သမ္မတသစ် ဦးသိန်းစိန်က မီဒီယာ အခန်းကဏ္ဍအား အလေးထားမည်ဟု ပြောဆိုခဲ့သော်လည်း မကြာသေးမီက True News (သစ္စာ သတင်း) ဂျာနယ် ထုတ်ဝေခွင့် ၂ ပတ် ရပ်နား အရေးယူလိုက်ခြင်းအပေါ် နယ်စည်းမခြား သတင်းထောက် များအဖွဲ့ (RSF) က ရှုတ်ချသည့် ကြေညာချက်တစောင်ကို မေလ ၁၇ ရက်နေ့ ရက်စွဲဖြင့် ထုတ်ပြန်လိုက်သည်။ အဆိုပါ ကြေညာချက်တွင် မြန်မာနိုင်ငံ၌ အင်တာနက်သုံးစွဲမှုနှင့် ပတ်သက်သည့် တင်းကျပ်သော ဥပဒေများ အကြောင်း၊ အစိုးရ ပြောင်းသည့်တိုင် စာပေ လွတ်လပ်ခွင့် လုံးဝ အပြောင်းအလဲ မတွေ့ရသေးကြောင်း ရေးသားထားသည်။

အစိုးရသစ်က နိုင်ငံတ၀န်းရှိ ထောင်များတွင် အကျဉ်းကျခံနေရသူအားလုံးကို ထောင်ဒဏ် ၁ နှစ် လျှော့ပေါ့ပေးမည်ဖြစ်ပြီး သေ ဒဏ် ချမှတ်ခံထားရသူများကို တသက်တကျွန်း ပြစ်ဒဏ်သို့ လွတ်ငြိမ်းခွင့် ပေးမည်ဖြစ်ကြောင်း ယနေ့ ညနေတွင် အစိုးရပိုင် မြ၀တီ ရုပ်မြင်သံကြားမှ ထုတ်လွှင့် ကြေညာသည်။

ကြံ့ဖွံ့ပါတီ၏ ရခိုင်ပြည်နယ်တာဝန်ခံ ပြည်ထဲရေးဝန်ကြီးဟောင်းနှင့် ရခိုင်ပြည်နယ် တိုင်းမှူးဟောင်း ဦးမောင်ဦးသည် ၎င်း၏ စည်းရုံးရေး အစည်းအဝေးအား တက်ရောက်ခြင်းမရှိသည့် မောင်တောမြို့နယ် အလယ်သံကျော် ကျေးရွာ အုပ်ချုပ်ရေးမှူး ဦးအောင်သန်းဦးအား မေလ ၁၄ ရက်နေ့က အလုပ်ဖြုတ်လိုက်ကြောင်း နရိဉ္စရာ သတင်းတွင် ရေးသားထားသည်။ အစိုးရ အဖွဲ့ဝင် မဟုတ်တော့သည့်တိုင် အာဏာပြနေဆဲဖြစ်သော ကြံ့ဖွံ့ပါတီဝင် ဦးမောင်ဦး၏ လုပ်ရပ်အား ဒေသခံများကအမျိုးမျိုး ဝေဖန်နေကြကြောင်း သိရသည်။

ပြည်သူ့ဂုဏ်ရည်ဆုအတွက် ဆန်ခါတင် ၅ ဦးအနက် အကျဉ်းကျ သံဃာတော်နှင့် သီလရှင်များကို ထောင်ဝင်စာ တွေ့ပေးနေသည့် ဒေါ်ရှုအား မဲအများဆုံးဖြင့် ယမန်နေ့က ရွေးချယ်လိုက်သည်။ နိုင်ငံပေါင်း ၄၀ မှ မဲဆန္ဒရှင် ၂ သိန်းခွဲကျော်က မဲပေးခဲ့ကြကြောင်း သိရသည်။ ယခုနှစ်အတွက် ပြည်သူ့ဂုဏ်ရည်ဆုအတွက် အမေရိကန် ဒေါ်တာ ၁ သောင်းအထိ တိုးမြှင့် ဆုချီးမြှင့်မည်ဟု သိရှိရသည်။

စစ်ကိုင်းတိုင်း ကလေးမြို့၊ ကလေးအကျဉ်းထောင်တွင် ထောင်ဒဏ်ကျခံနေရသော အရှင်ဂမ္ဘီရနှင့် ရခိုင်ပြည်နယ် ဂွမြို့နယ် ပြည်သူ့လွှတ်တော် ကိုယ်စားလှယ် ဦးညီပု အပါအ၀င် နိုင်ငံရေးအကျဉ်းသားများက ဆုံးရှုံးနေသော ထောင်တွင်း အခြေခံ ရပိုင်ခွင့်များပေးရန် အစိုးရထံ တောင်းဆိုလိုက်သည်။ အချက် ၆ ချက်ပါ အဆိုပါတောင်းဆိုချက်များကို အကျဉ်းဦးစီးဌာနမှ တဆင့် ပြည်ထဲရေး ၀န်ကြီးဌာန၊ သမ္မတ ဦးသိန်းစိန်၊ ဒု သမ္မတတို့ထံနှင့် ကုလသမဂ္ဂ၊ အာရှလူ့အခွင့်အရေးကောင်စီ စသည့် နိုင်ငံတကာအဖွဲ့အစည်းများထံသို့ပါ တပတ်တကြိမ် ပေးပို့မည်ဖြစ်ပြီး မေလ ၃၁ ရက်နေ့အထိ တောင်းဆိုချက်များ မရပါက အစာငတ်ခံ ဆန္ဒပြကြမည်ဟု သိရသည်။

ယနေ့ည ၁၂ ရီမှ နောက်တနေ့ မနက် ၅ နာရီအထိ ရတနာပုံ တယ်လီပို့ အင်တာနက် ဝန်ဆောင်မှုများ ၅ နာရီကြာ ခေတ္တရပ်ဆိုင်းမည်ဟု ရတနာပုံ တယ်လီပို့မှ အကြောင်းကြားကြောင်း ပြည်တွင်းမှ အင်တာနက်ဆိုင်များက ပြောသည်။ ယင်းသို့ ရပ်ဆိုင်းထားရခြင်းမှာ မြန်မာ့ စာတိုက်နှင့် ကြေးနန်း (MPT) လက်အောက်မှ ဟံသာဝတီ နိုင်ငံတကာ Gateway ရှိ ပင်မ ကွန်ရက် ထိန်းသိမ်းပြုပြင်ရန် လိုအပ်သောကြောင့် ဖြစ်ကြောင်း အကြောင်းကြားစာတွင် ဖော်ပြထားသည်။ မြန်မာနိုင်ငံတွင် အဓိက အင်တာနက် ဆာဗာ နှစ်ခုရှိပြီး မြန်မာ့ဆက်သွယ်ရေးလုပ်ငန်းနှင့် ရတနာပုံ တယ်လီပို့တို့ ဖြစ်သည်။

NLD က ဆယ်တန်း ဖြေဆိုမည့် အဖွဲ့ဝင်လူငယ်များကို လာမည့် ဇွန်လပိုင်းမှ စတင်၍ အခမဲ့ ပညာ သင်ကြားပေးမည် ဖြစ်ကြောင်း သိရသည်။ လူငယ်များ နိုင်ငံရေး လုပ်ဆောင်ရာ၌ ပညာရေးပိုင်း အားမနည်းစေရန်ရည်ရွယ်၍ ဒေါ်အောင်ဆန်းစုကြည်၏ ဦးဆောင် မှုဖြင့် စီစဉ်ခြင်း ဖြစ်ကြောင်း၊ လတ်တလော၌ သင်ကြားမည့် လူငယ် ၃၀ ခန့်ရှိပြီး NLD မှ ဆရာ၊ ဆရာမ များက သင်ကြားပေးရန် စီစဉ်ထားကြောင်း NLD က ပြောသည်။

မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် မစ္စတာ ဗီဂျေ နမ်ဘီယာသည် ၃ ရက်ကြာ ခရီးစဉ်အဖြစ် ယမန်နေ့က ရောက်ရှိလာပြီး မွန်းလွဲပိုင်းတွင် နေပြည်တော်၌ နိုင်ငံခြားရေးဝန်ကြီး ဦးဝဏ္ဏမောင်လွင်နှင့် တွေ့ဆုံဆွေးနွေးသည်။ မစ္စတာ နမ်ဘီယာသည် ယနေ့တွင် ဒေါ်အောင်ဆန်းစုကြည် အပါအဝင် အလုပ်အမှုဆောင်များနှင့် တွေ့ဆုံမည်ဖြစ်ပြီး အမျိုးသားဒီမိုကရေစီ အင်အားစုပါတီအပါအဝင် နိုင်ငံရေး ၁၀ ပါတီကိုလည်း မေလ ၁၃ ရက်နေ့၌ တွေ့ဆုံရန် အစီအစဉ်ရှိသည်။

ရခိုင်ပြည်နယ်အတွင်းမှ ဂီရိလေဘေးသင့်ဒေသများဖြစ်သော မင်းပြားမြို့နယ်နှင့်ပေါက်တောမြို့နယ်တို့မှ ကျေးရွာ တချို့သည် ကချင်ပြည်နယ် ဖားကန့်ဒေသ၊ တနိုင်းဒေသ ရှိ ယုဇန ဦးဌေးမြင့်ပိုင်ဆိုင်သော ပီလောပီနံစိုက်ခင်းများ၌ လုပ်ကိုင်ရန် ရွာလုံးကျွတ်ပြောင်းရွှေ့ သွားကြကြောင်း သိရသည်။ ထိုသို့ ပြောင်းရွှေ့ရခြင်းမှာ ၎င်းတို့လုပ်ကိုင်စားသောက်ရာ မြစ်ချောင်း အင်းအိုင် များကို ပြည်နယ်အစိုးရသစ်က လေလံစနစ်ဖြင့် လုပ်ဆောင်လိုက်ခြင်းနှင့် ဂီရိကြောင့် ပျက်စီးသွားသည့်လယ်မြေများကို လုပ် ကိုင် နိုင်မှု မရှိတော့ခြင်းကြောင့် ဟု ဒေသခံများက ဆိုသည်။

စာရေးဆရာ နတ်နွယ် (၇၈)နှစ် သည် ယနေ့ နံနက် ၁၁ နာရီ ခန့်က အမှတ် ၄၈ ရပ်ကွက် ရန်ကုန်တိုင်း မြောက်ဒဂုံမြို့နယ်ရှိ နေ အိမ်တွင် ကွယ်လွန် သွားကြောင်း သိရသည်။ အမည်အရင်း ဦးလှမြင့် ခေါ် ဆရာနတ်နွယ်သည် မြစ်ကြီးနား ဇာတိဖြစ်ပြီး ၁၉၅၀ ခုနှစ်ခန့်မှ စတင်၍ စာပေလောကသို့ ၀င်ရောက်ခဲ့ပြီး ပင်ကိုရေးနှင့် ဘာသာပြန်စာပေများကို ရေးသားခဲ့သည်။ ဆရာ ရေးးသားခဲ့ သည့် ထင်ရှားသော စာအုပ်များမှာ မြန်မာပြည် မြောက်ပိုင်း၊ တံခွန်တိုင်မောင်နှမ၊ အပြာအ၀ါ၊ တစ်ကွေ့တော့ တွေ့ကြဦးမည်၊ ကာရာမာဇော့ ညီအစ်ကိုများ၊ မိုဗီဒစ်၊ ဂျက်လန်ဒန် စသည့် ၀တ္တုများ ရေးသားခဲ့ပြီး၊ စာရေးဆရာမင်းကျော်နှင့်လည်း တွဲဖက်၍ မလိခ အမည်ဖြင့် မြန်မာဝတ္တု အညွန်းကို ရေးသား ထုတ်ဝေခဲ့သည်။ နောက်ပိုင်းတွင် နွယ်နီ မဂ္ဂဇင်းကိုလည်း ထုတ်ဝေခဲ့သည်။