာ့ဥသျှောင်အဖွဲ့က ထုတ်ဝေဖြန့်ချိလိုက်သည်။ ၁၉၈၈ ခုနှစ်မှ ၂၀၀၇ ရွှေဝါရောင်တော်လှန်ရေး ကာလအတွင်း ဒီမိုကရေစီနှင့် လူ့အခွင့်အရေး လှုပ်ရှားခဲ့သည့် သံဃာများအား ဖမ်းဆီး နှိပ်စက် ထောင်ချခဲ့သည့် ဖြစ်ရပ်မှန် ဆောင်းပါ ၁၁ ပုဒ် ပါဝင်သည်။ အဆိုပါစာအုပ်ကို မြန်မာဘာသာ သက်သက်ဖြင့် ယမန်နှစ် ဒီဇင်ဘာကလည်း ထုတ်ဝေခဲ့သည်။ မြန်မာနိုင်ငံတဝန်းတွင် ရဟန်းသံဃာ အပါး ၂၀၀ ခန့် ဖမ်းဆီးထိမ်းသိမ်း ခံထားရကြောင်း သိရသည်။

ဒေါ်အောင်ဆန်းစုကြည်က ထိုင်းရွေးကောက်ပွဲအတွင် အနိုင်ရရှိထားသော ပထမဆုံး အမျိုးသမီး ဝန်ကြီးချုပ်လောင်း ယင့်လပ် ရှင်နာဝပ် ပါတီ၏ အောင်မြင်မှုကို ကြိုဆိုလိုက်သည်။ ဒီမိုကရေစီနည်းလမ်းနှင့် အများပြည်သူဆန္ဒအရ ရွေးကောင်တင်မြှောက် ခံရခြင်းကြောင့် ကြိုဆိုခြင်းဖြစ်ကြောင်း ယနေ့နံနက်က ဘုရာဖူးအပြီး သတင်းထောက်များနှင့် တွေ့ဆုံစဉ် ပြောသည်။ ဒေါ်အောင်ဆန်းစုကြည်က ထိုင်းအစိုးရသစ်နှင့် ဆက်ဆံရေးကောင်းရန် မျှော်လင့်ပြီး ထိုင်းနိုင်ငံသို့ ရောက်ရှိနေသော မြန်မာဒုက္ခသည်များကို စောင့်ရှောက်ပေးရန် မေတ္တာရပ်ခံသည်။

ဒေါ်အောင်ဆန်းစုကြည် ယနေ့နံနက် ၇ နာရီတွင် ပုဂံမြို့ ရှေးဟောင်းဘုရားများ ဖြစ်သည့် အာနန္ဒာစေတီ၊ သဗ္ဗညုစေတီ၊ မနူဟာ စေတီတို့ကို သွားရောက်ဖူးမျှော်သည်။ မွန်-မြန်မာ နှစ်ဘာသာဖြင့် ရေးထိုးထားသည့်  ပုဂံခေတ် မြစေတီကျောက်စာကိုလည်း သွားရောက်ကြည့်ရှုပြီး Bagan Hotel River View ဟိုတယ်သို့ ပြန်လည်ထွက်ခွာသွားသည်။ ပုဂံဒေသခံပြည်သူများက ဒေါ်အောင်ဆန်းစုကြည်ကို သောင်းသောင်းဖျဖျ ကြိုဆိုပြီး ပန်းစည်းများ ပေးအပ်ခြင်း၊ ဆုတောင်းမေတ္တာ ပို့သခြင်းများကို ပြုလုပ်ကြသည်ဟု လိုက်ပါသွားသည့် NLD လူငယ်တဦးက ပြောသည်။

မြန်မာ့လက်ရွေးစင် ဘောလုံးအသင်းသည် ယမန်နေ့က ရန်ကုန်မြို့ရှိ သုဝဏ္ဏအားကစားကွင်း၌ ကျင်းပသည့် ကမ္ဘာ့ဖလား အာရှဇုန်ခြေစစ်ပွဲ ဒုတိယ အကျော့ပွဲစဉ်တွင် မွန်ဂိုလီးယား လက်ရွေးစင် ဘောလုံးအသင်းကို ၂ဂိုးပြတ်ဖြင့် အနိုင်ရရှိခဲ့ကြောင်း သိရသည်။ ဂိုးများကို ဒုတိယပိုင်း ၆၁ မိနစ်တွင် ပိုင်စိုးကလည်းကောင်း၊ ဒုတိယ အနိုင်ဂိုးကို ၈၈ မိနစ်တွင် မိုင်းအိုက်နိုင် က လည်းကောင်း သွင်းယူခဲ့ခြင်းဖြစ်သည်။ ပထမအကျော့ ပွဲစဉ်တွင် မြန်မာက မွန်ဂိုလီးယား အသင်းအား(၁-၀)ဂိုးဖြင့် ရှုံးနိမ့်ထား သည်။ ထိုရှုံးနိမ့်မှုကြောင့် နည်းပြချုပ် မီလန် ဇီဗာဒီနိုဗစ်အား ထုတ်ပယ်ခဲ့ပြီး အုပ်ချုပ်သူအဖြစ် ဦးတင်မြင့်အောင်၊ နည်းပြချုပ် အဖြစ် ဦးဆန်းဝင်းတို့အား ခန့်အပ်ခဲ့သည်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ယနေ့နံနက် ၈ နာရီခွဲခန့်က အဲမန္တလေး လေကြောင်းလိုင်းဖြင့် ပုဂံမြို့သို့ ရောက်ရှိ သွားသည်။ မိသားစုခရီးစဉ်အဖြစ် ဒေါ်အောင်ဆန်းစုကြည်နှင့် အတူ သားငယ် ကိုထိန်လင်းလည်း လိုက်ပါသွားပြီး ပုဂံမြို့ Bagan Hotel River View ဟိုတယ်တွင် တည်းခိုမည်ဖြစ်ကြောင်း သိရသည်။

အမေရိကန်နိုင်ငံဆိုင်ရာ မြန်မာသံရုံး ဒုတိယ အကြီးအကဲဖြစ်သည့် ဦးကျော်ဝင်း သည် အမေရိကန် နိုင်ငံ၌ နိုင်ငံရေး ခိုလှုံခွင့် တောင်းခံ လိုက်ကြောင်း သိရသည်။ လက်ရှိ မြန်မာအစိုးရအပေါ် ယုံကြည်မှု ကင်းမဲ့သွားပြီ ဖြစ်သောကြောင့် ယခုကဲ့သို့ ခိုလှုံခွင့် တောင်းခံခြင်းဖြစ်ကြောင်း လွတ်လပ်သော အာရှအသံ ရေဒီယို သတင်းဌာနက ထုတ်လွှင့်သွားသည်။ ဦးကျော်ဝင်းသည် နိုင်ငံခြားရေး ၀န်ကြီးဌာနတွင် ၁၉၈၀ ခုနှစ်က စတင်၍ တာဝန်ထမ်းဆောင်ခဲ့သူ ဖြစ်သည်ဟု ဆိုသည်။

မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌ ဦးဇော်ဇော်က လက်ရွေးစင် ဘောလုံးအသင်း နည်းပြချုပ် ဇီဗာဒီနိုဗစ်အား ရာထူးမှ ထုတ်ပယ်လိုက်ပြီဖြစ်ကြောင်း အဖွဲ့ချုပ် ပြန်ကြားရေးဌာနမှ ကိုဇာနည်က ပြောသည်။ ကမ္ဘာ့ဖလားခြေစစ်ပွဲ ပထမအကျော့တွင်  မြန်မာအသင်းက မွန်ဂိုလီးယားကို တဂိုး ဂိုးမရှိဖြင့် ရှုံးနိမ့်ခဲ့ပြီးနောက် ယခုကဲ့သို့ ရာထူးမှ ထုတ်ပယ်လိုက်ခြင်းဖြစ်သည်။ ယာယီနည်းပြချုပ်အဖြစ် ဦးဆန်းဝင်းအား ခန့်အပ်မည်ဖြစ်ပြီး အတွေ့အကြုံရှိသော ဘောလုံးသမားများ ဖြစ်သည့် ရန်ပိုင်၊ ခင်မောင်လွင်၊ စိုးမင်းဦး၊ကျော်ဇေယျာဝင်းနှင့် သိန်းသန်းဝင်းတို့ကို အသင်းအတွက် အားဖြည့် ခေါ်ယူထားသည်ဟု သိရသည်။

ကနေဒါနိုင်ငံ မွန်ထရီရယ်မြို့အနီးရှိ ကို့တ် စိန့် လုခ် (Côte Saint-Luc) မြို့မှ ကနေဒါ နေ့(ဇူလိုင်လ ၁ ရက်နေ့)၌ ဒေါ်အောင် ဆန်းစုကြည်ကို ဂုဏ်ပြုသည့် မော်ကွန်းကျောက်စာဖွင့်ပွဲ ကျင်းပမည်။ ထိုမြို့မှ လူ့အခွင့်အရေး လမ်းမပေါ်ရှိ ဒေါ်အောင်ဆန်းစုကြည်အား ဂုဏ်ပြုထားသော မော်ကွန်းကျောက်စာကို ဒေသစံတော်ချိန် ၅ နာရီခွဲတွင် အခမ်းအနားဖြင့် ဖွင့်လှစ် မည်ဖြစ်ပြီး ယခုအခမ်းအနားသည် နှစ်စဉ်ကျင်းပမြဲဖြစ်သည့် ကနေဒါနေ့ အခမ်းအနား၏ အစိတ်အပိုင်းတခုအဖြစ် ကျင်းပခြင်း လည်းဖြစ်သည်။ အဆိုပါအခမ်းအနားတွင် ဒေါ်အောင်ဆန်းစုကြည်၏ ဗီဒီယိုမှတဆင့် နှုတ်ခွန်းဆက်ပြောစကား ရုပ်သံကို လည်း ဖွင့်လှစ် ပြသမည် ဖြစ်ကြောင်း သိရသည်။